Свет
(Видео) Невреме во Италија, евакуирани 1200 жители на Тоскана
![](https://makfax.com.mk/wp-content/uploads/2023/11/тоскана.jpeg)
Силен дожд проследен со силен ветер денеска во раните утрински часови ја погоди Тоскана, принудувајќи околу 1.200 жители да се евакуираат, соопштија локалните власти.
Еугенио Џани, претседателот на тој италијански регион, изјави дека повеќе од 16.000 домаќинства останале без струја.
Најмалку седум лица загинаа во невремето што веќе го погоди овој популарен туристички регион во четвртокот вечерта.
Најтешко беа погодени провинциите Прато и Пистоја. Реката Бизенцио и помалите потоци се излеаја од коритата и ги поплавија околните села, но веќе започнаа работите за чистење на областите од кои водата почна да се повлекува.
„Нашата Тоскана можеби е ранета, но веќе почнавме да се обновуваме. Форца!“, напиша Џани во објава на Фејсбук.
Силен дожд и силен ветер ги погодија и другите региони во северна и централна Италија.
На видеата се гледаат многу високи бранови долж Лигурската ривиера. Во исто време, градските власти на Венеција ги активираа браните MOSE кои ја изолираат венецијанската лагуна и го штитат центарот на градот од поплави.
Il #Mose ancora una volta sta proteggendo #Venezia ♥️🌊 pic.twitter.com/Oaf8SjZWWB
— Luigi Brugnaro (@LuigiBrugnaro) November 2, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.