Свет
Зеленски во Вашингтон: Се надевам дека Украина може да смета на помошта од САД
Украинскиот претседател, Володимир Зеленски, изјави денеска на американскиот Национален одбранбен универзитет дека се надева дека сè уште може да смета на Соединетите држави, започнувајќи ја клучната посета на Вашингтон поради прашањата за виталната американска безбедносна помош.
„Нема да се откажеме. Знаеме што треба да направиме и можете да сметате на Украина и се надеваме дека ќе можеме да сметаме на вас во иста мера“, рече Зеленски во своето обраќање на Универзитетот за национална одбрана на САД.
Администрацијата на американскиот претседател Џо Бајден го предупреди Конгресот дека необновувањето на воената помош за Украина може да ја преврти речиси двегодишната војна во корист на Русија, создавајќи закани за националната безбедност за Западот.
Зеленски е поканет утре на средби во Белата куќа и со конгресмени. Многу републикански пратеници го доведоа во прашање продолжувањето на помошта за Украина.
Американскиот секретар за одбрана Лојд Остин предупреди дека Путин се уште се надева дека ќе постигне победа во Украина. Остин, исто така, понуди гаранции за непоколеблива американска поддршка за земјата.
„И покрај неговите злосторства и покрај неговата изолација, Путин сè уште верува дека може да ја надживее Украина и да ја надживее Америка. Но, тој греши“, рече Остин.
„Американските обврски мора да се почитуваат“, додаде тој, очигледно апелирајќи до Конгресот.
Конгресот одобри повеќе од 110 милијарди долари за Украина од руската инвазија во февруари 2022 година, но не одобри никакви средства откако републиканците го презедоа Претставничкиот дом од демократите во јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.
Свет
Трамп: Ако загубам во ноември, Евреите ќе изгубат многу
Поранешниот американски претседател и републикански кандидат на претстојните претседателски избори, Доналд Трамп, на настан во Вашингтон, чија цел е борба против антисемитизмот, изјави дека ако загуби во ноември, „Евреите ќе изгубат многу“.
„Нема смисла“, рече Трамп за Евреите кои гласаа за потпретседателката на САД и демократска кандидатка Камала Харис, објави Политико.
Трамп рече дека секој Евреин што гласа за неа треба да ја прегледа главата.