Свет
Борел: Човек треба да може да го критикува Израел, без да биде обвинет за антисемитизам
![](https://makfax.com.mk/wp-content/uploads/2023/11/677z381_677z381_borelj-epa-efe-o.m.-nnn-655cad715ffcd.jpg)
Акцијата на Израел треба да може да се критикува без обвинувања за омраза кон Евреите, изјави денеска во Европскиот парламент, Жозеп Борел, шефот за надворешна политика на Европската Унија. Високиот претставник за надворешна политика и безбедност во Парламентот во Стразбур говореше по враќањето од петдневната мисија на Блискиот Исток.
Тој го осуди нападот на Хамас на 7 октомври нарекувајќи го најголемиот масакр врз Евреите од Втората светска војна, но и она што Обединетите нации го прогласија за хуманитарна катастрофа во Појасот Газа.
„Резултатот од блокадата што го спречи доаѓањето на клучните резерви е исто така еден вид масакр“, вели шпанскиот социјалист.
„Човек треба да го признае правото на Израел да се брани, но во исто време да биде огорчен поради тоа што им се случува на палестинските цивили“, рече Борел и нагласи дека политиката на Израел треба да може да се критикува, „без да биде обвинет дека ги мрази Евреите“.
Шефот за надворешна политика на ЕУ рече дека е меѓу првите што се спротивстави на прекинот на снабдувањето со вода и електрична енергија во Појасот Газа, што е кршење на меѓународното право, и му порача на Израел дека на енклавата треба да ѝ се даде пристап до лекови, вклучително и анестетици.
Тој нагласи дека ЕУ е крајно загрижена и за нападите на израелските доселеници врз цивилното палестинско население на окупираниот Западен Брег. Борел рече дека овој конфликт не може да се реши со воени средства и дека Хамас не може да остане на власт во Газа, но и дека не може да има израелска контрола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.