Свет
Хамас уби огромен број странски државјани во Израел, објавен е список
По нападот на палестинското исламистичко движење Хамас врз Израел на 7 октомври, голем број странски државјани беа убиени, киднапирани, а некои се водат како исчезнати.
Во овој незапамтен напад, повеќе од 1.400 луѓе беа убиени на израелска страна, а 199 беа киднапирани. На палестинска страна во израелските контранапади загинале околу 3.478 лица, објави Хамас. Ракета погоди болница во Газа во вторникот, при што загинаа стотици луѓе.
Според статистиката на АФП, палестинските и израелските власти ја потврдиле смртта на околу 180 странски државјани, од кои многумина имаат израелско државјанство.
Според последните информации во средата, бројот на загинати и исчезнати по земји е:
Соединетите Држави: 31 мртов, 13 исчезнати и киднапирани
Триесет и еден американски државјанин е убиен, соопшти во средата Белата куќа, без да ги прецизира околностите на нивната смрт. Од нив 13 се сметаат за исчезнати, а претседателот Џо Бајден изјави дека меѓу киднапираните има и Американци.
Тајланд: 30 мртви, 17 киднапирани
Триесет Тајланѓани ги загубија животите, рече тајландскиот премиер, а 17 се во рацете на киднаперите. Околу 30.000 Тајланѓани работат во Израел, главно како земјоделски работници.
Франција: 24 мртви, 11 исчезнати
Дваесет и четири Французи загинаа, единаесет се водат за исчезнати, меѓу нив „најверојатно неколку заложници на Хамас“, според последните официјални податоци.
Русија: 16 мртви, осум исчезнати
Шеснаесет Руси загинаа, а осум се водат за исчезнати, се наведува во најновиот извештај на руската амбасада во Тел Авив.
„Најмалку еден е руски државјанин, кој има и израелско државјанство“, заложник на Хамас во Газа.
Непал: 10 мртви, еден исчезнат
Убиени се десетина Непалци, соопшти непалската амбасада во Тел Авив. Четворица од нив се хоспитализирани, а со петтиот „изгубен е контакт“. Во Израел има 265 непалски студенти, меѓу кои 17 биле сместени во кибуц Алумим, на југ, кој бил цел на нападот.
Германија: Помалку од 10 мртви, најмалку осум киднапирани
„Одреден број германски граѓани беа жртви на теророт на Хамас“, помалку од десет од нив, соопшти во средата германското Министерство за надворешни работи. Министерството зборува за „осум познати случаи“ на киднапирање на Германци, а еден случај може да се однесува на повеќе лица. Севкупно, станува збор за „мал број“ на киднапирани германски државјани.
Аргентина: Седум мртви, 15 исчезнати
Буенос Аирес ја потврди смртта на седуммина Аргентинци и исчезнувањето на 15 лица. Меѓу нив се и двајцата браќа, Иаир и Ејтан Хорн, изјави нивниот татко, кој стравува дека биле „киднапирани и однесени во Газа“.
Украина: Седум мртви, девет исчезнати
Седум Украинци го загубија животот, а девет се водат за исчезнати, соопшти Киев.
Велика Британија: Најмалку шест мртви, десет исчезнати
Најмалку шест Британци загинаа, а десет се водат како исчезнати, изјави британскиот премиер Риши Сунак. Според израелската амбасада во Лондон, меѓу загинатите има и фотограф и 26-годишен маж кој живеел во Израел и работел како обезбедување на рејв забави во пустината.
Канада: Шест мртви и двајца исчезнати
Отава во вторникот ја пријави смртта на шестиот Канаѓанец. Двајца се уште се водат како исчезнати.
Кина: Четворица мртви, двајца исчезнати
Во понеделникот, Пекинг ја објави смртта на четворица Кинези за време на „конфликтот“, двајца исчезнати и шестмина повредени.
Романија: Четворица мртви, еден исчезнат
Букурешт објави дека загинале четворица романски државјани, меѓу кои и еден израелско-романски војник. Еден Романец е исчезнат.
Австрија: Тројца мртви, двајца исчезнати
Виена извести за смртта на тројца израелско-австриски државјани. Две лица се водат за исчезнати.
Белорусија: Тројца мртви, еден исчезнат
Белоруската амбасада во Тел Авив извести за смрт на тројца и исчезнување на еден државјанин на Белорусија.
Филипини: Тројца мртви, тројца исчезнати
Филипинската амбасада во Израел соопшти дека 33-годишна жена и 42-годишен маж загинале во напад на кибуц во близина на Газа.
Владата наведува дека животот го загубила и 49-годишна посетителка на фестивалот. Не се знае судбината на тројца Филипинци.
Бразил: Тројца мртви
Во нападите загинаа маж и жена со двојно бразилско-израелско државјанство и една Бразилка.
Перу: Двајца мртви, пет исчезнати
Перу има двајца мртви и пет исчезнати.
Република Јужна Африка: Двајца загинати
Јужна Африка има двајца мртви.
Португалија: Еден мртов, четворица исчезнати
Лисабон ја објави смртта на еден португалско-израелски државјанин и исчезнувањето на четворица државјани со двојно државјанство.
Италија: Еден мртов, двајца исчезнати
Животот го загубил италијанско-израелски државјанин (65), соопшти во вторник Министерството за надворешни работи. Двајца двојни државјани се водат како исчезнати.
Чиле: Еден мртов и еден исчезнат
Чиле објави дека еден негов државјанин загинал, а жител на кибуц Кисуфима се води како исчезнат.
Турција: Еден мртов, еден исчезнат
Анкара ја потврди смртта на турско-израелски државјанин кој со семејството живее во Израел од 1972 година. Еден нејзин државјанин исчезна.
Шпанија: Еден мртов, еден исчезнат
Убиена е Шпанка со израелско државјанство. Шпанец од Баскија, оженет со Чилеанка, е меѓу киднапираните во Газа, објави Мадрид.
Колумбија: Еден мртов, еден исчезнат
Богота пријавила смрт на Колумбиец и исчезнување на едно лице.
Камбоџа: Еден убиен
Пном Пен ја потврди смртта на студент од Камбоџа.
Австралија: Еден мртов
Австралија во средата тагуваше за смртта на својот државјанин.
Хондурас: Еден мртов
Властите на Хондурас ја потврдија смртта на еден граѓанин.
Азербејџан: Еден мртов
Баку објави дека е убиен еден државјанин на Азербејџан.
Ирска: Еден убиен
Даблин во средата ја потврди смртта на 22-годишна девојка со ирско и израелско државјанство.
Швајцарија: Еден мртов
Животот го загуби швајцарско-израелски државјанин на 70-годишна возраст, кој живеел во Израел од 2004 година, соопшти швајцарската влада.
Мексико: Двајца киднапирани
Двајца Мексиканци, маж и жена, се киднапирани, објави Мексико.
Официјалните податоци покажуваат и дека меѓу исчезнатите има државјани на Парагвај (двајца), Танзанија (двајца) и Шри Ланка (двајца).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почва од Фукушима ќе заврши во цветна градина пред канцеларијата на премиерот
Јапонија објави дека планира да искористи дел од почвата отстранета од близина на нуклеарната централа Фукушима Даичи во цветните леи пред канцеларијата на премиерот Шигеру Ишиба. Целта е да се покаже дека радиоактивната почва е безбедна за повторна употреба.
Почвата беше отстранета како дел од работата за деконтаминација по нуклеарната катастрофа во 2011 година и оттогаш е во привремено складирање. Дел од почвата оттогаш достигна ниво доволно безбедно за повторна употреба, велат официјалните лица.
Владата соопшти дека планира да ја користи почвата од Фукушима за цветни градини и други цели на земјиште на владини агенции. Планот е базиран на упатства усвоени од Министерството за заштита на животната средина во март и одобрени од Меѓународната агенција за атомска енергија.
Катастрофата во Фукушима резултираше со ослободување на големи количини радиоактивни материјали од електраната, предизвикувајќи загадување во околните области.
За време на работата за деконтаминација, собрани се големи количини почва, дрвја и друг отпад. Просторниот објект, кој се протега помеѓу градовите Футаба и Окума, во близина на нуклеарната централа Фукушима, складира 14 милиони кубни метри почва и други материјали.
Јапонската влада има за цел да пронајде депонии за почвата до 2045 година, а официјалните лица сугерираат дека материјалот со низок ризик би можел да се користи за изградба на патишта и во други проекти за јавни работи низ целата земја.
Министерството за заштита на животната средина објасни дека почвата ќе се користи како основен материјал и ќе биде покриена со горен слој почва доволно дебел за да се одржи зрачењето на занемарливо ниво. Сепак, постои голема загриженост кај јавноста.
Владата веќе беше принудена да го запре планот за употреба на радиоактивна почва во цветните леи во неколку јавни паркови во и околу Токио по протестите.
Свет
Трамп: Путин не сфаќа дека ако не бев јас, многу лоши работи ќе ѝ се случеа на Русија
Американскиот претседател, Доналд Трамп, повторно го критикуваше рускиот претседател, Владимир Путин.
„Она што Владимир Путин не го сфаќа е дека ако не бев јас, многу лоши работи веќе ќе ѝ се случеа на Русија, мислам навистина лоши. Тој си игра со оган“, напиша Трамп на социјалната мрежа Truth Social.
Ставовите на Трамп кон Путин се менуваа од почетокот на неговиот мандат. Иако повремено упатуваше остри критики и размислуваше за санкции, тој зборуваше и за можностите за намалување на трговските бариери и привлекување американски инвестиции во Русија.
Но, во неделата, тој беше невообичаено остар. „Го познавам долго време, отсекогаш сме имале добри односи, но сега тој испраќа ракети врз градови и убива луѓе, а тоа воопшто не ми се допаѓа. Додека разговараме, тој испраќа ракети врз Киев и други градови. Тоа воопшто не ми се допаѓа“, рече Трамп.
„Волстрит џурнал“, повикувајќи се на извори блиски до Трамп, објави дека Трамп размислува за воведување нови санкции врз Русија, бидејќи е сè повеќе фрустриран од континуираните напади на Русија врз Украина и бавниот напредок на мировните преговори.
Според еден извор, санкциите веројатно нема да вклучуваат нови мерки против банките, но се разгледуваат други опции за да се изврши притисок врз рускиот претседател Владимир Путин да се согласи на отстапки, вклучително и 30-дневен прекин на огнот поддржан од Украина, што Русија досега цврсто го отфрла.
Според истите извори, Трамп го губи трпението со мировниот процес и размислува целосно да го напушти доколку последниот обид не успее – ненадеен пресврт за претседател кој водеше кампања со ветување дека ќе ја заврши војната уште на првиот ден на функцијата. Не е јасно што би се случило ако САД се повлечат од преговорите или дали Трамп ќе продолжи да ѝ обезбедува воена помош на Украина.
„Претседателот Трамп е јасен – тој сака договор за мир преку преговори. Исто така, мудро е да ги држи сите опции отворени“, изјави портпаролката на Белата куќа, Каролин Ливит, во изјава за „Волстрит џурнал“.
Свет
Путин: Русија нема да може да постои ако не е суверена
Рускиот претседател, Владимир Путин, изјави дека Русија нема да може да постои ако не е суверена.
„Русија воопшто нема да може да постои ако не е суверена. За да го направиме ова, треба да ја поддржиме страста во општеството – тоа е исклучително важно“, рече рускиот лидер на состанокот на Надзорниот одбор на платформата „Русија – земја на можности“.
Тој рече дека внатрешната мобилизација на секој поединец и општество е најважната задача во сегашната ситуација.
„Најважното нешто во ситуацијата во која се наоѓаме, во земјата, е внатрешната мобилизација на секоја индивидуа и на општеството како целина“, рече Путин.
Во својот говор, тој оцени и дека владејачките елити во некои западни земји ја претвораат слободата, демократијата и човековите права во декор. „Обична сценографија, практично игнорирајќи го мислењето на општеството“, рече Путин.
Рускиот претседател нагласи дека многумина ја гледаат Русија како олицетворение на традиционалните вредности и дека овие идеи се усвојуваат во многу земји, што, како што рече, е охрабрувачко.
Припадниците на „Беланоца- Барон“ се гонат за убиства, палење на автомобили на службеници од „Идризово“, изнуда на пари од фирми
Обвинителството поднесе обвинение против девет припадници на организираната криминална група „Беланоца- Барон“ за повеќе тешки кривични дела извршени во период...
„Ер тракторите“ се на сервис, недостигаат пилоти и опрема – Ангелов верува дека ќе се справи со слабостите во ДЗС
Новоназначениот директор на Дирекцијата за заштита и спасување (ДЗС), Стојанче Ангелов, пред новинарите зборуваше за агонијата со којашто се соочува оваа...
Меџити убеден дека информатичарот Азир Алиу ќе се снајде и во Здравство: Министерот треба да биде добар менаџер, Алиу е најдобар предлог
Првиот вицепремиер и министер за животна средина Изет Меџити смета дека докторот по информатички науки и поранешен министер за информатичко...
Филипче: Британскиот заем е како да подигнам кредит со вашата лична карта, па од утре да плаќате камати, а не сум ви кажал ништо
Власта со целосно погрешни економски политики ја води државата во погрешен правец, порача претседателот на Социјалдемократскиот сојуз на Македонија, Венко...
За изборот на нов министер на местото на Таравари се чека предлогот од Владата, Гаши уверува дека мнозинството е стабилно
Премиерот треба да го предложи новиот министер за здравство, кој ќе го замени Арбен Таравари. Кога ќе дојде на дневен...
(Фото) Ангелов му ја предаде директорската функција во ЦУК на Мухамед Аљи: Верувам дека ќе биде тешко да го следи моето работно темпо
Денеска, во 10 часот, во просториите на ЦУК ја предадов функцијата директор на ЦУК на Мухамед Аљи, кој на оваа...
Стојанче Ангелов нов в.д. директор на Дирекцијата за заштита и спасување: најави спојување со ЦУК
Досегашниот директор на Центарот за управување со кризи, Стојанче Ангелов, од денеска ќе ја извршува функцијата в.д. директор на Дирекцијата...
Силен земјотрес ја погоди Грција
Земјотрес со интензитет од 4,8 степени според Рихтеровата скала се случи во 3.06 часот наутро по локално време во Грција...
(Видео) 50 повредени во Ливерпул, двајца во критична состојба, полицијата: Не е тероризам
Речиси 50 лица се повредени, а 27 се однесени во болници, вклучувајќи двајца во критична состојба, од кои едно е...
(Видео) Пукање во Филаделфија, најмалку двајца мртви
Две лица се убиени, а најмалку осум други се ранети во масовно пукање што се случи синоќа во паркот Фермаунт...
Зеленски: Разузнавачките информации докажуваат дека Путин нема планови да ја заврши војната
Украинскиот претседател Володимир Зеленски ја обвини Русија дека планира нова офанзива. „Нема знаци дека рускиот претседател Владимир Путин сериозно размислува...
Путин: Ако „Мекдоналд“ одлучи да се врати, нема да му поставиме црвен тепих
Русија нема да „го простира црвениот тепих“ за „Мекдоналдс“ ако компанијата одлучи да се врати во Русија, изјави Владимир Путин...
Ацо Боцевски-Циганот уапсен во грчкиот град Катерини: беше во бегство 27 години
По 27 години бегство, во Грција е уапсен Ацо Боцевски, познат под прекарот Циганот, македонски државјанин осуден за убиство. Според...
Путин: Русија беше принудена да реагира на ситуацијата што се разви во Украина
Русија беше принудена да реагира на ситуацијата што се разви во Украина по државниот удар во 2014 година, вклучително и...
„Кој и да е сопственик, не е блиска пријателка на мојата сопруга“, рече Тошковски за малото модното студио кое ќе набавува униформи за полицијата
Фирмите кои треба да набават униформи за специјалната полиција во вредност од 3,8 милиони евра ги исполните сите услови пропишани...
Разбиена мрежа за проституција: Лица од Бразил и Сирија носеле Бразилки во Скопје каде нуделе сексуални услуги
Основното јавно обвинителство за гонење на организиран криминал и корупција до Основниот кривичен суд поднесе обвинителен акт против четири лица....
Алијанса за Албанците формира Привремен координациски совет за да нема конфузии во јавноста
Алијанса за Албанците формира Привремен координациски совет за да нема конфузии во јавноста по, како што велат, едностраните дејствија на...
Сиљановска-Давкова му подари на папата Лав XIV длабока резба од дабово дрво со мотив „Желад“
Претседателката Гордана Сиљановска-Давкова во Апостолската палата имаше аудиенција кај поглаварот на Римокатоличката црква, папата Лав XIV. На средбата традиционално беа...
Нема нови случаи на мајмунски сипаници, ризикот од ширење е мал, велат од ИЈЗ
Нема нови случаи на мајмунски сипаници во земјата, а ризикот од ширење е мал, велат од Институтот за јавно здравје....
Тенкови и хеликоптери од САД и од Грција пристигнаа на Криволак за најголемата воена вежба годинава
Тенкови, хеликоптери и припадници на воени сили од САД и од Грција пристигнаа вчера на Криволак за вежбата Immediate Response 25....
