Свет
(Видео) Писмото на Бин Ладен до САД ги зачуди младите Американци
Документ стар децении, наводно напишан од Осама бин Ладен со наслов „Писмо до Америка“ неодамна стана вирален на Тикток. Њузвик пишува дека некои млади Американци веруваат дека основачот на Ал Каеда во писмото изразил валидни ставови за нивната земја.
Документот на две страници, објавен од Гардијан, е писмо што Бин Ладен го напишал во 2002 година како полемика против САД и објаснување на идеологијата што го навела да ги организира нападите од 11 септември. Иако документот сега е стар 21 година, некои сметаат дека текстот е начин да се разбере актуелните светски настани, вклучително и војната Израел и Хамас.
Пребарувањето на терминот „Писмо до Америка“ на Тикток покажува дека некои од најпопуларните поврзани клипови имаат над милион прегледи. „Секој треба да го прочита“, рече еден корисник на социјалната мрежа, предупредувајќи дека писмото ја оставила „многу разочарана“ и „збунета“.
Over the past 24 hours, thousands of TikToks (at least) have been posted where people share how they just read Bin Laden’s infamous "Letter to America," in which he explained why he attacked the United States.
The TikToks are from people of all ages, races, ethnicities, and… pic.twitter.com/EwjiGtFEE3
— Yashar Ali 🐘 (@yashar) November 16, 2023
Друга корисничка рече дека имала „егзистенцијална криза“ откако го прочитала документот и дека тоа и го променило целиот поглед на животот. „Всушност ми е толку неверојатно што тероризмот беше продаден како таква идеја на американскиот народ… дека оваа група на луѓе, случајна група на луѓе, одеднаш се буди еден ден и само те мрази… нема смисла“, изјави друг корисник на Тикток.
Неколку реакции на Тикток на писмото покажуваат дека корисниците се сеќаваат на нивната радост кога слушнале за смртта на Бин Ладен во 2011 година, а потоа ја споредуваат со нивниот шок откако го прочитале писмото во 2023 година, додавајќи ја фразата „тој беше во право“. Бин Ладен, син на богат саудиски бизнисмен, ја основал Ал Каеда во 1988 година по поразот на Советите и повлекувањето од Авганистан, конфликт во кој и самиот се борел.
Под негово водство, групата започна неколку смртоносни бомбашки напади во различни земји, вклучувајќи ги и нападите на 11 септември 2001 година, кога терористите киднапираа четири патнички авиони во источниот дел на САД. Два авиони ги погодија кулите на Светскиот трговски центар во Њујорк, додека еден се урна во Пентагон.
Во октомври истата година, Бин Ладен беше додаден на листата на најбарани терористи во САД. Во нападите на 11 септември загинаа речиси 3.000 Американци, а илјадници беа повредени. Во писмото Бин Ладен ги обвини САД дека се одговорни за угнетувањето на Палестинците.
„Создавањето и продолжувањето на Израел е едно од најголемите злосторства, а вие сте водачи на неговите криминалци. Секој човек чии раце се валкани со тоа што придонесува за ова злосторство мора да ја плати цената, и тоа тешка“, рече Бин Ладен. Милитантот роден во Саудиска Арабија потоа напиша дека Палестинците мора да се „одмаздат“, заедно со народот на Авганистан.
Наводната улога во угнетувањето на Палестинците и муслиманите, според Бин Ладен, била оправдување за убиствата на американските цивили.
„Американскиот народ плаќа даноци и ги финансира авионите што не бомбардираат во Авганистан, тенковите што ги напаѓаат и уништуваат нашите домови во Палестина, армиите што ги окупираат нашите земји во Арапскиот Залив и флотите што обезбедуваат блокада на Ирак“, пишува во писмото.
„Затоа, американскиот народ не може да биде невин за сите злосторства извршени против нас од Американците и Евреите“, додаде Бин Ладен. Гардијан во меѓувреме го избриша писмото без никакво објаснување.
Ако ја отворите веб-адресата каде што претходно се појавило писмото, можете да ја прочитате оваа порака: „На страницата претходно беше прикажан документ кој го содржи целосниот текст од писмото на Осама бин Ладен до американскиот народ, објавено во Обсервер во недела, 24 ноември 2002. Документот е овде објавен истиот ден и отстранет на 15 ноември 2023 година“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хезболах: Непријателот ги премина сите црвени линии, сакаа да убијат 4.000 луѓе одеднаш
За време на телевизиско обраќање, лидерот на Хезболах, Хасан Насралах, детонирањето на пејџери и воки-токи низ Либан го нарече „терористички чин“ и изјави дека „непријателот на Израел ги преминал сите црвени линии“ со намера да убие 4.000 луѓе во еден момент.
Тој призна дека на Хезболах му бил зададен тежок удар, но подвлече дека тоа „нема да го скрши“ отпорот и дека операциите во јужен Либан нема да престанат додека не заврши војната во Газа.
Насралах на почетокот рече дека настаните во изминатите два дена го навеле да го одржи говорот. Тој објасни дека планирал да ја претстави својата анализа и извештај за борбите во изминатата година на 7 октомври, но дека она што се случило во изминатите 48 часа „ја барало оваа порака“.
Тој им изрази сочувство на паднатите на фронтот во јужен Либан и на загинатите како последица на експлозиите, а на повредените им посака брзо закрепнување. Тој им се заблагодари на лекарите, официјалните лица и на сите кои помогнаа во лекувањето на жртвите од нападот и на луѓето кои даруваа крв за повредените и ја поздрави солидарноста и единството на народот во земјата.
Тој подвлече дека експлозиите се случиле во болниците бидејќи пејџерите ги користеле и медицинските работници, како и во аптеките, маркетите, продавниците, куќите, автомобилите и на улиците каде што имало многу цивили.
Насралах изјави дека Израел имал за цел да убие „4.000 луѓе одеднаш“.
„Тоа беше намерата на непријателот и ова е обемот на нивниот криминал. Како да го наречеме овој вид криминална активност? Дали е тоа голема операција? Дали е тоа геноцид? Дали е тоа масакр?“, рече тој.
Тој призна дека на Хезболах му бил зададен „многу тежок“ удар, опишувајќи ги нападите како „невидени“ во Либан. Тој рече дека се формирани истражни комисии кои ќе проучат како се случиле експлозиите и дека ќе ги чекаат резултатите од истрагата.
„Претрпевме многу тежок удар. Но, ова е воена состојба“, рече тој.
Тој рече дека неговата група е свесна дека Израел има технолошка предност бидејќи е поддржан од САД и други технолошки суперсили, но храбро ќе се соочи со овој предизвикувачки момент со крената глава.
„Не може да бидеме скршени од овој удар, колку и да е силен. И можам верно и самоуверено да ве уверам дека овој тежок и невиден удар не нè клекна – и нема“, подвлече тој.
„Јасно велам: без разлика какви се последиците, без разлика на жртвите, без разлика на сценаријата, отпорот во Либан нема да престане да го поддржува отпорот во Газа и Западниот Брег и сите повредени на окупираните територии“, рече Насралах.
Тој изјави дека нападите низ Либан биле насочени кон инфраструктурата на Хезболах и дека тоа е обид да се предизвикаат поделби во неа.
„Нека знае непријателот дека тоа што се случи не ја разниша нашата вера, верба, решителност, подготвеност или инфраструктура. Напротив, нè направи порешителни, поробусни и истрајни. Ако целта на Израелците беше да не разделат од она што се случува во Газа, тоа не успеа“, подвлече тој.
Свет
По расправија извадил нож и солзавец, има повредени: тепачка во трговски центар во Германија
Неколку лица се повредени во тепачка што се случила денеска во трговски центар во Ерфурт, Германија, кога еден маж по расправија извадил нож и го расекол мажот.
Полицијата брзо пристигнала на местото на настанот и го евакуирала трговскиот центар, а според полицијата дошло до вербална, а потоа и физичка пресметка меѓу група лица, кои не се по потекло од Германија, пренесуваат германските медиуми.
Се се случило околу 15 часот и 30 минути, а еден од учесниците во тепачката извадил нож. Како што објави „Билд“, мажот (27) бил пренесен во болница поради сериозни повреди на раката, но неговиот живот не е во животна опасност.
Во трговскиот центар бил употребен и солзавец, па лекарска помош побарале и посетителите на центарот. Се пожалиле дека им горат очите и дека имаат проблеми со дишењето.
Полицијата соопшти дека е приведен маж (26), кој е осомничен дека извадил нож и ранил најмалку едно лице.
„Ве уверуваме дека не се работи за напад, немало опасност за граѓаните“, соопштија од полицијата.
Според написите,не се знае зошто дошло до тепачката, ниту точно колку лица се повредени во инцидентот.
Свет
Велика Британија ги повика граѓаните веднаш да го напуштат Либан
Британскиот министер за надворешни работи Дејвид Лами изрази длабока загриженост за зголемените тензии во Либан, повикувајќи ги британските граѓани да ја напуштат земјата.
Во телефонски разговор со либанскиот премиер Наџиб Микати, Лами ја изрази својата длабока загриженост поради растечките тензии и цивилните жртви во Либан.
Британскиот министер за надворешни работи рече дека разговарале за потребата од преговори за изнаоѓање решение за враќање на стабилноста и безбедноста преку Сината линија.
Лами исто така ги повика британските граѓани да го напуштат Либан, наведувајќи ги како причина зголемените тензии во регионот.
„Тензиите се високи и ситуацијата може брзо да се влоши“, напиша Лами на платформата X.
Во вторникот и средата во различни делови на Либан се случија експлозии на пејџери и радио уреди (воки-токи).
Во експлозиите загинаа најмалку 37 лица, а неколку илјади беа повредени.
Либанската влада и Хезболах го обвинија Израел дека го извршил нападот, а Хезболах вети одмазда.