Македонија
ЕУ претстави важен план за Западен Балкан вреден милијарди евра, се состои од четири столба
Иднината на Западен Балкан е во Европската Унија и овие земји треба постепено да се интегрираат за да ги почувствуваат придобивките од членството уште пред и официјално да станат членки, изјави синоќа претседателот на Европскиот совет, Шарл Мишел.
„Состанокот на самитот беше можност да се потврди дека иднината на Западен Балкан е во Европската Унија“, изјави Мишел по самитот на 27 членки на ЕУ и шест земји од Западен Балкан.
Тој ја потенцира важноста од постепена интеграција на тие земји во одредени секторски политики за што побргу да се почувствуваат придобивките од членството, а не само кога ќе заврши целиот процес и кога тие официјално ќе станат членки. Како помош за постепена интеграција Европската комисија претстави план за раст на Западен Балкан вреден шест милијарди евра.
Претседателката на Комисијата, Урсула фон дер Лајен, рече дека планот се состои од четири столба.
Првиот е отворањето на европскиот внатрешен пазар за земјите од регионот во седум области, како што се царинската политика, транспортот и роамингот.
Вториот столб предвидува формирање заеднички регионален пазар, кој би можел да го зголеми домашниот бруто-производ на регионот за десет проценти.
Во третиот столб се очекува земјите од регионот да усвојат соодветни реформи, кои ќе обезбедат еднакви услови за сите.
Четвртиот столб се инвестициите, објасни Фон дер Лајен.
Во Европската Унија ја нагласуваат важноста земјите од Западен Балкан да се усогласат со заедничката надворешна и безбедносна политика на ЕУ, вклучително и воведувањето санкции против Русија.
Лидерите на 27-те земји членки го почнаа својот дводневен самит, на кој главни теми се проширувањето и преиспитувањето на повеќегодишниот буџет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Денеска без струја делови од Аеродром, Сопиште и Зелениково
Поради планирани прекини во електро снабдувањето денеска, без електрична енергија ќе бидат следните корисници:
– Во период од 09.00 до 15.00 часот дел од корисниците во Тоар, Ново Село, Градовци, Гумалево, Орешани, Смесница, Тисовица, Дејковци, Добрино, Пакошево. (општина Зелениково)
– Во период од 09.00 до 12.00 часот дел од корисниците од село Горно Соње (кај црквата) (општина Сопиште).
– Во период од 09.00 до 14.00 часот во Поликлиника Јане Сандански (општина Аеродром)
Македонија
Времен прекин на вода за жителите на улицата Васил Стефановски 16 во Скопје
Од ЈП Водовод и канализација – Скопје, изветсуваат дека денеска поради изведување на водоводен приклучок ф-80 мм на ул. Васил Стефановски 16, прекинато водоснабдување ќе имаат корисниците на дел од истата улица.
Водоснабдувањето ќе биде прекинато од 09:00 часот до завршување со работните активности, информираат надлежните.
Македонија
Променливо облачно време со сончеви периоди
Времето ќе биде променливо облачно со сончеви периоди. Наместа ќе има услови за слаб локален дожд. Ќе дува слаб до умерен ветер од јужен правец. Минималната температура ќе биде во интервал од 2 до 13, а максималната ќе достигне од 16 до 20 степени.
Во Скопје променливо облачно со сончеви периоди. Ќе дува слаб до умерен ветер од југоисточен правец. Минималната температура ќе се спушти до 8, а максималната ќе достигне до 20 степени.
Во деновите од викендот ќе се задржи променливо облачно и посвежо време со услови за слаб локален дожд. Потоа следува период на стабилно и тивко време со ниски утрински температури. По одделни котлини ќе има услови за појава на утринска магла.