Приведена е радовишанка, којаштов возела под дејство на алкохол, предизвикала сообраќајна несреќа и го напуштила местото на настанот, соопшти МВР.

Се работи за 19-годишна ддевојка Т.К., која на улицата Самоилова во Радовиш, управувајќи автомобил предизвикала сообраќајна несреќа и го напуштила местото на настанот, а по преземени мерки било утврдено дека возилото го управувала под дејство на алкохол, односно дека има 2.23 промили во крвта.

По документирање на случајот, против неа ќе биде поднесена пријава за безобѕирно управување со моторно возило.

Велосипедист од Охрид се здоби со тешки повреди, во сообраќајка што се случи вчера на улицата „Партизанска“ во Охрид.

Во несреќата учествувале „бмв“ со охридски регистарски ознаки, управувано од Ф.Ч.(22)  од селото Горенци, општина Дебрца и велосипед, управуван од С.Ф.(59) од Охрид.

Во несреќата со тешки телесни повреди се здобил велосипедистот, констатирани во Специјалната болница „Св.Еразмо“ во Охрид.

Извршен е увид.

Вчера во 01.10 часот во Струмица полициски службеници од СВР Струмица го лишиле од слобода 18-годишниот Ф.В. од село Добрејци, струмичко.

При преглед кај него била пронајдена марихуана, а потоа, врз основа на судска наредба, бил извршен и претрес во неговиот дом, при што во дворното место биле пронајдени 19 стебла канабис.

Лицето е задржано во Полициската станица Струмица, а за настанот е запознаен јавен обвинител од Основното јавно обвинителство Струмица. По целосно документирање на случајот, против Ф.В. ќе биде поднесена соодветна пријава.