Најмалку 34 лица, меѓу кои две деца, загинаа вчераутро во руски ракетен напад врз украинскиот град Суми, додека други 117 лица се ранети, соопшти украинската служба за вонредни состојби.

Меѓу повредените има и 15 деца, а украинското МНР подоцна потврди дека меѓу нив има и девојче родено оваа година. „Дури и новороденчињата се цел на руски злосторства“, соопшти Министерството.

Украинскиот претседател Володимир Зеленски објави снимка од последиците од нападот, вклучително и тела на цивили расфрлани на патот до уништениот автобус.

At least 34 civilians were killed, including 2 children, and over 117 were injured, in a Russian ballistic missile attack early Sunday morning against the Northeastern Ukrainian city of Sumy. The missiles, which are believed to have been two short-range ballistic missiles armed… pic.twitter.com/oDOEP2Opi8

— OSINTdefender (@sentdefender) April 14, 2025

„Потребна е силна реакција од светот. Русија сака токму таков вид на терор и затоа ја одолговлекува војната. Без притисок врз агресорот, нема да има мир. Преговорите никогаш не ги спречиле балистичките ракети и авионските бомби. Потребен ни е односот кон Русија каков што заслужува терорист“, напиша Зеленски на социјалните мрежи.

Пожарот и хаосот предизвикан од нападот се прикажани и на фотографиите од теренот што ги објавија украинските служби, при што делови од згради се уништени, а преживеаните меѓу урнатините се гушкаат во солзи.

Нападот се случи неколку часа откако американскиот пратеник Стив Виткоф ја посети Москва, а американскиот претседател Доналд Трамп рече дека „се обидува да ја запре војната“. „Ова беше ужасен напад. Ми кажаа дека направиле грешка, но ова беше страшно. Целата војна е страшна работа“, изјави синоќа Трамп.

Неговиот специјален пратеник за Украина, пензионираниот генерал Кит Келог, нападот го нарече „срамен и неприфатлив“. „Како поранешен воен командант, знам што значи да се нишани кон цел и тоа е погрешно. Затоа претседателот Трамп работи напорно за да стави крај на војната.

An attack on the center of Sumy. Photos and videos of the aftermath have appeared

The Russians struck with two ballistic missiles. As a result of the strike, there are casualties and injuries, but the exact numbers are not specified.

Residential and non-residential… pic.twitter.com/BeXulPDEA3

— NEXTA (@nexta_tv) April 13, 2025

Американскиот државен секретар Марко Рубио го нарече нападот „ужасен потсетник зошто претседателот Трамп и неговата администрација прават огромни напори да ја запрат војната и да постигнат траен мир“.

Осуда доаѓа и од Европа. Претседателката на Европската комисија Урсула фон дер Лајен рече дека „суровоста повторно удри“ и дека ова е „јасно кршење на меѓународното право“. Францускиот претседател Емануел Макрон рече дека Русија покажува „целосен презир кон човечкиот живот, меѓународното право и дипломатските напори на претседателот Трамп“.

Британскиот премиер Кир Стармер рече дека е „згрозен од ужасните напади на Русија врз цивилите во Суми“, а германскиот канцелар во заминување Олаф Шолц додаде дека нападот ја покажува вредноста на руската „подготвеност за мир“.

Идниот германски канцелар Фридрих Мерц отиде чекор понатаму и го нарече нападот „тешко воено злосторство“. „Тоа беше перфиден чин, намерно и свесно воено злосторство“, рече Мерц за АРД.

Остро реагираа и Обединетите нации. Портпаролот на генералниот секретар на ОН Антонио Гутереш изјави дека е „длабоко шокиран и вознемирен“ од нападот.

Шеесет и тригодишен британски државјанин загина откако паднал од платформа за гледање над историскиот аквадукт во Сеговија, централна Шпанија, соопштија локалните власти, пишува Гардијан.

Во кусото соопштение завчера, властите изјавија дека станува збор за лице со британски пасош, кое во градот пристигнало два дена претходно во придружба на уште две лица. Според првичните извештаи, мажот седел на работ од скалите што воделе до местото за набљудување и паднал наназад откако изгубил рамнотежа, објави локалниот весник El Norte de Castilla.

Градските власти соопштија дека мажот, чиј идентитет сè уште не е соопштен, малку по 13 часот по локално време паднал од местото за набљудување високо неколку метри. Итната помош брзо пристигнала на местото на несреќата и се обидела да го реанимира.

Несреќата се случила на гледна точка позната како Postigo del Consuelo, сместена во остатоците од средновековните ѕидини што го опкружуваат градот. Оваа мала гледна точка одамна привлекува голем број туристи и локални посетители поради широкиот поглед на градот и аквадуктот.

Поранешниот бразилски претседател Жаир Болсонаро беше опериран во приватната болница „ДФ Стар“ во главниот град Бразилија, каде беше пренесен со хеликоптер, објавија локалните медиуми.

Како што пренесува Си-ен-ен Бразил, лекарскиот тим се согласил дека е неопходна хируршка интервенција за да се реши интестиналната опструкција.

Оваа информација ја потврди самиот Болсонаро во соопштение испратено до неговите приврзаници.

„Денеска ќе подлежам на уште една операција, поради последиците од нападот со нож што ги претрпев во септември 2018 година. Со мене е бискупот Карваљо и добри лекари и медицински сестри. Со Божја помош се ќе помине добро“, напиша тој.

O ex-presidente Jair Bolsonaro foi submetido na manhã deste domingo, 13 de abril, a uma cirurgia abdominal extensa no Hospital DF Star, em Brasília. O procedimento, realizado por uma equipe liderada pelo cardiologista Leandro Echenique, teve como objetivo corrigir complicações… pic.twitter.com/4csCPB90Fy

— Karina Michelin (@karinamichelin) April 13, 2025

Поранешниот претседател прекина политички настан со своите приврзаници во петокот кога почувствува „тешка“ болка и беше пренесен со хеликоптер во болница во главниот град на државата Натал, се вели во соопштението на неговата Социјал-либерална партија, пренесе Ројтерс.