Забава
Коавторите на „Пријатели“ за Метју Пери: Тој секогаш беше најдуховитата личност во просторијата
Коавторите на хит-серијата „Пријатели“ – Марта Кауфман и Дејвид Крејн и извршниот продуцент Кевин Брајт – се огласија по повод смртта на Метју Пери.
Во изјава за медиумите во неделата тие го истакнуваат неговиот брилијантен талент и велат дека ќе го запаметат како единствената личност што можеше да го оживее Чендлер Бинг во нивната култна серија.
Кауфман, Крејн и Брајт се присетија како Пери ја добил улогата на Чендлер Бинг во серијата, со што почна нивната десетгодишна соработка и пријателството и како Метју влијаел на ликот на Чендлер.
„Шокирани сме и длабоко, длабоко ужалени поради смртта на нашиот сакан пријател Метју. Сè уште се чувствуваме невозможно. Сè што можеме да кажеме е дека се чувствуваме блажено што го имавме во нашите животи“, велат тие во заедничка изјава за медиумите во неделата.
„Тој беше брилијантен талент. Клише е да се каже дека актерот ја создава својата улога, но во случајот на Метју нема повистинит збор. Од денот кога првпат го слушнавме како ја отелотворува улогата на Чендлер Бинг, немаше никој друг за нас. Секогаш ќе ги негуваме радоста, светлината и интелигенцијата што тој ги внесуваше во секој момент – не само во работата туку и во животот“.
„Секогаш беше најсмешната личност во просторијата. Повеќе од тоа, тој беше најслаткото, надарено и несебично срце. Ја испраќаме сета наша љубов до неговото семејство и пријателите“, напишаа Марта, Дејвид и Кевин.
На крајот, тие додаваат: ова, дефинитивно, е епизодата „Кога нашите срца се скршени“ (The One Where Our Hearts Are Broken). Оваа реченица се однесува на насловите на епизодите во „Пријатели“. Секој наслов почнуваше на ист начин – The One…
Метју Пери почина на 54-годишна возраст. Тој беше пронајден мртов во џакузи во својот дом во саботата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Џеј Ло фотографирана среде гласините за развод од Афлек, детаљ на нејзината рака привлече внимание
Гласините за разводот на Џенифер Лопез и Бен Афлек кружат веќе подолго време, а „шушкањата“ дополнително ги подгреа еден детаљ од новите фотографии на актерката во Лос Анџелес. Имено, папараците ја снимиле во автомобил, а на раката не носела бурма.
Покрај тоа, Афлек се појавил без придружба на матурската забава на неговата ќерка. На фотографиите кои ги објави Дејли Мејл, актерот има мрачен израз на лицето и во раката држи лименка пиво. Оваа сцена загрижи многу луѓе бидејќи се знае дека тој во минатото бил алкохоличар и се опоравувал.
Како што пишува In Touch Weekly, актерот решил да се разведе од пејачката, а наводно веќе се иселил од куќата која ја делат. Ова го потврди извор близок до парот.
„Готово е, тие се разведуваат, а овој пат Бен не треба да се обвинува за тоа“, тврди инсајдерот.
Џенифер и Бен планираа да се венчаат на почетокот на 2000-тите, но врската не траеше и двајцата завршија со други сопружници. Лопез подоцна се раздели од пејачот Марк Ентони, а Афлек се раздели од актерката Џенифер Гарнер.
Лопез и Афлек ја обновија врската и се венчаа пред две години.
Забава
Кејт Мидлтон нема да се појави на парадата во јуни
Бакингемската палата потврди дека принцезата Кејт Мидлтон нема да се појави на парадата во средината на јуни, и покрај многуте очекувања.
На парадата, позната како Trooping the Colour, ќе учествуваат кралот Чарлс и кралицата Камила. Но, овој пат, наместо на коњ, кралот ќе биде во кочија, а се верува дека тоа е препорака на лекарот поради неговата дијагноза рак.
Да потсетиме, Кејт во јануари заврши во болница каде и беше оперирана. Два месеци подоцна таа на социјалните мрежи објави дека боледува од рак. Таа не ги откри деталите за нејзината болест, а јавноста побара приватност за време на нејзиното закрепнување.
Меѓутоа, во последно време Кејт се почесто се дружи и излегува од дома.
Дејли мејл истакнува дека принцезата од Велс почесто ја гледале со своето семејство во последните неколку недели, а вработените во палатата велат дека биле преплавени со десетици илјади писма во кои и посакувале добро на принцезата откако и била дијагностицирана болеста. На адресата на палатата вообичаено пристигнуваат околу илјада писма неделно, а откако стана позната нејзината дијагноза, нивниот број се зголеми за десет пати.
Забава
(Видео) Никол Кидман и Зак Ефрон имаат страсна сцена од 18+ во новиот филм
Никол Кидман и Зак Ефрон повторно се обединија на екранот, 12 години откако глумеа во The Paperboy. Овој пат, ѕвездите од А-листата играат љубовници во романтичната комедија на Нетфликс A Family Affair.
Судејќи по трејлерот, ќе има уште секс сцени.
Во филмот, 56-годишната Кидман има бурна афера со шефот на нејзината ќерка, кој го игра Ефрон (36). На една сцена се гледа како австралиската актерка го турка актерот на креветот каде и ја скинува кошулата. „Те чекав вечно“, вели без здив додека се соблекуваат и страсно се бакнуваат.
Ефрон зборуваше за Пипл за улогата, велејќи за списанието: „Бев малку исплашен, но да се види повторно Никол е секогаш одлично. Таа е талентирана актерка, љубезна е, грижлива е и прекрасно е да се поминува време со неа“.