Забава
Дејвид Бекам ја прозва Викторија за коментарот дека потекнува од работничка класа и покрај „ролс ројсот“ на татко ѝ
Дејвид Бекам се пошегува на сметка на својата сопруга Викторија откога таа во новата документарна серија „Бекам“ на „Нетфликс“ рече дека потекнува од семејство од работничка класа.
Поранешниот играч на „Манчестер јунајтед“ реагира кога таа малку претера во однос на своето детство во текот на разговор со продуцент во соло интервју.
„И двајцата потекнуваме од семејства што работат многу напорно“, рече модната дизајнерка (49). „Моето семејство е трудољубива работничка класа“.
Веднаш штом го слушна ова, нејзиниот сопруг (48) ја протна главата низ вратата и ѝ рече да биде искрена.
Викторија одговори: „Јас сум искрена“, на што Дејвид ја замоли да каже со каков автомобил ја возел татко ѝ на училиште кога била дете.
Кога таа се обиде да се извлече од одговорот, Дејвид повторно ја прекина, а нивното меѓусебно задевање продолжи. „Зависи“, рече Викторија во одбрана. Дејвид продолжи: „Не, не, не“, а поранешната „спајс грл“ не попушти.
„Во ред, во 80-тите татко ми имаше ‘ролс-ројс’“, призна Викторија, позната како Пош Спајс, а Дејвид ѝ се заблагодари и ја напушти просторијата во која неговата сопруга даваше интервју.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Џенифер Лопез објави видео со кое ги засили гласините за развод
Пејачката и актерка Џенифер Лопез објави видео во кое го промовира својот бренд за убавина на социјалните мрежи, но уште еден детаљ привлече внимание.
Имено, многумина забележаа дека пејачката на спотот не носи бурма.
Тие истакнуваат дека иако не носи бурма, на десната рака носи други прстени, а со овој потег сигнализира потенцијален развод со актерот Бен Афлек.
Светските медиуми веќе некое време пишуваат за наводниот развод на славниот пар.
Сомнежите се засилија откако се дозна дека Бен и Џенифер ја продаваат вилата што заедно ја купија пред една година. Џенифер претходно ја откажа турнејата и се појави сама на премиерата на нејзиниот нов филм.
Во голем дел од коментарите под ова видео се споменува нејзиниот изглед. Многумина забележале дека таа видно ослабела. „Убава си, но зошто ослабе толку многу килограми?“, „Многу си ослабела“, „Дали јас сум единствената што забележала дека Џенифер многу ослабе?“, се некои од коментарите.
Некои пишуваа дека Џенифер мора да биде под голем стрес со оглед на тоа што веќе подолго време на големо се зборува за разводот.
Забава
Влатко Стефановски слави 50 години кариера
Влатко Стефановски, композитор, текстописец, пејач, автор на применета музика за филмови и театарски претстави, годинава прославува јубилеј – 50 години успешна кариера.
Во сабота на 6 јули ќе има целовечерен концерт во Ниш, во недела првпат ќе настапи во Белград како дуо со Васил Хаџиманов, во Ботаничката градина на фестивалот „Џез во градината“, а на 16 декември во новореновираниот Сава Центар.
Влатко е роден во типично театарско семејство. Неговите родители, како уметници, често патувале, па така набрзо Стефановски се преселил во Скопје, во населбата Тафталиџе. Влатко Стефановски живее со своето семејство (која ја сочинуваат сопруга Гордана, ќерката Ана и синот Јан) во Скопје. Во рамките на неговиот дом, Стефановски го сместил неговото тонско студио „Езотерија“.
Забава
Бекамови ја рекреираа својата позната виолетова свадбена облека: Изгледав како од филмот „Глуп и поглуп“
Викторија и Дејвид Бекам објавија фотографија на Инстаграм пред 25-годишнината од бракот.
Со оваа фотографија тие ја рекреираа својата многу позната виолетова свадбена облека. И двајцата се во виолетова боја и седат на златен трон.
„Погледнете што најдовме“, гласи описот на објавата која има речиси милион лајкови на Инстаграм.
Дејвид претходно се пошегува на сметка на модната комбинација на „Desert Island Discs“ на Радио 4 во 2017 година: „Имав дури и виолетова капа, што мислев? Изгледав како момците од „Dumb and Dumber“.
Во коментарите на Инстаграм, мајката на Дејвид, Сандра напиша: „25 години и сè уште изгледате неверојатно, посебни спомени“. Неговата помлада сестра Џоан напиша: „Сега изгледаш исто толку добро како тогаш“. „Ќе им кажам на моите деца дека ова се кралот и кралицата на Англија“, „Ова е моето кралско семејство“, гласеше коментарот.
Една година по средбата, парот се сврши, а медиумите ги нарекоа Пош и Бекс. Дејвид ја запросил во хотелот по натпреварот со Манчестер Јунајтед. Двојката се венча во замокот Лутрелстаун во Ирска во 1999 година на раскошна церемонија, која чинеше речиси 1 милион фунти. Викторија и Дејвид имаат четири деца, синовите Бруклин, Ромео и Круз и ќерката Харпер.
Двојката помина романтичен викенд на Сардинија пред 25-годишнината од бракот. Инаку, во 2022 година, годишнината ја прославија во Хрватска, каде веќе традиционално секоја година се со семејството на островот Лопуд.