Свет
(Видео) Хамас го нападна целото семејство: „Рекоа дека нема да пукаат, а потоа ја убија мојата ќерка“
Кога Цахи Идан беше одведен во Газа, неговите раце сè уште беа покриени со крвта на неговата 18-годишна ќерка Мајан, која беше убиена од милитантите на Хамас. Ја држел во последните моменти од нејзиниот живот, а напаѓачите подоцна не му дозволувале да си ги измие рацете.
За тоа време членовите на Хамас го снимија и емитуваа целиот настан на Фејсбук. Гали Идан, сопругата на Цахи, сега е далеку од својот сакан Нахал Оз, една од многуте израелски заедници нападнати од Хамас на 7 октомври. Таа и нејзините преживеани деца биле сместени во друг кибуц.
На 7 октомври семејството го разбуди звукот на ракетен напад од Газа. Ваквите ситуации им биле познати од порано, но тоа утро нешто било поинаку, пишува Би-би-си.
„Беше многу интензивно. Слушнавме експлозија по експлозија. Не можевме ни да излеземе. Се заклучивме во мамад, безбедна соба во куќата. Јас и Цахи се погледнавме, знаевме дека нешто не е во ред и нешто страшно се случуваше“, изјави Гали Идан.
„Добивме пораки дека има напад на кибуцот и дека треба да се засолниме во мамадот. Во еден момент не советуваа да бидеме тивки бидејќи терористите влегле во кибуцот. Мора да разберете дека такво нешто никогаш не било опција. Никогаш. Секогаш беше најлошиот кошмар. И одеднаш, беше реално. Кошмарот беше реален“, додаде таа.
Потоа нешто експлодирало пред куќата и ги искршило прозорците. После тоа во куќата се слушнале гласови и чекори. Некој извикал на англиски: „Нема да пукаме“. Но, тоа не беше вистина.
Maayan Idan Z´L
Fue asesinada frente a sus padres ya sus hermanos. Los terroristas lo transmitieron en vivo. Su papa continua desaparecido.
Nosotros recordamos
Que el mundo no olvide!#StopTerrorism #StopHamas pic.twitter.com/WYFYAGDLyk— ╰☆☆ 𝐏𝑜𝕊ｉ ☆☆╮ (@la_posita) October 22, 2023
Цахи ја држеше вратата од безбедната соба, се обиде да ги спречи да влезат. На вратата немаше брава. Децата врескаа. Во собата беше хаос. Тогаш Мајан виде дека малку ја отворија вратата и отиде да му помогне на нејзиниот татко. Тие викаа дека нема да пукаат, а потоа пукаа“, рече Гали Идан.
„Цахи виде дека Мајан е погодена. Таа падна до него, а потоа Хамас успеа да ја отвори вратата. Се слушнаа крици и тие ја запалија светилката. Мајан беше во огромен локва крв. Ја погодија во главата. Тие викаа да излеземе од собата. Само им рековме на децата да не гледаат и ги извадивме од безбедната соба“, рече таа.
Цахи, Гали и нивните две најмали деца, Јаел (11) и Шачар (9), седеа на подот додека околу нив одекнуваа пукотници. Еден од членовите на Хамас го зел мобилниот на Гала, ја побарал лозинката и почнал да го снима семејството во живо на Фејсбук. На видеото кое трае речиси половина час, се гледа како семејството клечи на подот и се слушаат сирени. Сето тоа време безживотното тело на Мајан беше во нивна близина, на неколку метри.
„За среќа, децата беа исклучително храбри. Разговараа со терористите, не знам како можеа. Ги прашаа зошто се тука, зошто пукаат и зошто убиваат. Можеби тоа не спаси? Цахи беше скршен. Ја виде ќерката како умира покрај него. Мајан штотуку го прослави својот 18-ти роденден. Куќата беше полна со балони и крв“, раскажа мајката.
На крајот милитантите му рекоа на Цахи да стане. Рацете му биле врзани зад грб. Децата го молеа Хамас да не им го одземе таткото, да не го убива. Но, го одведоа.
„Кога излезе од дома му реков дека го сакам, да не се прави храбар и да се врати жив. Тоа е тоа. Сакам да ми се врати, во еден дел и здрав. Цахи да биде до нас. Сакам да го гушнам“, рече Гали.
Израелските власти соопштија дека Хамас држи во заложништво повеќе од 200 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Училиштата во Загреб алармираат: ученици разменувале експлицитни материјали од насилство на „Ватсап“ група
Неколку основни училишта во западниот дел на Загреб ги предупредиле родителите за содржини што ги разменувале ученици во „Ватсап“-група наречена „Луѓенца“, објави „Јутарњи“.
Според информациите, во групата се споделувале експлицитни сексуални материјали, нацистички симболи и фотографии со крајно насилен и вознемирувачки карактер. Директори на училиштата ги повикале родителите да обрнат поголемо внимание на активностите на своите деца на мобилните телефони.
Една мајка за која пишува „Јутарњи“ изјавила дека е згрозена кога дознала на каков материјал може да наидат децата, предупредувајќи дека многумина родители не знаат како да пријават несоодветна содржина на „Ватсап“. Училиштата, според весникот, најавиле дополнителна едукација за безбедно користење на интернет.
Психологот Јокиќ Бегиќ за „Јутарњи“ изјавил дека ваквите случаи укажуваат на сериозен пад на општествените норми и недостиг на контрола, нагласувајќи дека решението е навремена едукација и јасно одбивање на вакви содржини од страна на јавноста.
Од Град Загреб за „Јутарњи“ потврдиле дека станува збор за неколку училишта и дека случајот е пријавен во полиција. Оттаму апелираат родителите да ги следат активностите на своите деца на социјалните мрежи и да пријавуваат сомнителни материјали.
Директорка на едно од училиштата, чија порака ја пренесува весникот, навела дека слични содржини се делат и на „Снепчет“, предупредувајќи дека станува збор за одвратна и опасна содржина што може да го загрози менталното здравје и безбедноста на децата.
Свет
15-годишник уапсен во Британија за обидот за убиство на 16-годишно момче кое се бори за живот
Шеснаесетгодишно момче се бори за живот откако завчера беше застрелано во Шефилд, а полицијата уапси 15-годишник под сомнение за заговор за убиство. Пукањето се случило нешто пред 17:20 часот на прометната улица Лондон роуд, во време на најголема гужва во центарот на градот, пишува „Скај њуз“.
Жртвата итно била пренесена во болница, каде што и понатаму е во животна опасност. Полицијата на Саут Јоркшир потврди дека 15-годишникот е приведен додека детективите работат на утврдување на околностите што довеле до нападот.
„За злосторства со оружје и насилство нема место во Саут Јоркшир, а фактот дека младиот човек се бори за живот е ужасен и нема да се толерира“, порача надзорникот на Шефилд, Мартин Симкок.
Тој изјави дека полициските службеници и форензичките тимови на терен собирале докази, но додаде дека истрагата и понатаму се потпира на помош од јавноста.
„Ве повикувам да се јавите. Без разлика колку вашата информација е мала, токму таа може да биде делот што ни недостасува. Тинејџерот и неговото семејство заслужуваат одговори, а ние сме посветени да ги добијат“, додаде Симкок.
Главната инспекторка Ема Најт, повисока истражителка на случајот, изјави дека станува збор за „ужасен инцидент“. „Сакам да ги уверам жителите дека посветен тим службеници и персонал неуморно работи на разбирање на околностите што довеле до овој напад и на пронаоѓање на одговорните“, рече таа.
Регион
(Видео) Шокантна сцена во Дубровник: што се исфрли морето на брегот
Шокантни слики доаѓаат од Јадранското Море, каде што најпознатата плажа во Дубровник, Бање, е оставена покриена со ѓубре откако морето исфрлило големи количини отпад на брегот!
Жителите на Дубровник ги фотографираат и снимаат тажните сцени од познатата плажа, но не се изненадени од оваа сцена бидејќи се повторува од година во година.
Како што објави „Дубровачки дневник“, ова е проблем што се повторува со години, кога морето носи огромни количини ѓубре, најчесто од Албанија, на хрватските брегови и плажи.
фото: принтскрин
(Видео) Новинар: Какви отстапки нуди Русија? Трамп: Ќе престанат да се борат
Американскиот претседател Доналд Трамп е убеден дека Русија, со запирање на својата офанзива, би направила „голема отстапка“ за Украина, што,...
„Донецк и размена на територии“: Целиот транскрипт од разговорот меѓу луѓето на Трамп и Путин
Блумберг објави транскрипт од телефонски разговор помеѓу Стив Виткоф, специјалниот претставник на американскиот претседател Доналд Трамп за мировни мисии, и...
Трамп се откажа од ултиматумот за Украина
Американскиот претседател Доналд Трамп вчера се повлече од ултиматумот што ѝ го даде на Украина да го прифати американско-рускиот мировен...
Претседателот на Тајван: Ќе предложам да потрошиме уште 40 милијарди долари за одбрана
Тајван ќе воведе дополнителни 40 милијарди долари за одбрана за да ја нагласи својата решителност да се брани, изјави претседателот...
Кина: Ќе ги потиснеме сите странски обиди за мешање во ситуацијата околу Тајван
Кина денес предупреди дека ќе ги „потисне“ сите странски обиди за мешање во ситуацијата околу Тајван, откако Јапонија објави планови...
Објавени транскриптите, Виткоф до човекот на Путин: Знам што е потребно за да се постигне договор
Пратеникот на Трамп, Стив Виткоф, по успехот на мировниот договор за Газа, минатиот месец оствари телефонски разговор со висок функционер...
Владата именува повереници за општините Маврово Ростуше, Гостивар, Центар Жупа и Врапчиште
Владата на денешната седница именува повереници за општините Маврово Ростуше, Гостивар, Центар Жупа и Врапчиште во кои што на локалните...
Украина се согласи на мировен договор со Русија, тврдат САД
Украина се согласи на договор за прекин на војната со Русија, при што остануваат само мали детали, изјави американски функционер...
Уапсени директори и заменик министер за земјоделство: излажале дека недостасуваат пченица и јачмен вредни 780.000 евра
Полицијата денеска уапси пет лица осомничени за злоупотреба на стоковите резерви, излажале дека недостасуваат пченица и јачмен вредни 780.000 евра....
Откажано утрешното рочиште за „Пулс“: Недостасуваат адреси од оштетени и нивни застапници
Утрешното судење за пожарот во дискотеката „Пулс“ во Кочани, во кој загинаа 63 лица и околу 200 се повредени, е...
Не е работа на бранителот да биде судска достава, забележаа адвокатите и побараа судот да им го достави интегрираното обвинение и на обвинетите за „Пулс“
Место воведни зборови од одбраната и изјаснување дали се чувствуваат виновни обвинетите за пожарот во кочанската дискотека “Пулс”, денешното второ...
Мицкоски: 6.045 пристигнати апликации, најголем интерес за искористување на мерката за самовработување
Како Влада, силно веруваме дека економијата расте тогаш кога граѓаните имаат поддршка да создаваат, да иновираат и да стануваат претприемачи,...
42-годишник пронајден мртов кај селото Нераште: наредена е обдукција, ќе се вештачат траги најдени на местото
Обвинителството извести дека е извршен увид на лице место, дадени се повеќе насоки и наредби со цел откривање на сторителите...
Голема полициска акција: претреси во Скопје, Куманово и на други локации
Во координација со Основното јавно обвинителство Скопје во тек е полициска акција со претреси во Скопје, Куманово и на други...
Зеленски пред тежок избор: планот на Трамп или несигурните Европејци, пишува Политико
Европските претставници вчера воздивнаа со олеснување, верувајќи дека разговорите во Женева вродиле со плод и дека Доналд Трамп ќе ги...
Поради одрон во прекин е сообраќајот на регионалниот пат Ресен- Граничен премин Стење
Денеска од 07:55 часот, поради одрон на патот помеѓу селата Царев Двор и Отешево, во прекин е сообраќајот во двата...
Би-би-си: Украинците би можеле да се согласат на изменет мировен план, Русите се друга приказна
Доналд Трамп силно сака мировен договор во Украина. Киев сака мир уште повеќе, но не по секоја цена, пишува Би-би-си...
САД преговараат со Русите и Украинците: „Мора да бидеме сигурни дека Русите се согласуваат со ова“
Секретарот на американската армија, Ден Дрискол, пристигна во Абу Даби доцна синоќа на разговори со шефот на украинската воена разузнавачка...
Венецуела до авиокомпаниите: Имате 48 часа да ги продолжите летовите или ќе ја изгубите дозволата
Венецуелскиот институт за авијација денес им соопшти на меѓународните авиокомпании дека мора да ги продолжат летовите до земјата во рок...
ОН: На секои десет минути жена е убиена од близок човек
ОН вчера соопшти дека минатата година речиси 50.000 жени и девојки биле убиени од интимен партнер, осудувајќи го недостатокот на...
