Економија
ДПМНЕ фатени како ги лажат пензионерите, со нив нема поголеми пензии за 5.000 денари, вели СДСМ

ДПМНЕ самите се фатија како сакаат да ги лажат пензионерите, велат од СДСМ
„Потпретседателката на ДПМНЕ, Гордана Димитриевска Кочовска, јавно на телевизија го повлече нивното ветување за зголемување на пензиите за 5.000 денари и додаде дека се однесувало на неколку наврати, па дури и на десет рати од по 500 денари.
Јасно беше уште кога го изнесоа ова лажно ветување, со ДПМНЕ нема поголеми пензии за 5.000 денари, сега само потврдија.
Пензионерите знаат дека покачувања на пензиите има со СДСМ и дека пензиите ќе продолжат да растат само со СДСМ. Вистински и реално. СДСМ веќе ги има зголемено пензиите и тоа за над 5.000 денари.
Во споредба со времето на ДПМНЕ, СДСМ за 50% ја зголеми минимална пензија и за 50% ја зголеми просечна пензија.
Во бројки, во време на ДПМНЕ просечната пензија изнесувала 13.754 денари, или нешто над 200 евра. Во март оваа 2023 година, просечната пензија е покачена на околу 20.000 денари, што е зголемување од околу 6.000 денари, односно 100 евра.
Минималната пензија, којашто во 2016 година во време на ДПМНЕ беше 9.000 денари, денес е 13.200 денари. Односно, оттогаш до денес е покачена за над 4.000 денари.
За пензионерите со пониски пензии полесно да ги поминат зимските месеци, со повеќе пари во семејните буџети, антикризните мерки предивидуваат примателите на пензија до 14.000 денари да добијат финансиска поддршка од 15.000 денари за 5 месеци, по 3.000 денари месечно.
Пензионерите со пензии од 14.001 денари до 16.000 денари ќе добиваат финансиска поддршка од 2.000 денари месечно, за период од 5 месеци и примателите на пензија од 16.001 до 19.000 денари ќе добиваат финансиска поддршка од 1.500 денари месено во наредните 5 месеци. Ете тоа е вистинска грижа за пензионерите.
СДСМ обезбедува постојан, континуиран раст на пензиите за сите 336.000 пензионери и пензиите само со СДСМ можат да продолжат да растат, реално, издржано и значително“, пишуваат од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Мицкоски: Гасоводот кон Грција е отпочнат да се гради

Гасоводот кон Грција е отпочнат да се гради, вели претседателот на Владата Христијан Мицкоски. Тој истакна дека затекнале проект којшто 7 години не бил поместен од место.
„Како Влада затекнавме еден проект којшто седум години не беше поместен од место и кога беше извршена некаква евалуација тогаш заемодавателите одлучија да го прекинат поради тоа што претходната влада на СДСМ и ДУИ креирала спецификација таква каква што не одговара на критериумите коишто ги даваат заемодавателите. На брза трака го ставивме тој проект, го корегиравме со новото раководство на „Нома гас“, тендерската документација се доврши, се потпиша договор со фирма изведувач и во моментот траат градежните активности.
Се надевам многу скоро од денес сите заедно ќе појдеме на лице место и да се радуваме на уште еден проект којшто е многу значаен за сите нас. Бидејќи прво е двосмерен, не е едносмерен како цевководот којшто доаѓа од Бугарија, во Жидилово – Крива Паланка, овој е двосмерен. И доколку, а се надевам многу скоро ќе отпочне градбата на северниот интерконектор со Србија, тогаш како држава сме на мапата на транзит на гас и многу значајна за транзит на гас од југот, односно од терминалот Александрополи или пак од другите земји извонзички на гас, Азербеџан, Катар итн. кон централна Европа. И ние како држава добиваме на исклучително гео-стратешко значење. Тоа е една од моите лични цели коишто во овој мандат, во овие четири години очекувам да ја завршиме.“, дециден е Мицкоски.
Економија
Прима изненадува со најголем салон за мебел во Македонија

12.6.2025 година е денот кога ќе се случи ексклузивното отворање на најновиот салон на Прима во GОDI Retail Park Mall на ул. Перо Наков, бр. 108, во населбата Гази Баба. Една од екслузивностите на овој простор е што ова е досега најголемиот салон за мебел во Македонија кој се простира на 4000 м2 каде што ќе ве пречекаат најновите колекции на мебел дизајниран и изработен во Хрватска како и многубројни изненадувања, попусти и подароци.
За овој настан Прима на првите 50 посетители ќе им подари ваучери за идните купувања во вредност од 50 евра, а и на првите 100 купувачи ваучери во вредност од 50 евра.
Прима веќе долги години е водечки бренд на овие простори со сопствен дизајн и производство на мебел. Големиот број салони го докажуваат она во кое сите вработени на Прима силно веруваат – дека само вистинскиот квалитет и одличниот дизајн може да биде препознаен од многумина. Прима е фирма во која идеите на дизајнерските тимови го добиваат својот конечен изглед во фабриките, а мебелот се изработува со внимание и од квалитетни материјали. Во Прима веруваат дека темелот на успехот лежи во вработените, во нивниот постојан личен и професионален развој, на следењето на светските трендови во дизајнот и навремениот пласман во продажните места и домовите на клиентите.
Во новоотворениот салон на Прима сите клиенти, ќе можат да ја видат најновата колекција кујни и гарнитури и декорации, како и да ја добијат услугата Дизајн на ентериер со 3Д-рендер, од страна на дизајнерски тим. За време на свеченото отворање, сите заедно ќе уживаат во вкусните закуски што ќе ги подготвува шефот Марк де Јонг.
Со ова Прима уште еднаш ја докажува својата вредност и покажува зошто е меѓу најпопуларните брендови за мебел на овие простори. Ве очекуваме!
ПР
Економија
„Соработка за економски напредок“: средба меѓу гувернерот на Народната банка и претседателот на Стопанската комора

Во духот на заедничката определба за поттикнување на економскиот развој и за зајакнување на институционалната соработка, во Народната банка денес се одржа средба меѓу гувернерот Трајко Славески и претседателот на Стопанската комора на Северна Македонија, Бранко Азески.
На средбата беше нагласена важноста на постојаниот дијалог помеѓу носителите на економската политика и бизнис-заедницата, особено во контекст на актуелните светски и регионални економски предизвици. Претседателот Азески истакна дека Комората е подготвена за понатамошна активна соработка со Народната банка, изразувајќи поддршка за професионалноста и кредибилитетот што гувернерот Славески ги носи на оваа позиција, известува Народната банка.
Во разговорот беа отворени теми поврзани со монетарната политика, финансиската стабилност, пристапот до финансии за стопанството, како и улогата на Народната банка во создавањето поволно деловно опкружување. Двете страни се согласија дека со заемна отвореност и координација може да се придонесе за поефикасно исполнување на стратегиските економски цели на земјата.
Гувернерот Славески ја истакна заложбата на Народната банка за транспарентност, предвидливост и поддршка на стабилноста, како предуслов за одржлив раст. Тој упати благодарност за поддршката и изрази задоволство од иницијативите на Комората за продлабочување на комуникацијата со институциите од финансискиот сектор.
Средбата заврши во конструктивен дух, со договор за засилување на соработката преку редовни консултации и размена на анализи и мислења од заеднички интерес, се наведува во соопштението од Народната банка.