Свет
Првата пратка гориво влезе во Газа, Израел попушти под американски притисок

Првата пратка гориво влезе во Газа откако Израел попушти на притисокот од својот сојузник САД и се согласи да пушти два цистерни со дизел дневно на палестинска територија.
„Оваа одлука ја донесовме за да го спречиме ширењето на епидемијата“, изјави израелскиот советник за национална безбедност Цачи Ханегби.
Израел им порача на Палестинците да ја напуштат северна Газа заради сопствена безбедност, но смртоносните воздушни напади продолжуваат да ги погодуваат централните и јужните области на тесната крајбрежна територија.
Во Газа повеќе од 1,5 милиони луѓе се внатрешно раселени, а поради израелската блокада цивилите се во опасност од глад, предупреди шефицата на Светската програма за храна (WFP), Синди Мекејн.
Повеќе од половина од болниците во Газа веќе не се отворени поради борби, оштетувања или недостиг на лекови, а луѓето чекаат четири до шест часа за половина од вообичаената порција леб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп објави видео со AI: Со круна на главата бомбардира толпа демонстранти со кафеава течност

Откако го помина денот играјќи голф додека неговите сојузници ги омаловажуваа и исмејуваа милионите Американци кои маршираа против неговото владеење, Доналд Трамп објави видео креирано со вештачка интелигенција на социјалната мрежа Truth Social.
Во видеото, тој носи круна, лета во борбен авион со натпис „КРАЛ ТРАМП“ и бомбардира толпа демонстранти со кафеава течност.
Видеото, споделено на личните и владините профили на Трамп, го прикажува како лета над толпа демонстранти на локација што потсетува на Тајмс Сквер. Потоа авионот испушта кафеава течност врз демонстрантите додека песната „Danger Zone“ од Кени Логинс се слуша во позадина, очигледна референца на филмовите „Топ Ган“.
🤣🤣🤣 pic.twitter.com/4eb8BYsKyp
— Rapid Response 47 (@RapidResponse47) October 19, 2025
Пред демонстрациите „Без кралеви“, за кои организаторите проценуваат дека привлекле речиси 7 милиони луѓе низ сите 50 држави, републиканците одговорија со мешавина од хипербола, критики и потсмев.
Претседателот на Претставничкиот дом, Мајк Џонсон, и конгресните републиканци ги нарекоа протестите собири „Ја мразам Америка“. Министерот за транспорт, Шон Дафи, посочи дека учесниците се про-Хамас или платени демонстранти кои дејствуваат во име на Антифа, движење кое администрацијата го означи како домашна терористичка група.
Потпретседателот Џ.Д. Венс сподели видео од вештачка интелигенција на кое Трамп носи круна и наметка, додека Ненси Пелоси и други демократи клекнуваат пред него.
— JD Vance (@jd-vance-1.bsky.social) October 18, 2025 at 9:32 PM
Свет
(Видео) Прекршено примирјето во Газа; Израелска армија: Хамас нè нападна, ние возвративме

Израелските воздухопловни сили извршија напади врз цели на Хамас во Појасот Газа, а првичните извештаи сугерираат дека ескалацијата се случила кратко откако Хамас го прекршил прекинот на огнот со испукување противтенковска ракета кон Израелските одбранбени сили (ИДФ), објави „Ерусалим пост“.
Според извештаите од терен, нападот на Хамас бил директен повод за брзиот одговор на израелската војска. Терористичката организација прва испалила противтенковска ракета, што било протолкувано како јасно кршење на постојниот договор за прекин на огнот. Како одговор, воздухопловните сили на ИДФ ги таргетирале позициите на Хамас во регионот.
BREAKING 🔴
IDF has begun hitting terror positions in Rafah, after Hamas opened fire on IDF troops. Casualties reported on the IDF said. pic.twitter.com/057VlQTjsM
— Open Source Intel (@Osint613) October 19, 2025
Ситуацијата во областа останува напната, а подетални информации за последиците од нападот се очекуваат во текот на денот.
Израелскиот премиер Бенјамин Нетанјаху ќе одржи состанок со министерот за одбрана Израел Кац и началникот на Генералштабот на ИДФ, генерал Ејал Замир, за да разговараат за природата на одговорот на Израел на прекршувањето.
Министерот за национална безбедност Итамар Бен-Гвир по нападот изјави: „Го повикувам премиерот да им наложи на ИДФ целосно да ги продолжат борбите во Појасот Газа со полна сила“.
VIDEO | Israel is bombing Rafah following the killing and injuring of several Israeli soldiers in multiple incidents in the area. pic.twitter.com/ASeMk5hyUs
— The Cradle (@TheCradleMedia) October 19, 2025
„Таканаречената нацистичка терористичка организација мора да биде целосно уништена – и, доколку е можно, што поскоро“.
фото: принтскрин
Европа
Грабеж во Лувр, најпознатиот музеј во светот е затворен

Француската министерка за култура Рашида Дати потврди дека се случил грабеж во музејот Лувр во Париз – еден од најпознатите музеи во светот.
Таа објави на социјалните мрежи:
– Нема повредени. Јас сум на лице место со музејските екипи и полицијата. Истрагата е во тек, рече таа.
Un braquage a eu lieu ce matin à l’ouverture du @MuseeLouvre. Pas de blessés à déplorer. Je suis sur place aux cotés des équipes du musée et de la police. Constatations en cours.
— Rachida Dati ن (@datirachida) October 19, 2025
Инцидентот се случил наутро, по отворањето на музејот. Сè уште не е објавено што точно е украдено, а Лувр е затворен за јавноста цел ден поради „вонредни причини“. Според достапните информации од официјални извори, нема пријавени повредени.
Полицијата и надлежните служби ги истражуваат околностите на грабежот и работат на утврдување на сите детали, а безбедносните мерки се зголемени.
Оваа вест привлече големо внимание на јавноста, бидејќи станува збор за една од клучните културни институции во светот.
фото: принтскрин