Свет
(Видео) „Хамас убиваше со часови без отпор“, репортажа на АФП за масакрот на фестивалот
Ошер и Мајкл Вакнин сакаа да ги прослават пријателството, љубовта и слободата. Близнаците, на возраст од триесет години, „правеа забави во Израел и секогаш беа среќни деца“, рече сестра им. Нивната последна забава се претвори во страшна трагедија. Тие беа нападнати од Хамас.
Фестивалот почна во петокот, со речиси 3.500 љубители на електронската музика од Израел и странство, собрани под светли обоени натстрешници на настанот „Супернова“, на само пет километри од границата со Газа. Три бини, диџеи од целиот свет, кампување, барови. Сè беше подготвено за танцов викенд во пустината Негев, пишува АФП во извештајот за масакрот што го одбележа бруталниот напад на Хамас врз Израел.
Moments before Palestinians terrorists (paragliders) wrecked havoc on a 3000+ crowd at a music festival & massacred nearly 300, injured 1500 https://t.co/xHciIVvRqn
— Stone W (@StoneWaimea) October 9, 2023
Но, во мугрите на 7 октомври музиката нагло беше прекината. Беше околу 6.30 часот наутро. Оддалеку се слушаше бучава, која не е поврзана со забавата. „Луѓе, црвен аларм“, предупреди разгласот. Искри на небото, проследено со експлозија на ракети пресретнати од „Железната купола“, израелскиот систем за противвоздушна одбрана. Ова беа првите показатели за ужасот што следуваше.
Ефрем Мордечаев е 23-годишен војник, кој дошол да се забавува за викенд. Отпрвин не го разбравме обемот на настаните, изјави Мордечаев за АФП во својот стан во северниот град Ор Акива. На раката сè уште ја носеше фестивалската белезица.
„Бевме мирни, навикнавме на ракети истрелани од Газа“, додаде тој. Младиот човек и неговите пријатели почнале да си одат, но набргу сфатиле дека нешто многу поголемо се случува околу нив. Се појави толпа вооружени напаѓачи, кои пристигнаа пеш, со мотори или од воздух.
„Некој е на десет-дваесет метри од вас со оружје и се обидува да ве убие“, опиша тој.
Напаѓачите ги убиле сите што им се наоѓале на патот. Чуварите и полициските службеници на местото на настанот бргу биле совладани. Сите се бореа да преживеат, некои трчаа кон блиските ниви, а други се обидуваа да стигнат до возилата на фестивалските паркинзи.
Вознемирувачко видео од автомобилот од фиксната камера на шофершајбната покажува обид за бегство на еден учесник на фестивалот. По нешто повеќе од 15 секунди од снимката, човекот е пречекан од првиот милитант на Хамас, кој почнува да пука во автомобилот. Изгледа дека возачот некако успеал да ги избегне куршумите, но набргу пред неговиот автомобил се појавуваат нови терористи и му немало спас.
Набргу настанал сообраќаен метеж. „Погледнав назад и видов дека во автомобилот зад мене има три тела, а стаклата на сите автомобили се скршени“, изјави Мордечаев. Имаше само две опции: да се скриеш или да трчаш кон околните полиња. Младиот војник го избра второто.
Трчал од грмушка до грмушка, преплашен, додека не го собрал веќе натоварен автомобил. Но, патот 232, единствениот излез од страдањата и смртта, не бил многу побезбеден. Патот оди паралелно со границата меѓу Израел и Појасот Газа поврзувајќи го соседниот кибуц Реим со градот Сдерот, на 30-ина километри северно.
Друга посетителка на фестивалот, Гили Јоскович, решила да го остави своето возило и да трча кон напуштените полиња, каде што речиси и да немало засолниште. Младата жена забележала мал овоштарник и истрчала да се засолни, а напаѓачите ја следеле. И други се обидуваа да се скријат.
Некои со часови биле зад автомобилот или избегале кога се приближиле напаѓачите. Други лежеа меѓу мртвите надевајќи се дека ќе преживеат.
Три часа по почетокот на нападот, Хамас го продолжи колењето, без да наиде на отпор. Надзорните снимки од 9.23 часот покажуваат човек во црна капа и панцир како води заложник облечен во крвава маица.
Во заднината ненадејно се помрдна млад човек, кој се преправал дека е мртов. Изгледа мислеше дека може да почне да бега. Но, тој не го видел напаѓачот како доаѓа зад него. Тој беше убиен од непосредна близина. Неколку преживеани изјавија за медиумите дека чекале шест-седум часа пред да бидат спасени од израелската армија.
Кога пристигнале првите спасувачи, биле преплашени од обемот на масакрот: загинале околу 270 луѓе, а на патиштата имало десетици изгорени возила. Вреќи за спиење, душеци, чевли и ладилници беа расфрлани на земјата.
„Имаше по едно, две или три тела во секој автомобил“, изјави за АФП, Моти Букјин, израелски волонтер, кој ги извлекува мртвите. „Некои автомобили изгореа со луѓето внатре“, додаде тој. Неколку дена по масакрот, мртви сè уште се наоѓаат, а вознемиреноста ги глода семејствата додека трагаат по исчезнатите.
Се верува дека десетици се киднапирани и земени како заложници во Газа, која сега е цел на интензивно бомбардирање на израелските сили. Ахува Мајзел последен пат се слушнала со својата 21-годишна ќерка Ади еден час по изгрејсонцето.
„Беспомошни сме, потполно сме беспомошни како родители“, рекла Мејзел чекајќи вести за своето дете. Семејството на Мајкл Вакнин се прашува дали тој е жив меѓу затворениците. Неговата сестра Ауса сака да верува дека е жив, но не слушнала ништо за него од нападот.
Сведоците го виделе нивниот брат Ошер како излегува од автомобилот и се обидува да ги спаси луѓето во хаосот. Неговата вдовица Сани Вакнин рече дека умрел како херој. Тој беше погребан во вторникот во Ерусалим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Европската комисија предлага нова безбедносна стратегија, меѓу мерките е и значително зајакнување на Европол
Европската комисија во вторник предложи нова стратегија за внатрешна безбедност наречена „Протект ЕУ“, која меѓу другото вклучува значително зајакнување на Европол, европската агенција за полициска соработка.
Целта на новата стратегија е да се олесни координираната акција, да се продлабочи соработката преку размена на информации и да се подобри отпорноста и колективната способност на ЕУ за спречување и откривање на безбедносни закани и ефективно реагирање на нив.
„Безбедноста е еден од клучните предуслови за отворени, динамични општества и успешна економија. Затоа денеска покренуваме важна иницијатива за подобра борба против безбедносните закани како што се тероризмот, организираниот криминал, растечкиот сајбер криминал и нападите врз нашата клучна инфраструктура“, изјави претседателката на Комисијата, Урсула фон дер Лајен.
Меѓу другото, стратегијата „Протект ЕУ“ предвидува нов, посилен мандат на Европол, кој треба да стане оперативна полициска агенција за зајакнување на поддршката за земјите-членки.
Европол има над 1.400 вработени кои имаат задача да им помагаат на земјите-членки во борбата против организираниот криминал, тероризмот и сајбер нападите.
Комисијата сака двојно да го зголеми бројот на вработени во Европол.
„Секојдневно слушаме дека криминалците се чекор пред нас. Ова може да се промени само ако ги зајакнеме нашите агенции за спроведување на законот, па затоа ќе предложиме Европол да стане движечка сила на европската безбедност со удвојување на неговиот персонал, зајакнување на неговиот мандат и подобрување на неговата ефикасност“, рече комесарот за внатрешни работи Магнус Брунер.
Сегашниот мандат на Европол не ја вклучува борбата против хибридните закани и саботажи, што треба да се промени. Следната година комисијата ќе предложи закон за промена на мандатот на Европол.
Со новиот мандат, Европол треба да има поголема улога во истрагата на прекуграничните, обемни и сложени случаи кои претставуваат сериозна закана за внатрешната безбедност на Унијата, би се обезбедила поблиска соработка со другите агенции на ЕУ, особено со Европравда и ЕЈПО.
Целта на зголемената поддршка на Европол треба да биде зајакнување на капацитетот на земјите-членки за спроведување на ефективни истраги со помош на дигитална форензика, декрипција, обработка на зголемени количини на податоци, оперативна употреба на нови и иновативни технологии, сузбивање на нелегалниот профит.
Свет
Израел ги укинува царините за сите американски производи
Израел ги укинува преостанатите царини за увоз од САД, еден ден пред најавата на Трамп за возвратни царини.
Соединетите држави се најголемиот трговски партнер на Израел и најблизок сојузник, со билатерална трговија во вредност од 34 милијарди долари во 2024 година.
„Отстранувањето на царините за американските стоки е уште еден чекор кон отворање на пазарот за конкуренција, диверзификација на економијата и намалување на трошоците за живот“, рече премиерот Бенјамин Нетанјаху во заедничката изјава со министерот за економија Нир Баркатле и министерот за финансии Безалморих.
„Покрај економските придобивки за економијата и граѓаните на Израел, сегашниот потег ќе ни овозможи дополнително да го зајакнеме сојузот и врските меѓу Израел и САД“, додаде тој.
Израел и САД потпишаа договор за слободна трговија пред 40 години, а околу 98 отсто од стоките од САД беа ослободени од царини.
Регион
(Видео) Хаос по поплавите на омилените дестинации во Грција: „Се’ се случи за два часа“
Грчките острови Парос и Миконос, популарни меѓу туристите за време на летната сезона, во понеделникот вечерта беа погодени од поројни поплави, а локалните власти соопштија дека се очекува обилните врнежи да продолжат во регионот.
Властите на Парос изјавија дека пожарникарите морале да спасат 13 лица кои се нашле во неволја поради поплавите.
Градоначалникот на Парос, Костас Бизас, изјави дека надојдените води го напуштиле своето корито во рибарското село Науса, поплавувајќи продавници и куќи и носејќи речиси 40 возила.
#NEWS – #Maltempo in #Grecia, dopo forti piogge improvvise inondazioni nelle isole #Cicladi
Ingenti danni a #Paros, nel villaggio di #Naousa, e a #Mikonos#video dalla rete#31marzo #Greece #floods #weather #Lluvias #Meteo #Weather #flooding #cyclades #island @vinmorgante pic.twitter.com/uubDp1lZPq
— Tv2000.it (@TV2000it) March 31, 2025
Според Ројтерс, властите на Парос се соочиле со потешкотии при отстранувањето на возилата кои биле разнесени од калливите порои по патиштата и населените места.
„Патиштата се оштетени и ни требаат повеќе машини за да можеме да ги исчистиме улиците“, изјави градоначалникот Бизас. „Целата катастрофа се случи за само два часа“, додаде тој.
Several cars swept way by heavy floods in Naousa of Paros, Greece 🇬🇷 (31.03.2025) pic.twitter.com/xCf36HJ8TU
— Disaster News (@Top_Disaster) March 31, 2025
Во Миконос паднал и град.
Severe flooding in Naousa, Paros, Greece, cars swept away by floods. pic.twitter.com/8plRLLrQOL
— Disasters Daily (@DisastersAndI) March 31, 2025
Агенцијата за цивилна заштита предупреди дека жителите на Парос и Миконос не треба да излегуваат од своите домови.
Се очекува обилните врнежи да се преместат кон островите Хиос, Самос и Икарија.
Flash Flood after heavy rain in Naousa, Paros Island, Greece pic.twitter.com/sH5sMXeb5R
— Disasters Daily (@DisastersAndI) March 31, 2025
Breaking 🚨: Severe flooding hits Greece, leaving streets submerged and homes evacuated.
Authorities report heavy rainfall overwhelming drainage systems.
Rescue operations are underway as residents are urged to stay safe. pic.twitter.com/3hikG5STXM
— WorldsQuant (@WorldsQuant) March 31, 2025
Според метеоролошката служба, дождот проследен со ветрови до 74 километри на час претставува опасност и се очекува да продолжи и вечерва.
Училиштата и градинките на островите Парос, Миконос, Родос, Кос, Калимнос, Сими и Тилос се затворени од претпазливост.
Грција во декември 2024 година беше погодена од опасно невреме. Тогаш најмногу настрадаа островите Родос и Лемнос.
Ѓорѓиевски во Студеничани по поплавата од излеаната Маркова Река: Механизацијата е на терен и нема опасност по населението
По добивањето на информацијата за излевањето на Маркова Река во соседната општина Студеничани, градоначалникот на Општина Кисела Вода, Орце Ѓорѓиевски,...
Се излеа Маркова Река кај Батинци
Маркова Река се излеа денес по обилните врнежи од дожд. Во селото Батинци, водата е надојдена, излевајќи се на неколку...
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
Обезбедувачот на Мицкоски за 50.000 евра оддавал службени тајни, приведен е
За 50.000 евра откривал полициски службени тајни од истрага. Припадникот на обезбедувањето на премиерот Христијан Мицкоски е во притвор. Од...
Кочани доби ново амбулантно возило – донација од компании
Донирано е амбулантно возило за општата болница во Кочани од страна на приватни компании. Амбулантното возило е донација на „Аутомотив...
По трагедијата во Кочани целосно се забранува употребата на пиротехниката во затворен простор
Трагедијата во дискотеката „Пулс“ во Кочани го менува Законот за прекршоците против јавниот ред и мир. Пратениците со 87 гласа „за“, без...
Нема повеќе седење дома и земање плати, потребна ни е ефикасна администрација, порача Мицкоски
„Јавната администрација не е само механизам за спроведување на законите и политиките, таа е лицето на државата, одраз на нејзината...
Трендафилов подготвен тој и сите функционери една година да земаат плата 500 евра, но уште утре минималната да се зголеми на истиот износ
Претседателот на Сојузот на синдикатите на Македонија (ССМ), Слободан Трендафилов, е подготвен една година тој и сите избрани и именувани...
(Видео) Талески: Мицкоски не може да не знае, втор обезбедувач од неговиот круг фатен во контакт со подземјето
Оваа Влада и ДПМНЕ се очигледно сериозно вмешани во криминал, а лица од најголема доверба на премиерот во континуитет се...
(Видео) Масовни кремирањa, сè мириса на смрт во Мјанмар: преживеаните во очај, луѓето клекнати на улица и плачат
Сè послаби се надежите во Мјанмар дека ќе се пронајдат живи луѓе по разорниот земјотрес од 7,7 степени според Рихтеровата...
Во Козле, во „8 Септември“ или во странство ќе одат на рехабилитација пациентите со потешки повреди, кои следната недела ќе почнат да се враќаат
Во текот на оваа недела од лекување во странство најавено е дека ќе се враќаат пациентите што се целосно закрепнати,...
93 пациенти повредени во пожарот во Кочани закрепнаа, уште 100 се лекуваат во странство и во домашните болници
Од вкупно 193 повредени во пожарот во Кочани, 93 пациенти закрепнаа и заминаа на домашно лекување, а во болниците во...
(Видео) Грција ја зафати невидено невреме, уништени омилените туристички места
Страшното невреме што ја зафати Грција речиси инстантно ги уништи омилените места за одмор во оваа земја. Некои од најубавите...
„Кој му ги дал службените тајни на обезбедувачот на Мицкоски“, прашува СДСМ
„Обезбедувањето на Мицкоски е составено од најголемите криминалци во државата, кои тој лично ги одбрал на тие позиции. Оттука се...
Нема знаци за живот под урнатиот облакодер во Бангкок: „Ќе копаме уште“
Гувернерот на Бангкок Чадчарт Ситипунт изјави дека не се откриени знаци на живот во урнатините на облакодер во главниот град...
Првото патување на Трамп ќе биде во Саудиска Арабија
Американскиот претседател Доналд Трамп вчера изјави дека планира да ја посети Саудиска Арабија уште во мај за да потпише инвестициски...
(Видео) Кина одржува воени вежби околу Тајван, објави анимација: „Паразитот го труе островот“
Кина го распореди својот носач на авиони Шандонг и други бродови околу Тајван, објави денеска тајванското Министерство за одбрана, додека...
(Видео) Додик се огласи по неколкудневен молк: Пристигнав во Москва
Лидерот на босанските Срби, Милорад Додик, по кој трагаат правосудните органи и полициските агенции во Босна и Херцеговина, вчера вечер...
ФФМ најави дисциплинска постапка за натреварот во Тетово: За вакви нелуѓе нема место во фудбалот
Фудбалската федерација на Македонија најави санкции за фудбалскиот клуб Шкендија, чии навивачи денеска предизвикаа скандал со недоличното однесување пред почетокот...
