Црна хроника
Претреси во Битола, пронајдена дрога, приведени две лица
![](https://makfax.com.mk/wp-content/uploads/2022/08/kokaina.png)
Вчера, во Битола, полициски службеници од криминалистичката полиција на СВР Битола во координација со Одделот за криминалистичка полиција – Сектор за недозволена трговија со дрога, оружје и опасни материи при МВР ги лишиле од слобода М. С. (42) и С. К. (30), двајцата од Битола, извести МВР.
„При претрес во домот на М. С., извршен со судска наредба, биле пронајдени и одземени нож и други предмети со остатоци од дрога и пари во разни апоени и валути за кои постои сомнение дека потекнуваат од кривично дело. А при претрес во домот на С. К., извршен исто така со судска наредба, биле пронајдени одземени кокаин, грутчеста материја, куршуми и пари во разни апоени и валути за кои постои сомнение дека потекнуваат од кривично дело“, соопшти МВР.
Двајцата биле задржани во полициска станица и по документирање на случајот, до Основното јавно обвинителство Битола против нив е поднесена кривична пријава по член 215 од Кривичниот законик за неовластено производство и пуштање во промет наркотични дроги, психотропни супстанци и прекурсори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Топ
Приведени криминалци од Прилеп кои со пиштол и’ се заканувале на продавачка, едниот бил бегалец од затвор
![](https://makfax.com.mk/wp-content/uploads/2023/03/policija-1.jpg)
Полицијата приведе двајца криминалци од Прилеп, кои претходно денес со пиштол се заканувале на 35-годишна прилепчанка пред продажниот објект каде што била вработена.
Како што информираа од МВР, приведените се 27 и 33-годишник со иницијали С.Р. и Д.Д.. Тие по инцидентот биле фатени на улицата Борка Талески” во градот.
Кај нив биле пронајдени и одземени два пиштоли.
Според информациите од полицијата, С.Р. бил баран и по потерница поради бегство од заторот во Прилеп и напад со нож врз чувар во затворот, во април годинава.
По целосно документирање на случајот ќе биде поднесена соодветна пријава.
Црна хроника
Драма во Сопиште: 26-годишник бегал од полицијата, па се обидел да прегази полицаец
![](https://makfax.com.mk/wp-content/uploads/2023/02/policija-potera.jpg)
Синоќа во селото Варвара, општина Сопиште, полицијата го приведе Р.А(26) од селото Малчиште, општина Студеничани.
Околу 20.00 часот на патот кон Марков манастир тој не застанал на знак за запирање даден од полициски службеници, по што со возило „фолксваген венто“ без регистарски ознаки се обидел да удри полициски службеник, а по преземени мерки бил пронајден и лишен од слобода, објави МВР во дневниот билтен.
По целосно документирање на случајот ќе биде поднесена соодветна пријава.
Црна хроника
Струмичанец со тројца малолетници нападнал сопружници во нивниот дом и го избол мажот
![](https://makfax.com.mk/wp-content/uploads/2022/08/noz-napad.jpg)
Триесет и седумгодишниот Е.М. од Струмица, заедно со тројца малолетници физички ги нападнале Е.И.(23) и неговата сопруга во нивниот дом.
„Е.М. со остар предмет му нанел повреда на Е.И.. Тој бил задржан во Полициската станица Струмица и за настанот бил запознаен јавен обвинител од Основното јавно обвинителство Струмица“, објави МВР.
По документирање на случајот ќе биде поднесена соодветна пријава.