Македонија
(Видео) Ковачевски: Процесот за влез во ЕУ ќе го завршиме успешно, немаме друга алтернатива
![](https://makfax.com.mk/wp-content/uploads/2023/12/kovacevski-2.jpg)
Претседателот на Владата на Република Северна Македонија, Димитар Ковачевски денеска учествуваше и се обрати на настанот „Геополитичко проширување на ЕУ: Нови можности, стари ризици?“ во рамки на проектот „Ревидиран процес на проширување на Европската Унија: нов геополитички контекст, нови можности, исти ризици“ во организација на Фондацијата „Фридрих Еберт“ – канцеларија Скопје и ПолитикУм – Институт за одржливи и иновативни политики.
Во своето обраќање, премиерот Ковачевски се осврна на Самитот ЕУ-Западен Балкан и заклучоците на Европскиот совет.
„Никогаш не сме имале појасен заклучок на Европскиот совет од овој што го имавме сега. Заклучокот беше еден параграф во кој што заклучок стоеше дека Северна Македонија успешно го заврши процесот на скрининг, останува да ја заврши својата обврска за изгласување на уставните амандмани и без одлагање и без дополнителна одлука Европскиот совет ја закажува втората меѓувладина конференција на која што се отвораат сите поглавја“, рече премиерот Ковачевски на настанот.
При тоа, премиерот Ковачевски потенцираше дека со скринингот се покажало дека сме на линија на европските институции и со европските земји.
„Но, проблемот е што некој заради личен политички профит, заради лична политичка агенда сакаше да ја повтори 2008 година и ја повтори 2008 година. Некој да каже која е алтернативата, не кажуваат, не постои. Од аспект како понатаму прво ние не треба да бидеме дефетисти воопшто бидејќи овој процес не е завршен и овој процес ќе продолжи и ќе заврши успешно. Ќе заврши успешно бидејќи нема друга алтернатива. Второ, геополитичкиот момент е таков да ЕУ конечно сфати дека не може да напредува ако не се проширува“, нагласи премиерот, додавајќи дека во одредени области сме подобри и од некои земји членки на ЕУ.
Во своето обраќање, премиерот Ковачевски зборуваше и за економските постигнувања по 11 години стагнација.
„Денес земја членка на НАТО, земја што претседава со ОБСЕ, земја која преговара со ЕУ, сме го завршиле скринингот, сега треба да ги отвориме поглавјата. Пензиите се 50% покачени, и просечната и минималната плата 100% е покачена. Бројот на невработени е 13%, идната година ќе биде 11%“, изјави премиерот, нагласувајќи дека нашиот следен чекор треба да е изгласувањето на уставните амандмани во Собранието во овој парламентарен состав.
„Ние сме виделе како изгледа чекање, 17 години чекање, што донесе-ништо не донесе. Затоа, пратениците имаат обврска без разлика од која политичка партија без разлика од која политичка провиниенција се, лево, десно, центар, да донесат одлука за иднината на овие граѓани. Доста децата одеа во ЕУ да работат, треба тука да си работат“, порача премиерот Ковачевски на крајот од неговото обраќање на денешниот настан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Битиќи: ВМРО-ДПМНЕ ги потврди добрите политики на СДСМ кои доведоа до намалување на маржата на цената на струјата
![](https://makfax.com.mk/wp-content/uploads/2023/12/14122023_Bitikji_FITR_1.jpg)
„Новата Влада на ВМРО-ДПМЕ уште еднаш ги потврди добрите политики на владата предводена од СДСМ, а тоа е во насока на заштита на интересите на граѓаните“, рече пратеникот од СДСМ Фатмир Битиќи, образложувајќи го ставот на пратеничката група на СДСМ за поддршка на Предлог на закон за дополнување на Законот за енергетика, кој по скратена постапка беше денес усвоен во Собранието.
Битиќи нагласи дека измените кои денеска се предлагаат се последица на успешната тендерска постапка за избор на Универзален снабдувач, која заврши пред неполн месец дена, а на која што беше избрана ЕВН Хоме.
„Тоа што е ново е дека постигнавме да ја намалиме маржата која универзалниот снабдувач ја аплицира кон крајните корисници од 11,5% на 9,9%. Ова е една од најниските маржи досега аплицирани кон крајните корисници и сметаме дека ова е нешто на кое сите треба да се гордееме“, рече Битиќи.
Образложувајќи го ставот на пратеничката група на СДСМ, Битиќи појасни дека со овие законски измени се овозможува аплицирањето на намалената маржа кон крајните корисници да стапи на сила веднаш, пред Регулаторната комисија за енергетика (РКЕ) да ја донесе одлуката за цената на струјата од 1 јули до крајот на годината.
Зборувајќи за законските измени, Битиќи образложи дека една од причините за поддршка од пратеничката група на СДСМ е тоа што со истите се предвидува производителот на електрична енергија со најголем инсталиран капацитет на Универзалниот снабдувач да му понуди на продажна во 2024 година 40% од вкупните годишни потреби на снабдувачот.
„Тоа значи дека ЕСМ, која што се пријавила пред само 10 дена, а слушавме помпезно како тоа само 85% ќе понуди, нуди двојно повеќе од тоа што укажува Законот дека треба да го понуди. Нуди по цена која е 60% субвенционирана, пониска цена од производната цена“, рече Битиќи.
Пратеникот Битиќи во своето обраќање потенцираше дека ова е начинот на кој една разумна и конструктивна опозиција треба да се однесува во Собранието, а тоа е да се поддржуваат сите законски решенија кои имаат за цел поддршка на граѓаните и квалитетот на нивниот живот.
„Вака СДСМ и коалицијата ќе продолжи да се однесува и наредните четири години секогаш кога е во прашање интересот на граѓаните“, порача Битиќи.
Македонија
Петровска: СДСМ е државотворна партија и повторно ќе се врати на победничките патеки
![](https://makfax.com.mk/wp-content/uploads/2024/06/slavjanka-petrovska-3.jpeg)
Кандидатката за претседател на СДСМ, Славјанка Петровска денеска пред членовите од Велес ги претстави клучните приоритети од нејзината програма „Манифест за социјалдемократијата“.
„СДСМ е државотворна партија и повторно ќе се врати на победничките патеки онаму каде што припаѓа. Тоа ќе го постигнеме само ако сме обединети и ако постојано го слушаме нашето членство. Тоа, јас како иден претседател, се обврзувам да го правам, да ги слушам членовите кои како што го избираат претседателот на партијата, така ќе ги избираат и претседателите на општинските организации, но и идните пратеници, советници, градоначалници“, посочи Петровска и дополни:
„Заедно ќе успееме, заедно ќе го вратиме СДСМ на кормилото на државата“.
Македонија
Собранието го донесе Законот за енергетика со кој ќе се спречи поскапување на струјата
![](https://makfax.com.mk/wp-content/uploads/2024/03/sobranie4.jpg)
Со 84 гласа ЗА, и ниту еден против и воздржан, Собранието го донесе Законот за дополнување на Законот за енергетика што го најави ВМРО-ДПМНЕ, за да се спречи зголемување на цената на струјата.
Пратениците на СДСМ претходно најавија дека ќе го поддржат законот, посочувајќи дека тој е продолжение на добрите политики на минатата влада.
Од Левица реагираа за овој Закон, но на крајот немаше гласови против.
Претседателот на Комисија за економски прашања, труд и енергетска политика, Бојан Стојаноски од ВМРО-ДПМНЕ, кој е и еден од предлагачите на законското решение, посочи дека измените се многу суштински, но се прилично едноставни, поради што законот е поднесен по скратена постапка.