Свет
Кина бара гаранции за правата на Палестинците

Специјалниот кинески пратеник за Блискиот Исток ја припишува причината за кризата во односите меѓу Израел и Газа на недостатокот на гаранции за легитимните, национални права на Палестинците, рече тој на средбата со неговиот руски колега.
Кинескиот пратеник за Блискиот исток, Жаи Јун слета во Катар каде заедно со рускиот пратеник Михаил Богданов ја координираше позицијата на Пекинг со Москва во однос на нивните напори за деескалација на конфликтот во Газа.
„Клучната причина поради која ја имаме оваа ситуација во палестинско-израелскиот конфликт е тоа што на палестинскиот народ не му се загарантирани легитимните национални права“, рече Жаи, еден ден откако рускиот претседател Владимир Путин одржа разговори со кинескиот лидер Си Џинпинг во Пекинг.
Вооружени членови на Хамас на 7 октомври влегоа во јужен Израел од Појасот Газа, каде што убија најмалку 1.400 луѓе, на што Израелците возвратија со воздушни напади, а 2,3 милиони жители на Газа се под опсада.
Една недела подоцна, кинескиот министер за надворешни работи Ванг Ји го осуди „секој чин што им штети на цивилите“, но не го именуваше Хамас, додека рече дека израелските акции „ја преминале линијата на самоодбрана“.
Во спротивниот табор од Кина и Русија се САД, чиј претседател Џо Бајден најави дека ќе бара дополнителни средства за помош на Израел, вредна неколку милијарди долари, за да може да се бори против Хамас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Објавен документ, царините на САД за увоз на автомобили официјално стапија на сила

Во сила стапија царините од 25 отсто за автомобилите и лесните камиони од странско производство, а автоделовите ќе бидат покриени најдоцна до 3 мај, пренесува АФП повикувајќи се на известување објавено во Федералниот регистар.
Во известувањето се објаснува зошто се воведени царините.
„Оваа одлука следи по истрагата на американското Министерство за трговија од 2019 година, која заклучи дека зголемениот увоз на автомобили и автоделови ја загрозува националната безбедност на САД. Ситуацијата дополнително се влоши по пандемијата Ковид-19, која ги изложи слабостите во синџирите на снабдување“, се наведува во одлуката.
„Американската автомобилска индустрија се соочи со недостиг на делови, материјали и работна сила, додека странските индустрии пораснаа поради агресивните субвенции. Според наводите на одлуката на Трамп, денес само околу половина од автомобилите што се продаваат на тој пазар се произведуваат во САД“, се додава.
Царини за автоделови најдоцна до 3 мај
Царините ќе ги опфатат и автоделовите, но се очекува таа да стапи во сила најдоцна до 3 мај 2025 година. Царинската служба на САД строго ќе ја следи декларираната американска содржина на автомобилите за да обезбеди усогласеност со новите царини, се наведува во документот.
Администрацијата на Трамп вели дека царините ќе останат во сила додека не се утврди дека повеќе не се неопходни за заштита на националната безбедност.
Свет
(Видео) Трамп наметна царини од 20 отсто за ЕУ, се обрати Фон дер Лајен: „Последиците ќе бидат страшни“

Претседателката на Европската комисија, Урсула фон дер Лајен, ги коментираше царините на Трамп во видео обраќање на неколку јазици: на англиски, германски и француски.
Американските царини се „тежок удар“ за глобалната економија и Европската унија подготвува контрамерки доколку преговорите не успеат, изјави претседателката на Европската комисија Урсула фон дер Лајен.
„Веќе го финализираме првиот пакет контрамерки како одговор на царините за челик“, рече таа во изјавата прочитана пред Самитот на партнерството меѓу ЕУ и Централна Азија.
The universal tariffs announced by the US are a major blow to businesses and consumers worldwide.
Europe is prepared to respond.
We'll always protect our interests and values.
We're also ready to engage.And to go from confrontation to negotiation ↓ https://t.co/WbXqsN4ZX7
— Ursula von der Leyen (@vonderleyen) April 3, 2025
„Дополнително подготвуваме нови контрамерки за заштита на нашите интереси и нашите компании, доколку преговорите не успеат“, заклучи таа.
Фон дер Лајен вели дека последиците од американските царини ќе бидат „огромни“.
„Глобалната економија ќе претрпи голема штета, неизвесноста ќе се зголеми и ќе се поттикне понатамошен протекционизам. Последиците ќе бидат страшни за милиони луѓе ширум светот, особено за најранливите земји кои сега се предмет на највисоките американски царини“, рече Фон дер Лајен.
На прес-конференција, таа додаде дека сите компании, „големи и мали“ ќе страдаат „од првиот ден“, погодени од прекини во синџирот на снабдување, поголема неизвесност и „тешка бирократија“.
„Трошоците за водење бизнис со САД драстично ќе се зголемат“, рече таа.
„Покрај тоа, се чини дека нема ред во овој хаос. Нема јасен пат низ сложеноста и хаосот што ги погодува сите трговски партнери на САД“, истакна фон дер Лајен.
Трамп претходно најави минимална царина од 10% за повеќето стоки увезени во Соединетите Американски Држави, со повисока стапка од 20% за Европската унија, што дополнително ја интензивира глобалната трговска војна која се заканува да ја зголеми инфлацијата и да го забави економскиот раст во САД и во светот.
Свет
Кина вети решителни контрамерки против царините на Трамп

Кинеското Министерство за трговија ги повика САД „веднаш да ги повлечат овие еднострани царински мерки и соодветно да ги решат трговските спорови преку еднаков дијалог со своите партнери“.
„Кина цврсто се противи на овој потег и ќе преземе решителни контрамерки за да ги заштити своите права и интереси“, рече портпаролот.
Претходно, кинеската државна новинска агенција Ксинхуа објави коментар во кој царините ги нарече „самоуништувачко насилство“ и го обвини Трамп дека „трговијата ја претвори во премногу поедноставена игра на одмазда“.
Кина е можеби најтешко погодена од објавата на Трамп, бидејќи е воведена дополнителна царина од 34% за сите кинески стоки – покрај постојните 20%.