Свет
Мистерија нерешена 14 години: го избришал своето минато, а потоа бил пронајден мртов
Во јуни 2009 година, човек по име Питер Бергман беше пронајден мртов на плажа во Ирска.Слаб маж облечен во црно се качи на автобус за Слајго, мал крајбрежен град недалеку од ирската граница. Три дена подоцна, по викенд поминат сам, овој човек бил пронајден мртов.
Најраниот познат момент од патувањето на овој човек е во Дери, Северна Ирска, каде што се качил во попладневниот автобус кој патувал кон границата, до градот Слајго. Пристигнал во 18 часот и 28 минути, викнал такси за да го однесе до центарот на градот. Ова е приказна за човек кој успеал да го избрише своето минато, пред да биде пронајден мртов, објавена на „Vice.com“.
Тој пристигнал во градот во петокот вечерта, во екот на тамошната туристичка сезона. Така што во првиот хотел во кој влегол немало место. Имал подобра среќа во хотелот Слајго Сити, каде резервирал три ноќевања. Тој ја дал својата адреса како Ајнштетен 15, 4472, Виена, Австрија, што одговарало на неговиот германски акцент. Од хотелот не му побарале лични документи.
Следниот ден поминал без поголеми инциденти. Бергман отишол во поштата во 10:49 часот, купил осум поштенски марки и уште неколку налепници. Купил и некои работи низ градот, а потоа се враќал во хотелот каде што ручал и повремено излегувал на цигара. Цело време бил сам.
Во неделата, рано попладне, тој тргнал од хотелот кон единствената такси станица во градот. Побарал возач да го однесе на мирна плажа каде што може да плива. Го однел на островот Роуз Поинт, познат по импресивниот и прекрасен поглед. Местото е на 15 минути возење од градот. Кога излегол од автомобилот, изгледал задоволен од она што го видел. Но наместо да се избања, тој побарал од таксистот веднаш да го врати назад. Остатокот од неделата ја поминал во градот.

Околу 13 часот во понеделник, 15 јуни, Питер Бергман се одјавил од хотелот и го вратил клучот на рецепцијата. Излегол со неколку работи, имал виолетова чанта и нешто што личело на црн куфер. На автобуската постојка ги извади хартиите од џебот, прочитал што пишува и потоа ги искинал и ги фрлил во корпата за отпадоци. Со автобусот во кој се качил повторбно стигнал до Роуз Поинт. Подоцна било утврдено дека дури 16 луѓе го виделе Бергман на плажата. Не се ни обидел да се скрие. Напротив, се поздравувал со непознати луѓе кои ги среќавал, се сеќаваат дека бил свечено облечен.
Следното утро, еден локален човек џогирал со својот син на плажата околу шест часа. Тие први го пронашле телото на овој средовечен маж како безживотно лежи на плажата. Дури тогаш почнува вистинската мистерија за тоа кој е тој.
Новинарот на „Вајс“ Франциско Гарсија, 10 години по неговата смрт, отишол во мало гратче на границата меѓу Ирска и Северна Ирска, за да се обиде да дознае што повеќе и лично да ги посети локациите каде се преселил овој човек.
Телото на Питер Бергман било однесено во ладилник, облеката му била расфрлана на брегот. Џебовите биле празни, немал пари, паричник, немал документи. Утврдено е дека се удавил, но немало знаци на борба. Забите му биле во добра состојба, недостигале неколку пломби. Сепак, неговото тело привлече внимание поради исклучително лошата состојба.
Откриено е дека имал рак на простата во напредна фаза, а имал и неколку тумори на коските. Преживеал неколку срцеви удари, му недостасувал еден бубрег. И покрај сите овие дијагнози, токсиколошкиот извештај покажал дека во неговото тело немало лекови.

Откако неговото тело било медицински обработено, се покажало дека властите не можат да го поврзат со неговиот идентитет. Инспекторите сфатиле дека немаат никакви документи за идентификација, ниту други предмети, дури и ознаките од неговата облека биле исечени со ножици.
На адресата што ја приложил до хотелот, има зграда во Австрија, иако таму не е евидентиран Питер Бергман. Писмата што ги испраќал во поштата во Слајго никогаш не биле пронајдени.
Како што минувале деновите, мистеријата само се зголемувала, случајот станал нешто што локалната полиција никогаш не го сретнала. Последните денови на Питер Бергман се споени од фрагменти снимени на снимките од CCTV низ градот Слајго.
Човекот секој ден го напуштал хотелот со својата виолетова чанта. Кадата била полна кога заминувал и празна кога се враќал. Што направил во меѓувреме до денес не е познато. Изгледало како да ги фрла своите работи во различни корпи низ градот, па внимавал да не го фатат надзорните камери.
Човекот наречен „Питер Бергман“ не е идентификуван до ден-денес, за неговиот случај е снимен документарен филм „Последните денови на Питер Бергман“ од 2013 година, а тој е тема на многу мистериозни серии, како и теории за Интернет.
– Се чини дека има некоја цел во ова. Сè што правеше овој човек изгледаше како да е дизајнирано, од отстранување на ознаките од облеката до сè друго. Прашањето што мора да го поставиме е: зошто Слајго? Ако сакаше импресивно место за умирање, можеше да избере каде било на западниот брег на Ирска, па дури и Шкотска.

„Нешто го донесе овде, иако не можеме со сигурност да кажеме што точно“, рече Реј Молдеринг, третиот инспектор на Ирската гарда кој работи на случајот.
Детективот објаснил дека тие поминале многу часови и ноќи работејќи за да ги добијат овие информации. Имаат ДНК, облека и останки на мажот, но не и неговиот идентитет. Сега им останува само да чекаат.
Вообичаено, во случаи на исчезнати лица, ожалостените роднини излегуваат во јавност. Некој бара некого, во случајот со Питер Бергман нема никој, има само адвокати, минувачи кои го виделе и се сетиле на него, таксисти, хотелски работници.
Приказната на Питер Бергман изгледа неверојатно токму поради фактот што успеал да го сокрие својот идентитет. Во денешно време на дигитални отпечатоци од прсти, камери за надзор, кога се чини невозможно да се избега, се чини дека успеал. Неизбежно е неговиот крај да бил негов избор, да го режирал, да го избрал – од псевдонимот, до местото и времето на смртта. Можеби тоа го направил поради смртна болест, можеби е нешто сосема друго..
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
По повеќе од 400 години данската пошта прекинува со достава на писма
Данската пошта денеска соопшти дека на 30 декември ќе ја изврши последната достава на писма, со што се завршува традицијата долга повеќе од 400 години, која датира уште од 1624 година.
Причината за потегот е тоа што во текот на последните 25 години испраќањето писма драстично опадна – за повеќе од 90 отсто.
„PostNord“, компанијата која настана со спојување на шведската и данската пошта во 2009 година, претходно соопшти дека ќе укине 1.500 работни места во Данска и ќе отстрани 1.500 поштенски сандачиња, со оглед на тоа што побарувачката за писма драстично опадна, додека онлајн купувањето продолжува да расте. Оваа компанија, која и понатаму ќе доставува писма во Шведска, нагласи дека во Данска на нејзино место доставата ќе ја преземе компанијата „Dao“, која веќе врши достава на писма и која планира да ги прошири своите услуги од 1 јануари.
Меѓутоа, истражувањата покажуваат дека меѓу младите доаѓа до повторен пораст на пишувањето писма. Истражувањето на „Dao“ покажа дека лицата на возраст меѓу 18 и 34 години испраќаат два до трипати повеќе писма отколку другите возрасни групи, а истражувачот на трендови Мадс Арлиен-Соборг верува дека младите се свртуваат кон пишувањето писма како „противтежа на дигиталната преоптовареност“.
Според данскиот закон, мора да постои можност за испраќање писма, што значи дека доколку „Dao“ одлучи да ја прекине доставата, владата би била обврзана да именува друга компанија за таа задача.
Законот за дигитален идентитет, „MitID“, се користи за сè – од онлајн банкарство до закажување прегледи кај доктор, а поголемиот дел од официјалните комуникации се испраќаат преку дигитална пошта наместо со обична пошта.
Денес 97 отсто од данската популација постара од 15 години е регистрирана во „MitID“, додека само пет отсто одлучиле да се откажат од дигиталната пошта.
– Бевме данска пошта 400 години и затоа ова е тешка одлука, но Данска стана сè подигитална, што значи дека денес речиси и да нема писма. Со оглед на падот на побарувачката, пазарот на писма повеќе не е профитабилен, изјави заменикот извршен директор на „ПостНорд Данска“, Ким Петерсен.
Свет
Странски турист испадна од кабина на жичницата на планината Дурмитор во Црна Гора
Еден странски турист загина, а тројца се спасени во несреќа на жичницата на планината Дурмитор во Црна Гора. Тамошните медиуми објавија дека двајца германски државјани испаднале од својата кабина, од кои еден починал, додека неговата сопруга е тешко повредена.
По неколкучасовниот прекин на работата на жичницата поради несреќата, спасени се тројца странски туристи кои беа заглавени на стрмниот и непристапен дел на скијалиштето на Дурмитор. Тие беа заглавени во горниот дел на жичницата, каде што температурите се пониски.
Црногорските медиуми објавија дека несреќата се случила откако жичницата поради дефект тргнала наназад, при што двајцата Германци испаднале од кабината.
Свет
Поради зимата во Газа умираат бебиња и деца, повик до Израел да дозволи помош
Организацијата „Лекари без граници“ (Médecins Sans Frontières – MSF) вчера предупреди дека бебиња и деца во Појасот Газа умираат од студ поради тешките зимски услови и го повика Израел да ја ублажи блокадата на хуманитарната помош, додека, како што наведуваат, воените дејствија продолжуваат и покрај примирјето.
МСФ соопшти дека во јужниот дел на Газа, во Кан Јунис, од тешка хипотермија починало прерано родено бебе на 29 дена, истакнувајќи дека зимата во комбинација со исклучително лошите животни услови значително ги зголемува здравствените ризици, пренесе Ал Џезира.
Според податоците на Министерството за здравство на Газа, бројот на смртни случаи поради екстремните временски услови достигнал 13, додека претходно оваа недела од студ починало и двонеделно бебе поради недостаиг на соодветно засолниште и облека.
Шефот на педијатриско-акушерското одделение во Медицинскиот комплекс „Насер“ Ахмед ал-Фара предупреди дека хипотермијата е исклучително опасна за новороденчињата и дека доколку на семејствата во шаторите не им се обезбедат средства за греење и соодветно сместување, бројот на смртни случаи ќе расте.
МСФ наведува дека бележи висок пораст на респираторни инфекции, кои во текот на зимата би можеле дополнително да се шират, особено загрозувајќи ги децата под пет години.
Во последните недели Газа се соочува со обилни врнежи, силни ветрови и ниски температури, при што повеќе од 53.000 шатори, кои служат како привремено сместување за раселените лица, се оштетени или уништени.
Поради уништената инфраструктура, улиците брзо се поплавуваат, а канализацијата се излева, додека семејствата се принудени да се засолнат во делумно урнати објекти.
Обединетите нации наведуваат дека Израел и натаму спречува испорака на шатори, ќебиња и други основни потреби, додека околу 55.000 семејства претрпеле штета за време на невреме, а оштетени се и просторите наменети за деца, што погодило околу 30.000 деца.
Организацијата „Refugees International“ оцени дека хуманитарната помош во Газа пристигнува во минимални количини, делумно поради списокот на „контролирани предмети“, кој, според наводите, вклучува и основни потреби како пелени, завои и шатори.

