Соопштенија
ШК Алкалоид загуби минимално од репрезентацијата на Италија
![](https://makfax.com.mk/wp-content/uploads/2023/09/thumbnail_Round-3-VM-Kiril-Georgiev-Struga-2023.jpg)
Во очекувано тежок меч, селекцијата на Италија успеа со минимални 2,5:1,5 да му го нанесе првиот пораз на ШК Алкалоид во рамки на 4. коло од Светското екипно првенство за сениори (категорија над 50 години), што се игра во Струга.
По поразот од првиот тим на Англија во 3. коло, Италија како треторангиран носител беше соочена со можност за елиминација од борбата за медали доколку повторно загуби, поради што нашите шахисти внимателно го започнаа мечот.
На сите четири табли се играше внимателно, а речиси ниту еден од нашите претставници немаше видливи проблеми по отворањето. Сепак, освен на четвртата табла каде што ВМ Звонко Станојоски контунуирано беше во егал-позиција и партијата заврши со реми, во другите партии се случија моменти кои влијаеја на конечниот исход.
ВМ Кирил Георгиев на првата табла повторно покажа дека одлично се ја разбира Најдорф варијантата од Сицлијанската одбрана, создавајќи ситуација во која по размена на лесните фигури, противничкиот крал беше пред егзодус со расплет кој не ветува добра завршница, па по 28 потези противникот се предаде.
На втората табла се играше Отварање на четири коњи, во која ВМ Трајко Недев ги имаше белите фигури и почетната иницијатива, но меѓу 21 и 32 потег противникот ја искористи непрецизната игра на Недев и се стекна со предност, по што влезе во добиена топовска завршница.
Во партијата на третата табла, ВМ Влатко Богдановски исто така имаше солидна позиција, каде што по првите неколку потези настана ситуација од познатата варијанта на размена во Словенска одбрана. Се водеше изедначена борба, се до цајтнотот, каде што Богдановски направи превид и дојде во загубена позиција.
Имајќи предвид дека во претходното коло ШК Алкалоид ремизираше со прворангираниот тим, при што во еден момент имаше шанса за победа, неминовно е потсетувањето на старата изрека според која кога шансите не се користат на една страна, казната стигнува на спротивната.
– Штета е што изгубивме во ваков меч каде што постојано бевме најмалку рамноправни, а на моменти и подобри. Малку несфатливо, но тоа е, едноставно нештата несреќно се свртеа против нас. И тоа се случува, мораме спортски да честитаме и да излеземе посилни во продолжението на турнирот,- рече капитенот ВМ Драган Јаќимовиќ.
– Ако веќе си испуштил некоја подобра можност, најважно е веднаш да го заборавиш тоа. Во шахот секогаш се продолжува понатаму, мора да се мобилизираш повеќе и да се обидеш да го поправиш она што си го испуштил,- вели ВМ Кирил Георгиев, кој своевремено, во 1983 беше Светски јуниорски шампион.
Алкалоид останува во борбата за медал, при што особено решавачки ќе бидат наредните 2-3 кола. Денес шахистите на Алкалоид играат против репрезентацијата на Полска која е седморангирана.
Единствениот поен за македонските екипи го освои селекцијата на слепи и слабовидни шахисти која играше нерешено со Шкотска (категорија над 50 години), додека македонските ветерани во категоријата над 65 години (18. место по стартен рејтинг) и покрај триумфот на Александар Кралевски, го загуби дуелот со Косово која е 9-рангирана екипа на турнирот, исто така со 2,5:1,5.
Фото: Архива на ШК Алкалоид
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Соопштенија
„Славиме заедно – 100 години Прилепска пиварница“
![](https://makfax.com.mk/wp-content/uploads/2024/06/post-i-PR.jpg)
На 13 јули 2024 година, со почеток од 20 часот, во срцето на плоштадот Методија Андонов – Ченто во Прилеп, ќе се одржи спектакуларен настан за одбележувањето еден век од постоењето на Прилепска Пиварница.
Основана во 1924 година, Прилепска Пиварница е камен-темелник на заедницата, произведувајќи најквалитетни пијалаци што го отелотворуваат нашето богато наследство. Овој значаен јубилеј заслужува голема прослава и затоа ве покануваме да ни се придружите заедно да го одбележиме овој наш голем роденден.
Настанот ќе биде исполнет со музика и забава. Реномираните уметници Марија Шерифовиќ, „ДНК“ и „Тропико бенд“ ќе се погрижат да приредат незаборавна вечер што долго ќе се прераскажува.
Не ја пропуштајте можноста да бидете дел од историјата и да прославите 100 години успешност заедно со нас. Придружете ни се на 13 јули на плоштадот Методија Андонов – Ченто во Прилеп, за незаборавна вечер со музика, веселба и убави спомени.
ПР текст
Соопштенија
Фестивал на видео игри во Diamond Mall
![](https://makfax.com.mk/wp-content/uploads/2024/06/Foto_1.jpg)
Од 15 до 19 јуни, сите љубители на видео игри ќе бидат во Diamond Mall каде ќе се одржи специјален фестивал посветен на модерните и ретро видео игри. Фестивалот е во организација на Diamond Mall и ќе има натпреварувачки карактер, со атрактивни подароци за натпреварувачите во различните категории. Посетителите што нема да се натпреваруваат ќе имаат можност да бидат дел од гејминг забавата во посебно опремениот простор со симулатори и конзоли за видео-игри.
На фестивалот во Diamond Mall сите учесниците и љубителите на видео-игрите ќе можат да се забавуваат и натпреваруваат, а меѓу игрите што ќе ги понуди фестивалот се оние од „PlayStation“ и „Nintendo“, но и ретро видео-игрите како „Super Mario“, „Pack-Man“, „King Kong“ и сл. Понудата е дополнета и со опции за натпреварување и забава, преку практикување фудбалски вештини.
За најуспешните учесници на фестивалот на видео-игри, Diamond Mall ќе обезбеди подароци ќе ги додели познатиот македонски актер, познат љубител на видео игри и програмер Гораст Цветковски, а доделувањето ќе се одржи на 19 јуни 2024, на последниот ден од фестивалот.
Настанот е дел од низата активности што Diamond Mall ги нуди на своите посетители, овозможувајќи им нови и поинакви искуства, кои се комплементарни со останатите содржини на трговскиот центар. Благодарение на ваквиот уникатен концепт, Diamond Mall прерасна во една од омилените дестинации за сите жители и посетители на главниот град.
ПР текст
Соопштенија
Компанијата „Зегин“ ги обедини граѓаните во хуманитарна трка
![](https://makfax.com.mk/wp-content/uploads/2024/06/NO1_8466.jpg)
Во неделата во Општина Аеродром се одржа “Хуманитарната Трка Зегин Спектратон- Трка на херои во сите бои”.
Трката беше во организација на компанијата Зегин и Фондацијата Д-р Верица Механџиска, а средствата собрани од сите котизации на пријавените учесници ќе бидат донирани во Здружението “Во мојот свет”, за реконструкција на првиот регионален социјален клуб за адолесценти со аутистичен спектар.
Повеќе од 1800 граѓани трчаа во име на хуманоста, љубовта и свет еднаков за сите.
Трките беа поделени во неколку категории:
Трка на 10км
Трка на 5км
Штафетна трка 2х5км
И детски трки од 150, 300 и 500м.
За сите пријавени учесници следуваше богат пакет, а за најдобрите имаше и награди во сите категории.
Тркачите имаа задоволство да трчаат по сертифицирана патека, а сите посетители уживаа во забава, музика, игри за најмалите и освежување.
Ваквите настани се показател дека општествената одговорност треба да биде важен сегмент на сите компании и поединци кои можат во голема мера да помогнат за подобрување на квалитетот на животот на оние на кои им е најпотребно.
ПР текст