Свет
Тајните документи откриваат: Масакрот што го изврши Хамас можеби бил планиран една година
![](https://makfax.com.mk/wp-content/uploads/2023/10/тајни-документи.jpg)
Милитантите на Хамас можеби го планирале својот смртоносен напад во јужен Израел повеќе од една година, покажуваат документите до кои дојде Скај њуз. Осум страници со ознака „строго доверливо“ наводно биле пронајдени на телата на загинатите борци на Хамас.
На корицата на документите стоел датумот „Октомври 2022 година“. Ова може да значи дека плановите биле поставени најмалку 12 месеци пред нападот. Документите, напишани на арапски, ги пронашле израелските војници и локалните служби за итни случаи. Тие сугерираат дека милитантите на Хамас планирале да го нападнат цивилното население и да земаат заложници.
Скај њуз им ги покажа документите на експертите за Хамас кои рекоа дека е голема веројатноста дека се автентични, иако е тешко да се потврдат со 100% сигурност.
Четирите страници беа објавени на каналот за корисници на Телеграм управуван од South First Responders – волонтерска група – која помага да се извлечат телата. Останатите четири страници подоцна беа пронајдени од Скај њуз – сите се однесуваат на очигледен воен план да се таргетира Мефалсим, кибуц непосредно надвор од Газа.
Планот, сепак, не бил успешен бидејќи, наводно, милитантите биле потиснати од локалното обезбедување и се верува дека никој во кибуцот не бил убиен. Претпоставката дека плановите на Хамас можеби биле во напредна фаза уште во октомври минатата година, беше опишана како многу сериозен превид од страна на израелското разузнавање.
Џо Трузман, истражувачки аналитичар во Фондацијата за одбрана и демократија на Long War Journal, вели дека е малку веројатно дека за овој тип на операции биле потребни месеци планирање.
„Во овој напад беа вклучени повеќе вооружени организации и имаше многу подвижни делови, вклучително и обука на командоси за користење параглајдери, нешто што Хамас никогаш досега не го направил. Со овој број вклучени вооружени групи, тешко е да се објасни како израелската разузнавачка заедница го пропушти ова. Верувам Израел очекуваше сличен напад од Хезболах на северот, но не и од палестинските групи во Газа“, изјави Трузман за Sky News.
Еден документ е насловен „Мисија Кибуц Мефалсим“ и ја опишува структурата на единицата, која се состои од командант и два одреди од пет лица. Исто така, сугерира дека ова е „фаза А“ од нападот.
Друг документ ги опишува плановите за фаќање војници и цивили и нивно земање како заложници, а потоа преговарање за нив. Додека една единица беше доделена да создава дупки во оградите, други беа распоредени за да обезбедат артилериски оган.
Во документот се наведува: „Првата група отвора дупки во жичената ограда и го напаѓа кибуцот од југ“. Вториот пасус покажува каква опрема ќе биде потребна за да се пресече жицата и информации за времето кое би им било потребно на милитантите да ја пробијат.
Еден пример е проценката дека за „жица од трета генерација“ би биле потребни „40 секунди“. Некои се прашуваат зошто документите покажуваат датуми во формат на Грегоријанскиот календар, а не со исламски календар, имајќи предвид дека Хамас е исламистичка организација.
Сепак, експертите со кои разговараше Скај њуз забележаа дека тоа не е сосема невообичаено, а еден од нив истакна дека тоа било видено и во документите објавени од други исламистички организации.
На првата страница од документот е прикажан и амблемот што го користи вооруженото крило на Хамас – Бригадите Ал Касам. Сликата е истата прикажана на другите документи на Хамас и на неговиот јавен Телеграм канал.
Групата South First Responders започна со објавување на собраните видео и фотографии во недела, 8 октомври. Првите објави беа од страната на фестивалот Супернова во Реим, а потоа и од разни населени места.
Една од фотографиите е мапа на која е прикажана рутата што Хамас би ја поминала во близина на населбите Кисуфим и Ајн ХаШлоша. Скај њуз провери и лоцираше видео снимка на која се прикажани борци на оваа рута во сабота на 7 октомври. Повеќе од 1.300 Израелци беа убиени во нападите во јужен Израел што доведе до објавување војна на Хамас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Во Србија се појави јапонски комарец кој е закана за ширење на опасна болест
![](https://makfax.com.mk/wp-content/uploads/2018/07/komarec1.jpg)
Во Србија, покрај азискиот тигрест комарец кој пренесува денга треска, откриен е и јапонскиот комарец (Aedes japonicus) кој пренесува јапонски енцефалитис, како и вирусот Западен Нил и денга вирусот.
И двата вида комарци се на листата на 100 најопасни инвазивни видови во светот, а првото место го зазема тигрестиот комарец.
Професор д-р Александра Игњатовиќ Ќупина од Земјоделскиот факултет во Нови Сад изјави дека во Србија живеат 49 видови комарци кои припаѓаат на 7 рода и дека покрај нив ги имаме и овие два вида.
„Тоа се азискиот тигрест комарец – aedes albopictus, кој е активен и при високи летни температури, но и јапонскиот комарец “, изјави проф. д-р Игњатовиќ Ќупина на научниот собир на Српската академија на науките и уметностите (САНУ).
Јапонскиот комарец првпат беше пронајден во Србија во 2018 година на граничниот премин со Хрватска, во Љуба, а во 2019 година на територијата на Лозница. Се смета за компетентен вектор за пренесување на вирусот Западен Нил, јапонскиот енцефалитис, но и денга и чикунгуња кои ги пренесува тигрестиот комарец.
На истата средба, доц. Д-р Михаела Кавран, исто така од Земјоделскиот факултет во Нови Сад, рече дека азискиот тигрест комарец е прв на листата на 100 најопасни инвазивни видови во светот.
Овој вид доживеа глобална експанзија во светот најмногу благодарение на човековите активности, поточно транспортот на стоки и најмногу трговијата со користени гуми и растенија – дрвја, најмногу бамбус.
„Овој комарец избира цицачи во исхраната, но ако е можно секогаш ќе избира луѓе, во спротивно тие се многу агресивни и убодуваат во текот на денот и можат да формираат многу генерации“, рече вонреден професор д-р Кавран и додаде дека овој вид може да се развие и во шахти.
Според неа, азискиот тигрест комарец првпат се појавил во 1979 година во Албанија, потоа во 1990 година во Италија, а денес го има речиси во сите европски градови.
„Кај нас за прв пат е забележан во 2009 година кај Батровци, на граничниот премин со Хрватска и е една од најфреквентните точки. Потоа овој вид се рашири покрај автопатот, а во 2018 година го забележавме во Лозница и Нови Сад. Веруваме дека од 2017 година азискиот тигрест комарец се населил во Батровци“, вели доцент д-р Кавран.
Тој додава дека предвидувањата се дека повеќето градови ќе бидат погодни за развој на тигрестиот комарец, видот кој го пренесува вирусот на денга, чикунгуња треската и вирусот Зика. Тој наведува дека загрижувачки е и извештајот на Светската здравствена организација (СЗО) во кој се вели дека во последните 5 години има глобален пораст на вирусот денга.
Денга треската (ДГ) е најчеста вирусна инфекција што ја пренесуваат комарците. Секоја година во светот се случуваат околу 100 милиони инфекции и 25.000 смртни случаи. Луѓето се разболуваат со каснување од заразен комарец. За среќа, треската не се пренесува од човек на човек.
Инкубацијата е од 4 до 15 дена, со просек од 6. Болеста најчесто се манифестира како инфекција слична на грип, првите симптоми се појавуваат по 4 до 15 дена, а во просек 6 по убодот. Потешки манифестации се денга хеморагична треска и синдром на денга шок.
Симптоми на денга треска се висока температура, треска, осип , силна главоболка, морници, болки во мускулите и зглобовите. Поретки симптоми се раздразливост, немир, зголемено потење, проследено со состојба на шок и крварење од носот, GIT и белите дробови.
.
Европа
Пет лица загинаа во напад со беспилотно летало во руската област Курск, меѓу нив и деца
![](https://makfax.com.mk/wp-content/uploads/2017/09/jak-130-rusko-solsko-letalo-2.jpg)
Пет лица загинаа во напад со беспилотно летало во руската област Курск во близина на границата со Украина, објави регионалниот гувернер Алексеј Смирнов на Телеграм.
„Меѓу жртвите има и две деца. Удрена е куќа во селото Городиште во Рилската околија. Двајца други членови на семејството, од кое се жртвите, се во тешка состојба“, додаде Смирнов.
Претходно руското Министерство за одбрана соопшти дека се уништени шест украински беспилотни летала над неколку руски региони, вклучувајќи ги Тверската, Белгородската и Брјанската област, како и над Крим.
Сообраќајот по Кримскиот мост бил во прекин околу еден час рано утринава и сега вкупно околу 600 автомобили се собрани од двете страни на мостот
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.