Свет
Независни експерти од ОН: Израелските напади врз Газа станаа колективна казна
![](https://makfax.com.mk/wp-content/uploads/2023/10/gaza-2.jpg)
Група независни експерти на Обединетите нации го осудија насилството врз цивилите во Израел и велат дека одмаздата против Газа се претворила во „колективна казна“.
Осудувајќи ги „грозоморните злосторства извршени од Хамас“, групата рече дека Израел прибегнал кон „неселективни воени напади против веќе исцрпениот палестински народ во Газа“.
„Тие живеат под нелегална блокада веќе 16 години и поминаа низ пет големи брутални војни за кои никој не одговараше“, се вели во соопштението на групата, во која има неколку специјални известувачи на ОН.
„Ова е еднакво на колективна казна. Нема оправдување за насилството кое е неселективно насочено кон невините цивили, без разлика дали тоа го прават Хамас или израелските сили. Тоа е апсолутно забрането според меѓународното право и претставува воено злосторство“.
Групата рече дека земањето заложници во контекст на воените дејства исто така претставува воено злосторство.
„Цивилите земени од Хамас мора веднаш да бидат ослободени“, велат експертите. Бројот на загинати во Израел од саботата се искачи на повеќе од 1.300. Повеќето беа цивили застрелани од Хамас во нивните домови, на улиците или на забава.
Десетици израелски и странски заложници беа однесени во Газа. Израел соопшти дека нема да има хуманитарен прекин во опсадата на Појасот Газа додека не се ослободат сите заложници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Туск за можната посета на Орбан на Москва: Виктор, гласините не можат да бидат точни или можат
![](https://makfax.com.mk/wp-content/uploads/2024/07/туск.jpg)
Полскиот премиер Доналд Туск го изрази своето изненадување во објава на социјалната мрежа Х по информацијата дека унгарскиот премиер Виктор Орбан би можел да ја посети Москва само неколку дена по неговото патување во Киев.
„Гласините за вашата посета на Москва не можат да бидат точни, Виктор, или можат? напиша Туск, означувајќи го официјалниот профил на унгарскиот премиер во објавата. Информацијата за патувањето на Орбан во Русија ја објавил унгарскиот новинар Шаболч Пањи, а ја потврдиле и извори на „Радио Слободна Европа“.
Унгарската влада се уште не се изјаснила за да ја потврди или негира посетата. Официјален претставник на Европската унија, кој сакал да остане анонимен, изјавил за Радио Слободна Европа дека Орбан не го информирал Брисел за неговото заминување во Москва.
„Да прашаше Орбан, Шарл Мишел силно ќе го советуваше да не ја оствари посетата“, кажал функционерот.
Во вторникот Орбан беше во Киев, каде што им предложи на Украинците да се согласат на прекин на огнот. Претседателот Володимир Зеленски ја отфрли споменатата идеја.
Во понеделникот Унгарија го презеде своето шестмесечно претседавање со Советот на Европската унија.
Свет
(Видео) Италијанците го кренаа највисокото ниво на тревога по излевањето на лавата од вулканот
![](https://makfax.com.mk/wp-content/uploads/2024/07/1-1.jpg)
Вулканската активност на јужниот италијански остров Стромболи ги натера властите да го подигнат нивото на тревогата од портокалово на црвено, највисоко ниво, во четвртокот.
Italie 🇮🇹 – #Volcans
🔸Qui de nous deux ? (Comme chantait M)
🔸Inséparables Etna et Stromboli en éruption en même temps ! On savoure ! pic.twitter.com/51JkgIq3XY
— 𝐆𝐞𝐨𝐓𝐚𝐥𝐞𝐬 (@GeoTales_) July 4, 2024
Жителите се повикани да ги следат упатствата на локалните власти за цивилна заштита на малиот вулкански остров северно од Сицилија.
Националниот институт за геофизика и вулканологија (ИНГВ) соопшти дека е забележана зголемена вулканска активност на планината Стромболи, по ктивниот вулкан на островот.
Лава и пепел се излеале од вулканот во морето, соопшти INGV.
На Стромболи живеат неколку стотици луѓе. Бројни туристи доаѓаат на островот по морски пат од Италија или Сицилија со цел да се искачат на вулканот висок 920 метри.
Свет
(Видео) Трамп тајно снимен како ги навредува Бајден и Харис: Тој се откажува од трката, а таа е толку патетична
![](https://makfax.com.mk/wp-content/uploads/2024/07/tramp12.jpg)
Доналд Трамп го навреди актуелниот американски претседател и ривал на претстојните избори и кажа дека е на работ да „испадне од трката“, во тајно снимено видео објавено од „Дејли бист“.
На видеото се гледа како 78-годишниот Трамп седи во количка за голф и држи куп пари.
„Како поминав со дебатата пред некоја вечер? Тој се откажува од трката“, им рече Трамп на група луѓе собрани во близина.
„Го исфрлив од трката, а тоа значи дека ја имаме Камала. Таа е толку лоша. Таа е толку патетична. Таа е многу лоша“, продолжува Трамп.
BREAKING: Leaked video shows Donald Trump saying he thinks Kamala Harris will be the Democrat nominee, says she is "so f**king bad."
"She's so bad. She's so pathetic. She's just so f**king bad."
"How did I do with the debate the other night? I kicked that old, broken down pile… pic.twitter.com/8OKxd1hHc6
— Collin Rugg (@CollinRugg) July 4, 2024
„Можете ли да замислите Бајден да има работа со Путин и со претседателот на Кина, кој е жесток човек? Тој е жесток човек. Многу силен тип“, заврши Трамп.
Да потсетиме, по лошиот настап на Бајден на минатонеделната дебата, многу демократи и аналитичари побараа Бајден да се откаже од трката поради се повидливите проблеми со неговото здравје. Воедно, тоа беше и голема победа за Трамп, кој според анкетите води во трката за претседателската функција, иако оваа предност најчесто е на ниво на статистичка грешка.