Регион
„Пливав до брегот, треперев, не го чувствував телото“: Потресна исповед на тинејџер кој бил во „Картел“
Настана тепачка, почнаа насила да ги симнуваат од сплавот, кога излегов од вратата видов дека водата е до зглобовите, многу се исплашив и ме фати паника, ова се зборовите на еден тинејџер (14) кој ја почнува својата исповед за „Телеграф.рс“. Момчето со своето друштво се нашло на „Картел“ – сплавот во Белград што синоќа по полноќ почна да тоне.
Како што наведува, тој нешто по 11 часот дошол во локалот на настап на раперот Цунами, не сфаќајќи дека еден час подоцна ќе дојде до тепачка меѓу обезбедувањето и еден од гостите.
„Кога заврши тепачката, почнаа да ги бркаат сите луѓе од сплавот, најдов јакна и почнав да излегувам со другарот“, вели тој.
„На влезот видовме дека водата веќе ни е до глуждовите, таму најмногу се исплашив и ме фати паника“, додава.
Иако било јасно дека сплавот тоне, луѓето почнале да се враќаат во локалот, тврди тинејџерот, кој, како што раскажува, се туркал со обезбедување за да излезе, бидејќи не сакал да се врати назад.
Го турнав обезбедувањето и ја прескокнав оградата, а потоа скокнав во водата и пливав на другата страна“, открива момчето.
Откако успеал да стигне на сигурно, почнал да ги бара пријателите кои го следеле.
„Кога излегов од водата се тресев и не го чувствував своето тело“, вели тинејџерот.
Познатиот белградски сплав Картел во Нов Белград синоќа почна да тоне.
Гостите панично го напуштиле клубот, а на драматичната снимка може да се забележи неопислив хаос и луѓе кои панично бегаат.
Полициските екипи брзо пристигнале на местото на настанот и веднаш почнале да ги евакуираат гостите на сплавот. Како што се наведува, евакуирани се 114 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Загреб падна замрзнат дожд
Поради најавените ниски температури и замрзнат дожд, за кои Државниот хидрометеоролошки завод издаде портокалово предупредување, постои ризик од формирање мраз на тротоарите и други површини во Загреб, објави Градот Загреб, пренесува Индекс.хр.
Градот известува дека возилата на Зимската служба на Загребските патишта превентивно ги посолуваат патиштата во областа на Загреб.
Градот Загреб апелира до сите учесници во сообраќајот, возачи и пешаци, да ги прилагодат своите движења на тешките и потенцијално опасни временски услови. На возачите им се препорачува да избегнуваат непотребно патување, да возат побавно со поголем растојание помеѓу возилата, да избегнуваат нагло сопирање и забрзување и да користат зимска опрема и соодветни гуми. Посебна претпазливост е потребна на мостовите, надвозниците и кривините.
Пешаците се повикуваат да бидат дополнително внимателни, да се движат побавно, да носат соодветни обувки и да избегнуваат замрзнати површини секогаш кога е можно.
фото/депозитфотос
Регион
Поплави во Драч: евакуирани 180 лица, поплавени околу 800 домови
Министерот за одбрана на Албанија Пиро Венгу го свика Комитетот за цивилни вонредни ситуации за регионот Драч поради поплавите, каде состојбата е најкритична. Според него, поплавени се околу 800 домови, а 180 лица се евакуирани.
Венгу информира дека сите надлежни структури се на терен и дека состојбата континуирано се следи, додека опасноста сè уште не е помината. Институтот за геолошки науки предупреди дека и денеска се очекуваат интензивни врнежи од дожд, со можност за дополнително зголемување на поплавите.
Фото: илустрација (ЕПА)
Регион
Обилните дождови ги затворија патиштата во Црна Гора, се заканува раст на Скадарското Езеро
Неколку патишта беа затворени низ Црна Гора денес поради обилни врнежи од дожд во изминатите 24 часа. Водата се заканува и на бројни домови, а се очекува нивото на водата на Скадарското Езеро да се зголеми во текот на ноќта кон среда.
Црногорското Министерство за внатрешни работи објави дека последиците од обилните врнежи од дожд се регистрирани во општините Никшиќ, Даниловград, Мојковац, Бијело Поље, Улцињ, Плевља, Подгорица, Колашин и Беране.
„Поради лизгање на земјиштето и излевање на реките, сообраќајот е прекинат на неколку патни правци“, се вели во соопштението на црногорското Министерство за внатрешни работи.
Според најновите информации од 15 часот, нивото на водата на сите реки се намалува, освен на реката Зета и Скадарското Езеро, кое Црна Гора го дели со Албанија. Околу две третини од ова езеро, најголемо на Балканот, ѝ припаѓа на Црна Гора, а една третина на Албанија.
Во текот на ноќта се очекува нивото на водата на Скадарското Езеро да се зголеми поради контролираното испуштање вода од хидроелектраните на реката Дрим, кое го спроведува албанската страна.
Албанскиот премиер Еди Рама претходно во вторник изјави дека, поради зголемениот проток на реката Дрим, започнале контролирани испуштања вода од хидроелектраните што би можело да доведе до ненадејно зголемување на нивото на Скадарското Езеро.

