Македонија
ВМРО-ДПМНЕ го нарече Богоев размазен функционер кој наместо да работи игра плејстејшн

Стефан Богоев од СДС вели дека далеку од нормалност и од реалност е да се очекува ВМРО-ДПМНЕ да има мнозинство. Но, она што вистински е далеку од нормалност е некој од раководството на СДС да признае каков хаос направија во државата, велат од ВМРО-ДПМНЕ.
„Тие кога не се свесни за тоа, што очекувате да се свесни друго. Ваков пропаст и распад на систем и институции нема во историјата. И на крај на денот што очекувате да каже еден размазен поранешен градоначалник како Богоев кој мандатот го помина во играње плеј стејшн со другарчињата, па мораа да го смират кога изгуби и му ја дадоа Царина да ја води, небаре Царина е цуцла за смирување. Е тоа е далеку од нормалност.
Далеку од нормалност е што Ковачевски на член на најблиската фамилија и отстапи земја за 7 денари квадрат, што Артан бира подизведувачи за Бехтел и Енка и објавува огласи за вработување за таа фирма, надвор од реалноста е што царува дрогата насекаде и што има убиства по улици и молови, киднапирање деца, палење возила секој втор ден, што нема тендер или бизнис, а да не се инволвирани Зечевиќ ли, Ковачевски ли, Артан ли…
Далеку од нормалност е воопшто што Богоев помислува дека се уште има некој надвор од тие 140-150 илјади гласачи нивни, што може да гласа за нив. Далеку од нормалност е што си се лажат меѓу себе дека ќе формирале влада и дека ДУИ ќе им помогнела во тоа и после на ДУИ ќе им дале уште повеќе од сега. Далеку од нормалност е една ваква дрска невоспитана размазена личност, кој се наполни со пари, што воопшто може да помисли дека некој постои што сака да знае што мисли тој.
И не знаеме што е проблемот со функционерите на СДС што отекуваат само што ќе дојдат на власт. Дали е алергиска реакција или нешто друго. Е тоа не е нормално. Како во фабрика да ве произведуваат. Како што не е веќе нормално за жал ништо што го правите.
Во прилог е линк од најголемиот успех на овој благонадежен функционер на СДС.
Гледајте и кажете после што е далеку од нормалност, а што не е“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Собранието не ги донесе измените и дополнувањата на Изборниот законик

Собранието денеска во рамки на 66. седница не ги донесе измените и дополнувањата на Изборниот законик со кои требаше да се регулира колкав процент потписи од вкупниот број избирачи запишани во изводот на Избирачкиот список на изборната единица (ИЕ) треба да соберат независните кандидати за учество на локалните избори.
Предлог измените и дополнувањата добија поддршка од мнозинството пратеници, но со оглед дека санува збор за решение кое се однесува на локалните избори, потребно беше да се гласа и по Бадентер. За предложените измени и дополнувања 18 од пратениците од помалите етнички заедници беа против, а 11 гласаа „за“.
Во текот на седницата прв за збор се јави Скендер Реџепи од движењето „Попули“, коалиција Европски фронт, кој оцени дека одлуката за поднесените измени е антиевропска и спротивна на Уставот и постоечките закони, додека Владата која е предлагач е моноетничка.
-Пред нас е Предлог-закон кој е во интерес на власта, а не и во интерес на граѓаните.
Претпладнево измените беа ставени на дневен ред на собраниската седница за да бидат донесени по скратена постапка. Потоа за нив расправаа матичната Комисија за политички систем и односи меѓу заедниците и Законодавно-правната комисија. Собраниската комисија за политички систем и односи меѓу заедниците ги проследи на натамошна постапка во Собранието, усвојувајќи го амандманот од Левица – кога подносител на листа на кандидати за пратеници е група избирачи, да биде потребно да се соберат најмалку 0,5 проценти потписи од запишаните избирачи во изводот на Избирачкиот список на изборната единица (ИЕ), наместо првично предложеното решение кое предвидуваше собирање потписи 0,95 проценти од запишаните избирачи.
Македонија
Во првото полугодие од годинава бројот на туристи во Македонија е зголемен, вели Мицкоски

Во првото полугодие од 2025 година бројот на туристи во Македонија е поголем за 13,5 отсто споредено со истиот период 2024 година. Бројот на странските туристи е поголем за 19,7 отсто во 2025 година споредено со истиот период 2024 година. Бројот на домашните туристи е помал за 2,5 отсто споредено со истиот период 2024 година, објави македонскиот премиер Христијан Мицкоски на својот профил на Фејсбук.
Тој пишува дека во истиот период од 2025 година има за 8,5 отсто повеќе реализирани ноќевања споредено со првата половина од 2024 година.
-Нашата Македонија е преубава, ако бројот на странските туристи се зголемува со ниво од 20 отсто годишно и наоѓаат причина да ги посетат македонските градови и села, македонските езера и планини, да уживаат во прекрасната македонска традиционална кујна и вина, тогаш тоа е доволна причина сите ние заедно да уживаме во убавините на Македонија, пишува премиерот Мицкоски на Фејсбук.
Македонија
Утре попладне дожд и грмежи

Под влијание на влажна и нестабилна воздушна маса, утре во попладневните часови ќе има локална појава на нестабилност со пороен дожд и грмежи. Во понеделник се очекува на повеќе места да биде нестабилно со пороен дожд и грмежи. Локално процесите ќе бидат поинтензивни со услови за невреме со пообилен пороен дожд, силен ветер и изолирана појава на град.
Како што информират од Управата за хидометеоролошки работи, во вторник ќе има услови за изолирана појава на нестабилност, а од среда ќе преовладува претежно стабилно време со постепен пораст на дневната температура.
Во Скопје, во понеделник времето ќе биде променливо облачно, попладне нестабилно со пороен дожд и грмежи. Во делови од котлината ќе има услови за појава на невреме со силен ветер и изолирана појава на град.
Од УХМР апелираат во случај на појава на електрични празнења гражаните да бидат повнимателни, да не престојуваат на отворен простор и под осамени дрвја.