Соопштенија
Секое дете заслужува да расте со љубов: „Нептун“ хуманитарна кампања за СОС „Детското село“ – „Заокружи сметка”
Пред две години Нептун Македонија заедно со своите вработени одлучија да направат импакт во заедницата во областа на поддршка на ранливите категории – децата без родителска грижа и тоа преку поддршка на работата на СОС Детско село.
“Во овој период реализиравме многу активности, читавме онлајн приказни на децата, садевме дрва, кречевме куќи кај младиниците, нашите вработени држеа обуки на младите за зајакнување на нивната вработливост и меѓудругото станавме КУМОВИ на една куќа. Како заокружување на годината одлучивме по втор пат да ја активираме кампањата “Заокружи сметка” која стартува на 1 октомври и ќе трае до 31 декември оваа година – велат од Нептун.
Преку оваа акција се овозможува на потрошувачите да донираат едноставно и да придонесат за квалитетни услови за грижа на децата во СОС Детското село. Со едноставно заокружување на сметката при кое било купување во Нептун, потрошувачите може да донираат износ по свој избор во рамки на можностите.
„Им благодариме на Нептун кои ја препознаа важноста на поддршката за децата од СОС Детското село да растат во топол дом, опкружени со родителска љубов и грижа. Ова е нивна втора донаторска иницијатива во рамки на нашето стратешко партнерство и ние сме навистина благодарни за сите активни напори во насока на обезбедување подобро разбирање на потребите на овие деца – изјави Силвија Брајовиќ од СОС Детско село.
Истовремено по повод одбележување на 1 година КУМСТВО, тимот на Нептун на 29.9.2023 се дружеше со Кумската куќа во во Зоолошката градина во Скопје, а забавата продолжи во службените простории на Нептун, од каде и децата, но и вработените си заминаа со полни срца и широки насмевки.
„Сите наши потрошувачи може да дадат придонес во оваа голема хуманитарна акција со едноставно заокружување на сметката до износот што го сакаат, на секое пазарување реализирано во Нептун до крајот на годината. Веруваме дека заедно со нашите потрошувачи ќе им помогнеме на децата од СОС Детското село слободно да ги развиваат своите капацитети и да станат успешни млади луѓе што активно ќе придонесуваат во општеството“ – изјави Александра Тасевска, Координатор за корпоративен маркетинг во Нептун.
Нептун преку Хуманитарната акција „Заокружи сметка“ сака да ги зајакне капацитетите и потенцијалите на згрижувачите, но и на децата во СОС Детско село, демонстрирајќи активен напор во креирање на подобри можности за нив, но и со верба дека ќе мобилизира и други компании во намерата за поттикнување на позитивни општествени промени.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Претставата „Лагата“ гостува на 23. традиционален фестивал „Албански театар во РСМ“, Дебар
Македонскиот народен театар на 28 септември ќе учествува на 23. традиционален фестивал „Албански театар во РСМ“, Дебар.
„Со особена чест ја прифативме поканата за учество на фестивалот, со претставата ‘Лагата’, од Флоријан Зелер, во режија на Бесфорт Идризи, а во која играат: Јордан Симонов, Габриела Петрушевска, Оливер Митковски и Драгана Левенска“, посочија од МНТ.
Покрај учеството на 31. фестивал на камерен театар „Ристо Шишков“ во Струмица, каде што актерот Јордан Симонов за улогата на Павле го доби највисокото актерско остварување, лауреат, ова е второ фестивалско учество на претставата.
Фестивалската програма почна на 24 и ќе трае до 30 септември 2024 година.
Во натпреварувачкиот дел од програмата ќе учествуваат 7 (седум) претстави од театри од нашата земја, Албанија и Косово, а во изминатите години до сега на фестивалот учествувале повеќе од 180 претстави од Македонија, Албанија, Косово, Србија, Црна Гора, Франција, Швајцарија и САД.
Соопштенија
Летните авантури на децата поддржани од СОС „Детското село“ – летуваме, учиме и растеме
Активностите за време на летото за децата се многу повеќе од само забава, а особено за децата без родителска грижа. Затоа и оваа година СОС Детско село организираше повеќе активности и патувања каде беа вклучени 60 деца и млади. Преку спорт, креативни активности и авантури на отворено, тие ги откриваат своите силни страни, создаваат нови пријателства и ги градат вештините што им се потребни за да напредуваат. Овие моменти на радост и достигнувања се особено влијателни, овозможувајќи не само лето со спомени, туку основа за посветла иднина.
Спортски дух и самодоверба- “Надеж за Мундијал“
Светско фудбалско првенство за деца без родители и родителска грижа. Турнир, кој започна како национален настан во Полска во 2010 година и прерасна во меѓународен, допирајќи ги животите на преку 11.000 млади спортисти од 45 земји.
Седум момчиња кои беа дел од нашиот тим имаа можност преку натпреварите и заедничките тренинзи, да ја развиваат тимска работа, дисциплината и издржливоста, но и да создадат нови пријателства, да почувствуваат глобално единство и да ја зајакнат својата самодоверба.
Летен Камп кој ги поврза срцата на децата без родителска грижа од целиот свет
Летниот одмор во Калдонацо, во кампот на СОС Детско Село, не беше само обичен одмор, туку вистински празник на пријателството и заедништвото за децата од целиот свет. Нашата група од 39 деца и 8 едукатори уживаа седум дена во кампирањето, исполнето со многу дружење, забава, спортски активности и пливање.
Oва беше уникатна можност за децата без родителска грижа од различно културно, јазично и религиско потекло да се дружат и обединат. Активностите на кампот беа прецизно планирани не само за забава, туку и за зајакнување на децата. Тие учеа за одговорност, ја граде својата самодоверба преку достигнувања и ги развиваа своите социјални вештини преку интеракција со врсниците.
Oвој заеднички одмор им овозможи на децата да се чувстуваат како дел од едно големо семејство.
И им овозможи да се идентификуваа со другите деца како нив и да го зајакнат чувството на припадност креирајќи позитивна слика за себе.
Секое дете се врати дома со куфер полн со спомени и срце исполнето со среќа. Овој камп беше пример за тоа како вистински структурираните активности и поддршката од СОС Детско Село можат да направат длабока и трајна промена во животот на децата, овозможувајќи им да растат со чувство на припадност и сигурност.
Истражување и учење во Прага
И оваа година десет деца поддржани од СОС Детско село беа дел од традиционалната посета на Прага, организирана од невладината организација Ластавица, која по 11 пат беше наш домаќин. Ова патување, кое стана дел од нашата традиција, има за цел да обезбеди културна размена за децата, како и да ги инспирира да ги следат своите соништа и амбиции.
Оваа година, децата ги истражуваа знаменитостите на Прага, учествуваа во разни едукативни активности и ја доживеаја магијата на еден од најубавите градови во Европа. За многу од нив, ова беше првпат да патуваат во странство и да се запознаат со нови култури и традиции, што само по себе е непроценливо искуство.
Ова патување е само еден дел од нашите постојани напори да обезбедиме квалитетен и исполнет живот за децата без родителска грижа. Веруваме дека ваквите искуства играат важна улога во нивниот личен развој и создавање на позитивни спомени што ќе ги водат во иднина.
Летен камп за СТЕАМ со СОС Детско село
Покрај патувањата, летото за децата поддржани од СОС Детско село беше исполнето со креативни и едукативни активности. Во соработка со Македонија2025, 17 деца на возраст од 8-13 години со воодушевување го завршија нашиот прв STEAM летен камп– 7 дневни активности за развивање на STEM вештини (наука, технологија, инженерство, уметност и математика).
Оваа револуционерна иницијатива означува значаен чекор напред во посветеноста за негување на потенцијалот на децата од ранливите категории.
Преку низа практични, ангажирани и забавни активности, ја разгоревме љубопитноста, ја поттикнавме креативноста и инспириравме љубов за учење кај нашите млади учесници.
Сите организирани летни активности на децата поддржани од СОС Детско село се со цел да ги поттикне децата во развивање на нивните социјални и когнитивни вештини, да го зголеми нивното чувство на припадност и да ги инспирира да продолжат да ги следат своите соништа.
Остануваме посветени на поддршката и грижата на децата кои ја изгубиле родителската грижа или се изложени на ризик да ја изгубат и преку нашите програми, овозможуваме децата да растат во семејна и безбедна средина, за да можат да го развијат својот целосен потенцијал и посигурна иднина.
ПР текст
Соопштенија
Скопјани од денес писма и пакети може да примаат и да испраќаат и во сабота и недала, „Тотал пост“ отвори пакет-шоп во „Ист гејт“
Писма и пакети од денес скопјани ќе можат да испраќаат и во сабота и во недела преку новиот пакет-шоп на „Тотал пост логистик“ отворен во трговскиот центар „Ист гејт“.
Директорот на Агенцијата за пошти, Сретен Миладиновски, на отворањето ги охрабри давателите на поштенски услуги да продолжат да ги следат светските трендови, да ги подобруваат услугите што ги нудат и да одговорат на барањата и потребите на корисниците.
„Тотал пост логистик“ најави вакви услуги и во други трговски центри.
„Ова е прв од неколкуте пакет шопови од овој тип што во иднина ќе ги отвараме по поголемите трговски центри низ Македонија, за да ја направиме поштенската услуга поблиска до корисниците. Нашиот пакет шоп ќе работи секој ден од 10 до 22 часот, а примачите и испраќачите ќе немаат временско ограничување кога да предадат или да го примат својот пакет. Модерните пакет шопови во моловите и проектот со пакетоматите во голема мера ќе ја олеснат комуникација со нашите партнери“, рече директорот на „Тотал пост логистик“, Алдин Нумановиќ.
Тотал Пост Логистик е еден од лидерите на поштенскиот бизнис во Македонија со повеќе од 150 курири и повеќе од 80 транспортни возила. ТПЛ работи успешно на македонскиот пазар од 2015 година.