Македонија
„Твитерџиите“ распалија по новогодишната елка, Арсовска не кажува како е избран украсувачот за кој нема распишано тендер
Новогодишната елката што светна на скопскиот плоштад ги наполни со коментари социјалните мрежи.
На „Твитер“ ја споредуваат со кривата кула во Пиза, а твитерџиите се шегуваат и дека масовно пристигнуваат туристи за да се фотографираат со неа, па се бара кревет повеќе.
Голем број на туристи од цел свет почнаа да пристигаат во Скопје за да се сликаат со кривата елка. Во хотелите се бара кревет повеќе pic.twitter.com/YrkiKvRoYQ
— 100Marki (@100deutschemark) December 18, 2023
Ваква Елка нема ни на Аљи Експрес 😁#БлеснаСкупјенце ✨️ pic.twitter.com/BdnTMhUShH
— ХаНа🦋 (@HaNa_Taurus666) December 18, 2023
странските туристи почнале масовно да ги откажуваат новогодишните и божиќните аранжмани во Охрид и да ги презакажуваат хотелските резервации за Скопје, затоа што разбрале дека најпознатата светска туристичка атракција во овој момент се наоѓа на скопскиот плоштад – кривата елка
— Густав Охридски (@Nopak_od_Varosh) December 19, 2023
Знаете како викаат: каква ти е душата и домот, таква ти е и новогодишната елка.
Кметице, ова е одраз на вашата душа и вашиот дом, Град Скопје. Срамота. pic.twitter.com/P7tInZTuTz— Alexander III of Macedon (@MakFalanga) December 18, 2023
Македонија во една слика 👇🏻 pic.twitter.com/rjOrntguRV
— Maksimilijan Kazakov 🇪🇺 (@KAZAKOV_mk) December 18, 2023
Град Скопје минатата недела извести преку соопштение дека градот ќе биде украсен за сума од 30.000 евра.
Сепак, Арсовска не кажува кој го украсува Скопје. На страната на Бирото за јавни набавки нема договор за новогодишното укасување. Од друга страна, ако елката е донација не е познато кој е донатрот.
„Макфакс“ до овој момент нема одговори од Град Скопје ниту на прашањето чија е идејата градот годинава да биде накитен токму со ваква елка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нестабилно време со дожд и грмежи до среда
По врнежите и невремето по кое во текот на ноќта полавени беа подруми во Охрид, од УХМР најавуваат дека до среда ќе се задржи нестабилно време, претежно во попладневните часови со локален пороен дожд и грмежи.
Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок.
Температурите ќе бидат без значителна промена.
Македонија
Делови од Аеродром, Карпош и Ѓорче Петров утре без струја
Без електрична енергија утре ќе останат делови од општините Аеродром, Карпош и Ѓорче Петров.
Како што соопшти РЦУК – Скопје, без струја во периодот од 09:00 до 15:00 часот ќе останат корисниците на дел од село Долно Лисиче, реонот околу чаталот, ул.10 во општина Аеродром, од 10:30 до 14:30 часот дел од улица 16, на патот кон Визбеговово општина Карпош, а од 13:00 до 14:30 часот објектите на градинката Росица, на ул.„Мечкин Камен“, бр.45А. во општина Ѓорче Петров.
Македонија
Скопските и тетовските пожарникари гасеа три огнови на отворено, соопшти ЦУК
Во изминатото деноноќие Центарот за управување со кризи информира дека биле евидентирани три пожари на отворено.
Регионалниот ЦУК Скопје соопштил дека БППЗ на Град Скопје во изминатото деноноќие имала две помали интервенции поради запалено ѓубре и тоа на ул. „Ферид Заири“ во Општина Чаир и кај Езерото Треска во Општина Сарај.
Регионалниот ЦУК Тетово известил дека ТППЕ Тетово имала една помала интервенција поради запалена ниска вегетација кај село Чифлик во Општина Желино.
Центарот за управување со кризи соопшти дека изминатите 24 часа имало вкупно 1.491 повици на Единствениот повикувачки број за итни случаи 112. Од нив „реални“ повици биле 62,84 отсто, а 37,16 отсто биле за други потреби на граѓаните што не биле итни.
Кон полиција биле упатени 63,18 отсто, кон итната медицинска помош 29,09 проценти, кон пожарникарите 2,73 отсто, a кон АМСМ 1,36 отсто од повиците кон бројот 112.