Македонија
Спасовски во посета на Полицискиот камп Белица каде се реализира дрил-тест за кандидатите на ЕБР и САЕ Тигар
Mинистерот за внатрешни работи Оливер Спасовски заедно со дел од раководството на Министерството за внатрешни работи го посети Полицискиот камп Белица, каде што во тек е дрил-тест како една фаза од селективниот процес на кандидати за пополнување на составот на двете елитни специјални единици при Одделот за специјални полициски операции во рамки на Бирото за јавна безбедност при МВР.
Поточно, дрил-тестот во времетраење од 21 ден завршува за кандидатите за Единицата за брзо распоредување, а започнува за кандидатите за Специјалната антитерористичка единица Тигар.
Имено, на 27.06.2023 беа распишани интерни огласи за пријавување на кандидати за ЕБР, односно САЕ Тигар, на кои за потребите на Единицата за брзо распоредување беа пријавени вкупно 26 кандидати, додека за потребите на Специјалната антитерористичка единица Тигар беа пријавени вкупно 38 кандидати.
Или поконкретно, по извршените тестирања на пријавените кандидати за ЕБР, кои опфаќаат физичка подготвеност, психолошко тестирање, тест за фобии и интервју, согласно Правилникот за спроведување селекција на ЕБР, останаа 15 кандидати (13 машки и 2 женски) кои ги исполнија критериумите од извршените тестирања и прејдоа во втората фаза, т.н. дрил-тест селекција, која се одржуваше во периодот од 11.09.2023 до денеска (01.10.2023) во Полицискиот камп Белица. Селекцијата опфаќаше неколку критериуми, и тоа: физичка подготвеност, самостојност, одговорност и дисциплина, соработка и тимска работа, доверливост, комуникациски вештини, креативност и мотивираност, прилагодливост кон различни ситуации, снаодливост и храброст, ракување со вооружување. Притоа, оваа фаза од селекцијата успешно ја завршија 11 кандидати, меѓу кои и една полициска службеничка. Следната трета фаза ќе опфати петмесечна обука која вклучува основна обука во рурална средина, во урбана средина и обука за воспоставување на ЈРМ во поголем обем, а ќе се изведува во Крани, Пониква и во базата на ЕБР – Полицискиот центар Ѓорче Петров. Кандидатите кои успешно ќе ги завршат предвидените обуки, ќе бидат дел од составот на оваа специјална единица.
Што се однесува, пак, до пријавените кандидати за САЕ Тигар, по извршените тестирања согласно Правилникот за прием и селекција на оваа организациска единица, кои меѓу другото опфаќаат психофизички проверки и тестирања за фобии од висина, тесен простор и вода, исполнувајќи ги критериумите, од денеска 28 кандидати продолжуваат во втората фаза на дрил-тест во период од 21 ден, која ќе трае до 22 октомври во Полицискиот камп Белица. За време на дрил-тестот, кандидатите за САЕ Тигар ќе бидат подложни на зголемен психофизички напор, без можности за комуникација надвор од кампот, маршеви на долги дистанци, ракување со оружје, приспособување во простор и сл., а оние што успешно ќе ја завршат и оваа втора фаза од процесот на селекција, ќе се упатат на селективна обука во времетраење од шест месеци во рурални средини на подрачјето на државата. Кандидатите кои успешно ќе ја завршат и селективната обука, заслужено ќе го добијат амблемот на САЕ Тигар, како припадници на оваа елитна единица.
За време на посетата на министерот Спасовски на Полицискиот камп Белица беа изведени показни вежби дел од дрил-тестот. Притоа, министерот Спасовски се обрати пред кандидатите за САЕ Тигар и ЕБР.
„Ви честитам што се пријавивте за вклучување во елитните единици на МВР кои се стожер на државата и на безбедноста. Престиж е да се биде дел од САЕ Тигар и ЕБР”, истакна министерот Спасовски. Притоа, тој им честиташе на кандидатите за двете единици за досегашниот процес на селекција.
„На кандидатите од ЕБР кои го поминаа дрил-тестот им честитам и посакувам да продолжат со иста таква посветеност и ентузијазам да ја завршат до крај обуката.
На кандидатите за САЕ Тигар им посакувам успешен старт и силна посветеност, а јас посакувам сите да ја завршите обуката”, рече министерот Спасовски, додавајќи дека раководството на МВР секогаш е тука за нив.
„На сите колеги кои се грижите за обуката и кандидатите и им помагате да ги совладаат вештините, ви честитам и ви се заблагодарувам. Раководството на МВР е секогаш тука за да создадеме добри услови и да ве мотивираме за уште поголеми успеси”, рече Спасовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Оваа година и православните и католичките верници го слават Велигден на ист ден
Оваа година и православните и католичките верници го слават Велигден на ист ден – 20 април. Ваквото поклопување не се случува често, бидејќи источната и западната црква користат различни календари (јулијански и грегоријански), но годинава датумите се совпаѓаат.
Двата најважни празници во христијанството се Божиќ и Велигден, денот на раѓањето и денот на воскресението на Исус Христос. Датумот на Божиќ е утврден – тоа е 25 декември, и во јулијанскиот и во грегоријанскиот календар.
Велигден, пак, секоја година паѓа на различен датум, што многумина збунува. Иако секогаш се слави во недела, правилата за одредување на датумот на овој празник не се едноставни – тие вклучуваат астрономија, математика и вековна црковна традиција.
По годинашното совпаѓање, догодина православната и римокатоличката црква, повторно различно ќе го слават Велигден. Православните верници Воскресението Христово во 2026 година ќе го одбележат на 12 април, а католичките една недела порано на 5 април.
Последното славење на Велигден на ист ден беше во 2017 година, а следното ќе биде на 16 април 2028.
Македонија
Дел од улиците низ Скопје ќе бидат затворени заради верскиот празник Велигден
По повод верскиот празник „Воскресение Христово-Велигден” од попладне ќе биде воведен посебен сообраќаен режим на одредени сообраќајници во централното градско подрачје и во општините Ѓорче Петров и Аеродром.
Како што соопшти МВР, во периодот од 18 часот во центарот на Скопје по потреба за сообраќај ќе бидат затворени бул.„Партизански Одреди” од крстосницата со ул.„Франклин Рузвелт” до крстосницата со бул.„ВМРО”, бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски” и ул.„Митрополит Теодосиј Гологанов“ од крстосницата со ул.„9-ти Мај” до кружната крстосница со ул.„Св. Кирил и Методиј”.
На автобусите кои што минуваат преку мостот „Гоце Делчев” по потреба ќе им се менува трасата на движење при што истите ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите коишто минуваат преку центарот на градот ќе се движат по ул.„М.Т.Гологанов” па преку ул.„Франклин Рузвелт” ќе се вклучуваат на бул.„Партизански Одреди”. И во спротивна насока автобусите ќе ги користат истите сообраќајници.
Во општина Ѓорче Петров по потреба за сообраќај ќе се затвори ул.„Македонска Војска“ пред црквата „Свети Петар и Павле“ на потегот од крстосницата со бул.„Партизански Одреди“ до ул.„Ѓорче Петров“.
Во општина Аеродром по потреба за сообраќај ќе биде затворен локалниот пат кон с. Лисиче.
По потреба за сообраќај ќе бидат затворени и други сообраќајници кои гравитираат околу верските објекти.
Македонија
Сончево и топло со мала до умерена локална облачност
Времето денеска, сончево и топло со мала до умерена локална облачност. Во крајните источни планински региони ќе има услови за слаб дожд. Ќе дува слаб до умерен ветер од северозападен правец, поизразен долж Повардарието. Минималната температура ќе биде во интервал од 5 до 11, а максималната ќе достигне од 18 до 26 степени.
Во Скопје, сончево и топло со мала до умерена облачност. Ќе дува слаб до умерен ветер од северен правец. Минималната температура ќе се спушти до 10, а максималната ќе достигне до 25 степени.
Во наредните денови следува период на топло време. Во недела ќе се задржи сончево со мала до умерена облачност, а од понеделник променливо облачно и нестабилно со локален пороен дожд и грмежи.
Три лица загинаа, а осум се повредени во сообраќајната несреќа на патниот правец Кичево-Гостивар
Три лица загинаа, а осум се повредени во сообраќајната несреќа што вчера вечерта се случи на патниот правец Кичево-Гостивар. Од...
Велигден е тука, но нашите деца ги нема, не прашува ли некој нас како ги минуваме деновите, пишува Златкова, мајка на загинато момче во дискотеката во Кочани
Велигден е тука, но нашите деца ги нема. Престанаа да им чукаат срцата, ги закопавме во црната земја. Некои биле...
Одземени возила: биле користени во „диви“ трки во Куманово
На 16.04. и 17.04.2025 во СВР Куманово било пријавено дека на автопатот Куманово – Скопје се одвиваат диви трки со...
Синдикатот на културата разочаран од Љутков: вработените останаа без плата за најголемиот христијански празник
Секој март од 2021 па наваму, кога се коригира минималната плата и кога платите во културата треба да се усогласат...
Наместо куќен притвор, мерки на претпазливост за двајца поранешни инспектори на ДПИ, иста мерка и за лице од дискотеката
Основното јавно обвинителство Кочани, постапувајќи во предметот во врска со пожарот во кабаре клуб “Пулс”, до Основниот суд во Кочани...
Се задушил од запалена плинска боца: пронајден починат маж во Кавадарци
Центарот за управување со кризи (ЦУК) информира дека пожар во урбана средина бил трагичен за повозрасно лице во Кавадарци. Од...
Историја без Албанци-Новата програма за седмо одделение ги исклучува од учебниците, реагираат од ДУИ
Новата програма на Бирото за развој на образованието при Министерството за образование и наука за предметот „Историја и општество“ за...
(Видео) Автомобил влече врзан коњ низ Скопје: полицијата го идентификуваше возачот
МВР го идентификуваше возачот на автомобилот кој влечеше врзан коњ во Скопје по вчерашното видео на кое реагираа граѓаните. Во...
Владата озаконува паушални фактури за струја, граѓаните не смеат да бидат жртви, апелираат Инженери на Македонија
Инженери на Република Македонија (ИРМ), денеска упати апел до пратениците и Министерството за енергетика за да ги отстранат како што...
Маркетите од денеска со нова обврска: ќе треба јавно да ги објават цените на производите
Трговците се должни од денеска да ги објавуваат продажните цени на производите на нивните официјални веб страници. Министерството за економија...
Трамп ѝ се закани на Кина со царини до 245 проценти; Кина: Бесмислена игра со броеви, одиме до крај
Кина ги отфрли најновите најави за зголемување на американските царини, нарекувајќи ги заканите на администрацијата на Доналд Трамп „бесмислена игра...
Иран: „Целиот наш воен потенцијал е подготвен“
Техеран е подготвен да се одбрани од какво било мешање и закани, а целиот воен потенцијал е подготвен да ја...
Америка: Имаме нов план за мир, им го презентиравме на Русија, Украина и Европа
Соединетите Американски Држави им презентираа на Украина, Русија и Европа „рамка за траен и одржлив мир“, изјави портпаролката на американскиот...
Села му одговори на Таравари: Без доверба и чест нема ниту куќа, ниту врата
Едниот од лидерите на поделената Алијанса за Албанците, Зијадин Села, преку социјалните мрежи му одговори на неговиот поранешен сопартиец, Арбен...
Папазов од притвор оди во куќен притвор – за седуммина осомничени за пожарот во Кочани мерката е заменета
Поранешниот градоначлник на Кочани, Љупчо Папазов, кој си поднесе оставка од функцијата по трагедијата во дискотеката „Пулс“, оди во куќен...
Револт во Германија поради новите правила за работниците од Западен Балкан, меѓу кои и македонските
Идната Демохристијанско-социјалдемократската влада планира да инвестира 500 милијарди евра во наредните години во реконструкција на дотраената инфраструктура: железници, патишта и...
Почина уште еден повреден во пожарот во Кочани, кој се лекуваше во Белград
Министерството за здравство информира дека во согласност со информациите од Воено медицинската академија во Белград, денеска претпладне, за жал, на...
Осомничениот полицаец за пожарот во Кочани по кој се трагаше сам се пријавил во Обвинителството
Полицаецот по кој се трагаше утрово сам се пријавил во Обвинителството. Тој е меѓу 10-те полициски службеници, кои од завчера...
ЗНАМ: Некој што соработува со ДУИ не треба да биде дел од Владата
За Движењето ЗНАМ за наша Македонија е неприфатлива соработка со нереформираната ДУИ и со лица од СДСМ кои учествувале или...
(Видео) Кузеска 30 дена по трагедијата во Кочани: Зошто се штитат актуелните полициски функционери, министре Тошковски, нели имате малку совест?
„Поминаа триесет дена од трагедијата во Кочани, во која го загубија животот 61 лице, а уште 200 беа тешко повредени....
