Економија
Стојаноски: ВМРО-ДПМНЕ ќе отпочне со изградба, ќе дозаврши и ќе допроектира над 120 километри автопатна мрежа
Изминативе години не се реализираа никакви капитални инвестиции, особено во инфраструктура, а таа е многу важна за економски рестарт и економски бум кој тимот на ВМРО-ДПМНЕ сериозно го планира и има визија како да го оствари, изјави пратеникот од ВМРО-ДПМНЕ, Бојан Стојаноски на денешната дебата „Платформа за иднина – Економски принципи“ во рамки на кампањата Важно е! Од тебе зависат промените“..
Стојаноски потсети дека од оваа власт лажеа дека направиле 1.500 километри патна мрежа, 500 километри автопатишта, а автопатот од Охрид со Кичево и тој од Скопје до Блаце се споменици на нивната неспособност.
ВМРО-ДПМНЕ ќе го заврши автопатот од Кичево до Охрид кој е споменик на неспособноста на оваа криминална влада која прво лажеше за трасата, па за клучки, ама можеа да склучат анекси кои ја дуплираа проценетата вредност, пари кои се потрошени, а автопатот се уште не е мрднат. Исто така ВМРО-ДПМНЕ ќе го заврши автопатот од Скопје до Блаце кој е околу 15 километри, тие пет години градат 2 километри, потрошија 38 милиони евра, а патот не е мрднат. Ќе почнеме со физичка градба на делницата од Тетово до Гостивар, комплетно нов автопат, ќе продолжиме од Гостивар до Букојчани со што практично ќе се поврзе Гостивар со Кичево преку довршениот автопат Кичево Охрид и потоа од Требеништа, Струга до граничниот излез до Ќафасан, истакна тој.
Стојаноски нагласи дека тоа значи дека од Скопје до Охрид и Струга ќе има комплетно нов автопат кој ќе придонесе за економски развој и посочи дека ќе се работи и во останатиот дел од Македонија.
– Ќе го завршиме и оној автопат кој се најавува сега од Прилеп кон Битола, но ќе почнеме и со проектирање на две нови делници, од Велес преку Чашка до Прилеп како и од излез од Битола од Меџитлија и ќе се заокружи да од Скопје до Грција ќе има комплетно нова автопатска делница. Ќе ги напоменам и трите делници од експресните патишта, од Градско до Прилеп, од Куманово кон Крива Паланка и Струмица кон излезот со Бугарија, изјави Стојаноски.
Стојаноски додаде дека ВМРО-ДПМНЕ ќе ја заврши и пругата до Бугарија, а ќе продолжи и да ги субвенционира евтините летови.
Ќе се модернизира и дигитализира катастарот, ќе се бустира секторот градежништво за 30%. Ќе има 30% повеќе работници, 30% поголема плата и Македонија ќе стане огромно градилиште. ВМРО-ДПМНЕ во мандатот ќе успее да отпочне со изградба, ќе дозаврши и ќе допроектира над 120 километри автопатна мрежа, изјави Стојаноски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Анакиев: Државниот инспекторат за земјоделство на „Денови на кочанскиот ориз“
Денеска директорот на Државниот инспекторат за земјоделство Васе Анакиев, присуствуваше на манифестацијата „Денови на кочанскиот ориз“ во с. Оризари, кочанско, каде што со симболично зажнејување на оваа житна култура официјално се означи почетокот на годинешната жетва на ориз.
Манифестацијата е поддржана од Министерството за земјоделство, шумарство и водостопанство, а е во организација на Општина Кочани.
Од разговорите со земјоделците првичните информации говорат дека ќе има зголемен род, богата жетва и согласно тоа квалитетот ќе биде добар. Инспекторите од ДИЗ ќе бидат постојано на терен и ќе го следат претстојниот откуп, со што се гарантира заштита на производителите.
Во однос на загриженоста на производителите во однос на државните резерви на увозен ориз, според информации на инспекторатот, министерот за земјоделство Трипуновски информираше дека нема простор за загриженост бидејќи во Република Македонија сериозна количина на увозен ориз нема, и онаа количина што е во минимални рамки, се контролира во однос на квалитетот и безбедноста.
Во својата изјава министерот се осврна и на тоа дали домашниот ориз ќе се откупува за стокови резерви при што посочи -„Веќе со заклучок на Влада задолжена е Агенцијата за стокови резерви да ги измени сите правилници, уредби и програми и нормално да се предвидат средства за 2025-та година каде што оризот согласно Законот за стокови резерви ќе се откупува за чување за потребите на државата“.
Економија
Трипуновски од Кочани: Оваа година ќе имаме богата жетва и зголемен принос на ориз
Министерот за земјоделство, шумарство и водостопанство, Цветан Трипуновски денеска присуствуваше на манифестацијата „Денови на кочанскиот ориз“ во с. Оризари, општина Кочани.
„Денес се наоѓаме во Оризари, општина Кочани на манифестацијата „Денови на кочанскиот ориз“, со што започнува и жетвата на оваа култура. Ние како Министерство ја поддржуваме оваа манифестација се со цел да ја продолжиме традицијата и да го афирмираме постоењето на оваа битна житна култура за нас како држава“, истакна министерот Трипуновски.
„Се надевам дека ќе имаме успешна жетва и дека ќе имаме богат род и квалитетен ориз од реколта 2024 година“, посочи Трипуновски.
Во својата се изјава министерот се осврна и на тоа дали домашниот ориз ќе се откупува за стокови резерви при што посочи -„Веќе со заклучок на Влада задолжена е Агенцијата за стокови резерви да ги измени сите правилници, уредби и програми и нормално да се предвидат средства за 2025-та година каде што оризот согласно Законот за стокови резерви ќе се откупува за чување за потребите на државата“.
Тој додаде дека од разговорите со земјоделците првичните информации говорат дека ќе има зголемен род, богата жетва и согласно тоа квалитетот ќе биде добар.
„Првичните информации говорат дека и рандманот ќе е исто така висок, што значи дека ќе имаме богата жетва и ќе имаме зголемен принос на ориз. И квалитетот ќе биде многу подобар од претходните години“, истакна министерот Трипуновски.
„Согласно информациите кои што ги добив од Државниот земјоделски инспекторат во Република Македонија сериозна количина на увозен ориз нема, и онаа количина што е во минимални рамки, морам да кажам дека ја контролираме согласно квалитетот и безбедноста да биде запазена. Меѓутоа она што е наш приоритет како Влада е да работиме и работиме во интерес на земјоделците се со цел да го заштитиме домашното производство“, посочи тој.
Министерот укажа дека останатата количина на ориз од минатата реколта е во многу помала количина. И во разговор со компаниите веќе започнаа да го откупуваат и ланскиот ориз.
„Работиме земјоделците да имаат откупена количина на ориз по рентабилна цена која што ќе значи стимул за наредниот период да се произведува. Ние како Министерство и како Влада ќе го следиме процесот. Нормално ќе го следиме и во делот на откупот од страна на компаниите дали се почитуваат сите законски норми се со цел да нема злоупотреба и манипулација на трудот на земјоделците од овој регион“, нагласи Трипуновски.
Економија
(Видео) „Продолжуваме со засилено темпо на работа“ – Николоски објави снимка од реконструкцијата на автопатот Тетово-Скопје
Заменик претседателот на Владата и министер за транспорт Александар Николоски на својот фејсбук профил објави видео од реконструкција на автопатската делница Скопје-Тетово.
Тој на својот профил објави:
„Продолжуваме со засилено темпо на работа. Видео од реконструкцијата на автопатот Тетово – Скопје на делот пред Скопје, проект на Јавното претпријатие за државни патишта. Ќе ја направиме Македонија поубаво место за живеење.”- објави министерот Николоски.
Инвестицијата е вредна 9,1 милиони евра.