Забава
Жената што го нападна Чарли Шин ќе се појави пред судот
Откриено е името на жената која го нападна Чарли Шин, таа ќе оди на суд следната недела
Жена е уапсена откако ѕвездата на „Два и пол мажи“, Чарли Шин беше нападнатаво Лос Анџелес, соопшти полицијата.
Нападот се случил во средата околу 13 часот, по што американската полиција добила дојава.
„По контактирањето со вклучените страни, властите го идентификуваа Чарли Шин како жртва на нападот“, беше потврдено.
Американските власти соопштија дека жената ќе се појави пред судот во Лос Анџелес во петок. Шин не беше достапен за коментар.
Полицијата во средата дошла во домот на актерот по расправија. Полицајците велат дека 47-годишната сосетка тропнала на вратата на Шин, тој ја отворил, а потоа насилно му влегла во куќата и го нападнала.
Сосетката му ја искинала кошулата на Чарли и се обидела да го задави, а потоа се вратила во нејзината куќа. Чарли се јавил на 911, кои веднаш дошле на местото на настанот, но тој немал повреди поради кои би требало да биде пренесен во болница.
Чарли не е сигурен што го предизвикало инцидентот, но очигледно ова не му е прв проблем со неа. Тој им рекол на полицајците дека верува дека истата жена неодамна му го испрскала автомобилот со некој вид леплива течност. Тој вели и дека истата жена ден пред нападот му фрлала ѓубре пред влезната врата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Обожавателите ја критикуваа руската манекенка за нејзината облека во Кан: „Страшно, се може да се види“
Рускиот модел Наташа Поли беше на Канскиот филмски фестивал. Таа присуствуваше на премиерата на Емилија Перез од Жак Аудиар.
Таа го привлече вниманието на публиката со својата модна комбинација. Имено, таа носеше целосно проѕирен фустан направен од модната куќа Mugler.
Изгледот го комплетираше со нагласена шминка и залижана коса, накит од Картие и црни потпетици. Таа на социјалните мрежи се пофали со својот стајлинг, но наиде на бројни критики од нејзините следбеници.
„Што е ова? Извинете, но ова е ужасно“, „Зошто луѓето носат се помалку облека? Ви ги гледаме интимните делови“, „Очекував поголема елеганција“, се дел од коментарите на следбениците за неа.
38-годишната Наташа почнала да се занимава со манекенство во раните 2000-ти. Од 2004 година, таа се појавува во бројни рекламни кампањи, насловни страници на списанија и модни писти. Таа се наметна како една од најбараните модели, а Vogue Paris ја прогласи за една од 30-те најдобри модели во 2000-тите.
Забава
(Видео) Овогодинешен рекорд: музичката драма на шпански јазик доби 9-минутни овации во Кан
Музичката драма на шпански јазик на Емилија Перез со Зое Салдана, Селена Гомез и Карла Софија Гаскон ги доби најголемите овации досега на овогодинешниот филмски фестивал во Кан, пишува Variety.
За време на деветминутниот аплауз, Гомез ги бришеше солзите, додека ѕвездите на филмот Салдана и Едгар Рамирез се гушкаа, а режисерот Жак Аудиар мавташе со капата кон балконот.
Selena Gomez receives standing ovation at the Cannes Film Festival following the premiere of ‘EMILIA PEREZ’ pic.twitter.com/ml001PqQnT
— Film Updates (@FilmUpdates) May 18, 2024
Гаскон, кој во филмот глуми водач на нарко картел, исто така доби овации.
„Преквалификувана и потценета, Рита (Зое Салдана) е адвокатка во голема фирма повеќе заинтересирана за ослободување криминалци отколку за правда. Еден ден таа добива неочекуван излез кога водачот на картелот Манитас (Едгар Рамирез) ја ангажира да му помогне да се повлече од својот бизнис и да го реализира планот што тајно го подготвувал со години: да стане жена, за што отсекогаш сонувал“, стои во официјалниот синопсис на филмот.
Забава
Ева Лонгорија блесна на црвениот тепих во Кан, носеше фустан со бисери
Актерката Ева Лонгорија блесна на црвениот тепих на Канскиот филмски фестивал.
Лонгорија присуствуваше на премиерата на Kinds Of Kindness, со Ема Стоун и Џо Алвин во главните улоги.
Таа носеше блескав фустан со бисери и кристали создаден од модниот дизајнер Ели Сааб. Фустанот ги истакна голиот грб и деколтето.
Таа со својот изглед ги привлече сите погледи и внимание на фотографите.
Лонгорија на премиерата на филмот Kinds of Kindness пристигна во друштво на нејзината колешка, актерката Ајшварија Раи Бачан, која исто така воодушеви со својата модна комбинација.