Црна хроника
Со комбе прегазен 87-годишен пешак во Старо Нагоричане
Вчера, на магистралниот пат Куманово – Крива Паланка, на мост од реката Пчиња, атар на селото Војник, општина Старо Нагоричане, товарно моторно возило „фолксваген“, со скопски регистарски ознаки, управувано од Р. Т. (65) од с. Петралица, општина Ранковце, удрило во В. Т. (87) од с.Војник.
Во несреќата пешакот добил тешки телесни повреди, констатирани во Општата болница во Куманово.
Извршен бил увид од екипа на СВР Куманово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Двајца мажи ги натепале сопругите, друг демнел жена, а четврт се расправал со поранешната девојка и пукал во воздух – МВР со детали
Тепање, демнење, пукање. Вакви случаи го преплавија полицискиот билтен на МВР.
„На 03.06.2023 во 22.20 часот во СВР Скопје, 68 – годишна жена од скопско село пријавила дека околу 17.00 часот во домот била физички нападната од својот сопруг З.С.(72), кој употребил и тврд предмет. По целосно документирање на случајот ќе следува соодветен поднесок“.
„Надворешната канцеларија за криминалистички работи Гостивар поднесе кривична пријава против А.А.(32) од Гостивар поради постоење основи на сомнение за сторено кривично дело „телесна повреда при вршење семејно насилство“. На 26.04.2024, пријавениот физички ја нападнал неговата поранешна 30 – годишна сопруга и ѝ нанел повреди“.
„СВР Скопје поднесе кривична пријава против Ш.К. (22) од Скопје поради постоење основи на сомнение за сторено кривично дело „предизвикување општа опасност“. На 23.06.2023 во с.Арачиново, скопско, по претходна расправија со неговата поранешна девојка, пријавениот испукал два куршуми од огнено оружје во воздух“.
„СВР Битола поднесе кривична пријава против А.Ј. од Прилеп поради постоење основи на сомнение за сторени кривични дела „демнење“ и „загрозување на сигурноста“. Пријавениот одреден период следел, вознемирувал и упатувал закани кон женско лице и нејзините родители“, информира МВР во билтенот.
Црна хроника
Скопјанец со вратата од автомобилот удрил во маж во инвалидска количка, тешко е повреден
Вчера на булеварот Крсте Мисирков во Скопје, пред надвозник од пешачкиот мост, при отворање на врата од патничко возило „хонда“ со скопски регистарски ознаки, управувано од С.А.(27) од Скопје, била удрена инвалидска количка управувана од М.Ш.(57) од Скопје.
Притоа, со тешки телесни повреди се здобил М.Ш., констатирани во Градска општа болница „8 Септември“.
Извршен бил увид.
Црна хроника
Фатени двајца измамници кои земале пари од луѓе за наводни сообраќајни несреќи
Полицијата приведе две лица кои се сомничат дека измамимле жена да им даде пари за наводна несреќа што ја предизвикала нејзината ќерка.
„На 02.06.2024 во 20.00 часот, полициски службеници од СВР Куманово го лишиле од слобода И.Ф.(52) од Куманово, додека на 03.06.2024 на Граничен премин Табановце бил задржан С.Ш.(57) од Штип. Тие се сомничат дека на 01.06.2024 измамиле 79 – годишна жена од Куманово за сума од 100.000 денари. Тие ѝ се јавиле на телефон и претставувајќи се како вработени во полиција и ги побарале парите за да помогнат нејзината ќерка да не оди во затвор за наводна сообраќајна несреќа во која учествувала, а во која настрадало дете“, објави МВР.
Лицата биле приведени во полициска станица и по целосно документирање на случајот против нив ќе следуваат соодветни пријави.