Свет
(Видео) Телефоните на мртвите сè уште ѕвонат: расте бројот на жртви во двата напада во Харков, се споделуваат грозоморни видеа
Претставничката на Украина за регионот Харков, Марија Мезенцева, потврди за „Скај њуз“ дека бројот на загинати во нападот на кафуле во селото Хроза се искачи на 55 откако претходно во петокот извештаите покажаа дека бројот на жртвите е 52, според регионалниот гувернер, Олех Синјехубов.
„За жал, ова е тероризам со кој се соочуваме секој ден во разни региони на Украина“, рече таа.
Досега со ДНК-тестови се идентификувани повеќе од 30 лица од 55, кои го загубија животот, меѓу кои и шестгодишно момче, кое исто така е мртво, а повредено е и новороденче, објавија властите.
Регионот исто така беше под оган во текот на ноќта во ракетен напад, во кој загинаа 10-годишно момче и една жена, а беа повредени 23 лица.
„Вчера, страшно попладне и денес страшно утро“, рече Мезенчева и додаде: толку е нехумано, тоа е целосно цивилно место.
Во ноќниот напад загина едно момче, а подоцна беше потврдено дека е убиена и неговата баба.
„Момчето беше убиено кога Русија го погоди вториот по големина град во Украина со две балистички ракети ‘Искандер’. Уште 23 лица се ранети, меѓу кои и едно 11-месечно бебе“, изјави регионалниот гувернер, Олех Синјехубов.
Таткото на момчето, Олех Бичко, изјави за „Ројтерс“ дека успеал да ги извлече од урнатините својот помал син и сопругата по ударот. Шокираниот татко не можеше да најде сила да каже многу повеќе од тоа.
Потврдена е смртта на 68-годишна жена, а итната помош продолжува да ги расчистува урнатините, рече Сињехубов.
„Спасувачите го пронајдоа телото на 68-годишна мртва жена – баба на мртвото 10-годишно момче и неговиот ранет 11-месечен брат – на местото на кое руска ракета погоди станбена зграда во Харков“, напиша тој на „Телеграм“.
Kharkiv, Russian strike this morning.
A child, a boy, 10 years old… My condolences to his family and loved ones!
Over 20 people have been injured. All the injured are receiving the necessary assistance.
The rescue operation is ongoing, and I thank everyone who is helping our… pic.twitter.com/gfgAdsSq7N— Volodymyr Zelenskyy / Володимир Зеленський (@ZelenskyyUa) October 6, 2023
Луѓето од сите семејства во украинското село Хроза беа погодени од ракетен напад во четвртокот, во кој загинаа десетици луѓе, изјави министерот за внатрешни работи, Ихор Клименко.
Украинските власти соопштија дека руска ракета погодила кафуле и продавница за време на погреб на украински војник.
„Присутни беа луѓе од секое домаќинство“, рече Клименко, пренесе „Гардијан“.
Во коментар за украинската телевизија тој рече дека пред нападот во четвртокот во Хроза имала 330 жители.
Тој вели дека „секое семејство, секое домаќинство“ на комеморацијата го претставувало барем едно лице.
Во петокот Кремљ го повтори своето тврдење дека руската војска не напаѓа цивилни цели во Украина.
Спасувачите ги пребаруваа урнатините по телата по, како што рече Киев, еден од најсмртоносните напади на Русија врз цивили од инвазијата минатата година.
Вознемирувачка снимка: Телефоните на убиените во Хроза непрекинато ѕвонеа по веста за нападот
The aftermath of yesterday’s Russian missile strike on Groza village in Kharkiv region.
The phones of the people killed by Russia kept ringing. Imagine the person on the other end who kept trying to find out if their loved ones were safe.
Look at the scale of destruction in the… pic.twitter.com/neO1CcA8DR
— Anton Gerashchenko (@Gerashchenko_en) October 6, 2023
По вчерашниот напад на селото Хроза, телефоните на жртвите сè уште ѕвонеа, објави на X, поранешен „Твитер“, украинскиот функционер Антон Герашченко, советник на министерот за внатрешни работи.
„Замислете ја личноста од другата страна што се обидуваше да открие дали нивните најблиски се безбедни“, напиша Герашченко покрај објавата на потресното видео.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Свет
Трамп ги обвини Бајден и Харис за обидот за атентат: Тие се вистинска закана
Поранешниот американски претседател Доналд Трамп денеска ги обвини сегашниот претседател Џо Бајден и потпретседателката Камала Харис за вториот обид за атентат во неговиот голф клуб во Флорида.
За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Кога јас сум тој што ќе ја спаси земјата, а тие се оние кои ја уништуваат – и одвнатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата.
„Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. И јас би можел да го сторам тоа, многу подобро од нив, но не го правам тоа“, рече Трамп.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.