Црна хроника
Гостиварец со нож се повредил себеси, како и мајка си, сестрата и внуката, од полицијата велат дека имал здравствени проблеми
Дваесет и шестгодишен жител на гостиварско село, во семејниот дом, најпрвин со остар предмет, неколкупати се самоповредил по телото, а потоа ги повредил и 50-годишната мајка, 29-годишната сестра и малолетната внука.
Според првичните информации од СВР Тетово, пријавениот имал здравствени проблеми. Сите биле пренесени во гостиварската Општа болница ‘Ферид Мурад’ за укажување лекарска помош и се надвор од животна опасност.
Јавен обвинител и екипа од Секторот за внатрешни работи Тетово О дделение за внатрешни работи Гостивар извршиле комплетен увид.
Се преземаат мерки за целосно расчистување и документирање на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се запали автомобил во двор во охридското село Лакочереј
Вчера во 13.26 часот во СВР Охрид било пријавено дека во двор во село Лакочереј, Охридско, настанал пожар во патничко возило „опел“ со охридски регистарски ознаки, сопственост на Л.С. од Охрид.
Екипа од Територијалната противпожарна единица Охрид го изгаснала пожарот, а повредени лица нема. Увид бил извршен.
Црна хроника
Со автомобил тешко повредил жена во Прилеп и побегнал
Вчера во 18.50 часот во ОВР Прилеп било пријавено дека на ул.„11 Октомври” во Прилеп, патничко возило удрило во пешакот Ж.М.(56) од Прилеп, по што возачот го напуштил местото. Во несреќата со тешки телесни повреди се здобила Ж.М., констатирани во Градската болница Прилеп.
Увид на местото на несреќата извршила увидна екипа од ОВР Прилеп.
Црна хроника
Паднат и со повреди во подземна гаража во Скопје е најден маж од Велика Британија
Во подземна гаража на улица „Анастас Митрев“ бил пронајден паднат и со повреди Х.К.Р.(58) од Велика Британија.
Како што информира денеска МВР, случајот синоќа, во 21:35 часот, бил пријавен во СВР Скопје. Лицето било пренесено во Комплексот клиники „Мајка Тереза“ за укажување помош.
Полицијата презема мерки за расчистување на случајот.