Јавен обвинител од Основното јавно обвинителство Велес поднесе Обвинителен предлог против едно лице за кривично дело – Телесна повреда од член 130 став 2 во врска со став 1, како и Загрозување на сигурноста според член 144 став 3 во врска со став 2 и став 1 од Кривичниот законик. Делата ги сторил при вршење семејно насилство врз сопствената мајка.

На 17 јуни, по вербална расправија во домот, обвинетиот ја удрил мајка му со бокс во главата, па започнал да ја дави, нанесувајќи и телесни повреди – хематоми. Зел нож од кујната со кој и се заканил дека ќе ја убие.

На 19 јуни побарал од мајката да му даде пари. Откако му рекла дека нема, повторно со нож и се заканил дека ќе ја убие, со што кај неа предизвикал вознемиреност и страв.

Јавниот обвинител до Основниот суд во Велес поднесе и предлог за определување мерка притвор за обвинетиот, кој што живее во истата семејна заедница со жртвата и има можност да го повторува семејното насилство. Исто така, постојат околности кои укажуваат дека тој би можел да се даде во бегство за да го избегне кривичниот прогон.

Судот го прифати предлогот на јавниот обвинител и определи притворска мерка.

СВР Скопје поднесе кривична пријава против Н.С.(39), Г.Т.(38) и Д.С.(35), сите од Скопје, порадипостоење основи на сомнение за сторено кривично дело.

На 01.06.2024, пријавените со патничко возило го носеле К.Б. на неколку локации низ градот против негова волја, при што физички го напаѓале.

Поради случена сообраќајна незгода, патниот правец Берово – Струмица е затворен за сообраќај во двата правци, информираат од АМСМ.

Како што посочуваат, патот е затворен од 16:20 часот.