Забава
Џеј Зи, Тимбаленд и Џинувајн победија тужба за авторски права
Раперот Џеј Зи, продуцентот Тимбаленд и аренби-пејачот Џинувајн го убедија федералниот судија на Менхетен да ја отфрли тужбата на соул-музичарот Ерни Хајнс, кој тврдеше дека незаконски семплирале една од неговите песни од 1969 година.
Американскиот окружен судија Пол Оукен во понеделникот пресуди во полза на обвинетите нагласувајќи дека хитот на Џеј Зи – Paper Chase и хитот на Џинувајн – Toe 2 Toe, и двете напишани и продуцирани од Тимбаленд кон крајот на 90-тите, не ги прекршуваат авторските права на Хајнс во неговата песна Help Me Put Out The Flame (In My Heart).
Адвокатот на Хајнс не одговори веднаш на барањето за коментар за одлуката.
Претставник на „Ворнер мјузик“, обвинет во случајот, одби да коментира.
Хајнс првпат поведе тужба поради песните во 2019 година тврдејќи дека тие копирале дел од воведот на неговата песна. Обвинетите рекоа дека делот не е подобен за авторски права затоа што е преземен од т.н. сток-фраза (музичка фраза, форма или ритам) во дело од 1914 година, Mysterioso Pizzicato, што се користи во најмалку 28 други песни и стана синоним кај филмските негативци.
Судијата Оукен се согласи дека песната на Хајнс „позајмува од многу користено дело, кое е во јавен домен и додава материјал што не е доволно оригинален за да биде заштитен со авторски права“.
Оукен исто така рече дека релевантните делови од песните на Џеј Зи и Џинувајн не се доволно слични за Хајнс да покаже кршење авторски права, дури и ако неговиот вовед е заштитен со авторски права.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Со нови фотографии, Ирина Шајк ја оправда титулата на една од најубавите жени во светот
Една од најпознатите манекенки во светот, Ирина Шајк, на своите приказни на Инстаграм покажа фотографии на кои е во црно бикини. Таа ги остави без здив своите фанови. 38-годишната девојка уживаше во викендот со својата седумгодишна ќерка Леа Де Сејн.
Инаку, Ирина е родена на 6 јануари 1986 година во рускиот град Јеманжелинск. Својата манекенска кариера ја започнала во 2004 година кога потпишала договор со агенција во Москва, а две години подоцна се преселила во Париз. Помалку е познато дека нејзиното вистинско презиме е Шејхлисламова.
Таа се здоби со меѓународно признание кога се појави како прв руски модел на насловната страница на „Sports Illustrated Swimsuit Issue“ во 2011 година.
Покрај успешната манекенска кариера, Ирина е позната и по врските со бројни познати личности.
Таа беше во врска со Кристијан Роналдо пет години, по што се бакна со холивудскиот заводник Бредли Купер со кој доби ќерка, а подоцна ја поврзуваа и со Канје Вест и Леонардо ди Каприо.
Забава
Хороскопски знаци кои се љубоморни на своите браќа и сестри
Не, ова не е класичното благо ривалство помеѓу браќата и сестрите. Знаците кои се љубоморни на своите блиски можат да одат чекор понатаму.
Дури и кога се млади, овие хороскопски знаци се однесуваат прилично лошо со своите браќа и сестри. Тие се љубоморни, конкурентни и бараат внимание од родителите само за нив. Нивните родители секојдневно мораат да се справуваат со расправии и викање низ дома, а често има моменти кога мораат да носат и мировен шлем.
Хороскопски знаци кои се љубоморни на своите блиски
Овен
Ако Овенот е првото дете во семејството, тогаш проблемот е уште поголем. Тие ги гледаат своите браќа и сестри како закана и конкуренција. Претставниците на овој знак се многу себични и сакаат се да биде нивно. Не знаат да ги споделат работите и доколку нивните помлади роднини не се послушни, тоа ќе биде голем проблем што ќе треба да го решат на свој начин. Што секако нема да биде одлично решение.
Шкорпија
Шкорпиите се многу љубоморни и посесивни. Сакаат се за себе. Поточно, тие сакаат се или ништо. Ќе направат се за да земат се од нивните браќа и сестри затоа што се разбира, тоа (што и да е) им припаѓа само нив. Ќе станат злобни и ќе им постават стапица на своите роднини. Тие се посесивни дури и кога се во прашање нивните родители и веруваат дека му припаѓаат нему и не сакаат да ги делат со никого.
Бик
Биковите функционираат на сличен начин како и Шкорпиите. Тие се и многу посесивни и љубоморни и сакаат се за себе. Ним им треба целото внимание, без разлика дали се работи за игра, музичка изведба или само соба во куќата. Тоа е доволно само за нив и ништо друго не им треба.
Лав
Иако се на крај, немојте да мислите дека тие се помалку конкурентни или љубоморни од другите знаци. Особено, ако се првородени. Тогаш тие се за нијанса позлобни кон своите роднини. Тоа е затоа што чувствува дека неговиот престол е дома. Зошто дојдовте во семејството и зошто сите одеднаш се загрижени за вас? Ова е особено проблематично ако другото дете се гледа како слатко и привлекува внимание.
Забава
(Видео) Ким Кардашјан објави снимка од тинејџерските денови: „Иста си како Норт“
Ким Кардашјан објави видео од детството, поточно од тинејџерските денови. Видеото го снимила сестра ѝ Клои.
„Нејзиното име е Ким, таа е многу убава и ќе стане позната кога ќе порасне“, вели Клои во видеото, на што Ким одговара: „О, јас го знам тоа“.
„Клои, снимател и вештерка“, се пошегува најпознатата светска старлета во описот на видеото.
„Иста си како Норт“, „Како да гледам во Норт“, напишале следбениците споредувајќи ја Ким со нејзината најстара ќерка Норт.