Регион
Нови тензии во Косово: пукање кај селото Бањска, блокиран влезот

Косовски полицаец е убиен синоќа, а друг е ранет во престрелка во селото Бањска, соопшти утринава косовската полиција. Од утрово затворени се премините Јариње и Брњак во правец на Косово, додека сообраќајот во другиот правец на тие два премини е отворен, но значително забавен поради претрес на автомобили, пишува „Еуроњуз“.
На кривината кон Бањска, на самата раскрсница има неколку оклопни возила на специјалните полициски единици, а според последните информации во моментот не се слушаат истрели.
Американскиот амбасадор во Приштина, Џефри Ховениер денеска најостро ги осуди, како што наведе, оркестрираните и насилни напади врз косовската полиција.
„Косовската полиција има целосна одговорност и легитимитет да го спроведува владеењето на правото на Косово.
Сторителите мора да бидат и ќе бидат изведени пред лицето на правдата. Во име на САД упатувам сочувство до семејството на загинатиот припадник на косовската полиција“, напиша Ховениер на платформата Икс (Твитер). Тој додаде дека САД внимателно ја следат ситуацијата и ги осудуваат, како што рече, „овие акти на насилство врз властите на легитимното Косово“.
Косовскиот премиер Албин Курти уште еднаш се огласи на својот Фејсбук профил каде изјави дека го посетил повредениот полицаец наведувајќи дека операцијата му била успешна и тој денеска ќе биде пуштен од болница.
Претседателот на српското Собрание Владимир Орлиќ денеска изјави дека премиерот на Косово Аљбин Курти прв ги обвини Србите за настаните во Бањска и дека секој сериозен би рекол да видиме што точно се случило, па потоа да коментира.
Косовската полиција претходно преку соопштение изнесе детали за самиот случај. Како што прецизираат, единицата за брза интервенција на граничната полиција околу 02:34 часот забележала дека на влезот во селото, односно преку мостот се поставени два поголеми камиони, без регистарски таблички и дека патот е блокиран.
„Единиците на Полициската станица Звечан, по добиеното известување, реагирале во врска со случајот и со три единици тргнале во правец на локацијата, а штом пристигнале во близина на местото каде што била пријавена блокадата, Полициските единици наишле на отпор, кога од повеќе различни позиции било пукано од арсенал огнено оружје, вклучително и рачни бомби и гранати, при што од пукањето било пукано во двајца полицајци“, соопшти полицијата.
Единиците, како што се наведува, реагирале во самоодбрана и успеале да го одбијат првичниот напад за да создадат услови за пружање помош и повлекување на застреланите колеги.
„Повредените полицајци се извлечени од локацијата и пренесени во Регионалната болница во Јужна Митровица, каде лекарот констатирал смрт на еден од тешко повредените полицајци, додека за другите двајца полицајци, од кои едниот е ранет, според лекарот се надвор од животна опасност“, додаваат од полицијата.
Косовскиот премиер, Албин Курти рече дека станува збор за терористички напад поддржан од Белград.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучевиќ: Ѓилас го уништи Белград повеќе од германските окупатори

Премиерот на Србија во технички мандат и претседател на СНС, Милош Вучевиќ денеска изјави дека претседателот на Партијата на слободата и правдата, Драган Ѓилас го уништил и опустошил Белград повеќе од германските окупатори и дека веќе никој не верува во неговите „Потемкинови села“.
„Внимавајте што вели експертот за кражба на народни пари, човекот кој Белград го направи негова приватна сопственост и го уништи и го направи полош од германските окупатори“, рече Вучевиќ на мрежата Икс, реагирајќи на најавата на Ѓилас на социјалните мрежи за формирање на новата влада на Србија.
Вучевиќ изјавил дека цената на кражбата на Ѓилас ја платиле граѓаните на Србија со години, додека тој кон Белград имал долг од 1,2 милијарди евра, а в џеб ставил 619 милиони евра.
„Почитуван Ѓилас, одамна никој не верува во вашите „Потемкински села“, Белград и Србија не се лонец со злато од кој можете да извадите пари колку сакате“, истакна Вучевиќ.
Тој додаде дека никој не сака неговите алтернативи за нормален живот и сигурна иднина да бидат криминал, ароганција, грабеж, насилство, неморал, злоупотреба на службената положба, бидејќи, како што истакна, тоа се синоними за Ѓилас и неговата „банда крадци кои би се вратиле на власт без волјата на народот“.
Нема да се извлечете! Србија ќе победи!“, нагласи Вучевиќ, пренесува Танјуг.
Регион
Земјотрес во Црна Гора, почувствуван и во Хрватска: „Беше краток, но силен“

Црна Гора беше погодена од земјотрес со јачина од 3,3 степени според Рихтеровата скала во 11 часот и 52 минути, јавува ЕМСЦ.
Епицентарот бил на 48 километри од Подгорица и 20 километри од Никшиќ.
Според корисниците на EMSC, земјотресот бил почувствуван и во Хрватска и Босна и Херцеговина.
„Кратко, но силно“, коментира жител од Дубровник.
„Многу кратко, но се почувствува“, вели друг жител од областа Дубровник.
Регион
Жена со нож упаднала во основно училиште во Бугарија: ја удрила наставничката во лице

Жена упаднала во основното училиште во Бугарија и нападнала наставничка, јавуваат бугарските медиуми.
Приведена е жена (37) чие дете учи во споменатото училиште. Наставничката се здобила со повреди на лицето.
Според локалните медиуми, осомничената жена влегла во училиштето, извадила нож, замавнала со него, ја навредувала, а потоа ја нападнала наставничката.
Инцидентот веднаш бил пријавен од вработените во училиштето. Полицијата брзо пристигнала на лице место, ја разоружала агресивната мајка и ја привела.
Поради инцидентот во училиштето поведена е истрага, а за се е известено и надлежното Обвинителство.
Се уште не е јасно како дошло до нападот, ниту зошто жената ја нападнала наставничката.
Истрагата за овој инцидент е во тек, според тамошните медиуми.