Забава
Годишен хороскоп за 2024 година – земјени знаци: што ги чека Бикот, Девицата и Јарецот
Годишниот хороскоп за 2024 година за земјените знаци, Бик, Девица и Јарец, предвидува многу плодна година, која ќе ги трансформира.
Драги Бикови, Девици и Јарци, како логични земјени знаци, нема да има многу драма за вас во наредната година бидејќи во животот не се водите од емоциите (кои ќе бидат бурни во 2024 година), туку од интелектот. Со стабилна енергија на земјата под влијание на Уран и Јупитер во добар дел од годината добивате шанса да го користите вашиот трпелив, практичен и детален пристап. Така ќе бидете смирени додека на сите им се тресе земјата под нозете.
Малиот, но трансформативен Плутон, исто така ќе биде во напорниот Јарец во поголемиот дел од јануари, што ќе ви овозможи да почнете да работите на вашите новогодишни одлуки со поставување цврсти, остварливи цели за годината.
Годишен хороскоп за Бик
Оваа година вашата владетелка Венера во ниту еден момент нема да биде ретроградна. А тоа, драг Бику, значи дека ќе напредувате со брзина на светлината и дека ќе одите само напред. Нема да има премислување, запирање и враќање на старите патеки. Ветерот дува во вашите едра и го забрзува вашето пристигнување до вашите цели – во сите области од вашиот живот.
Годишен хороскоп за Девица
Црната месечина во вашиот хороскопски знак може да ве испровоцира да ги преувеличувате или минимизирате вашите заслуги и да ја наруши вашата субјективна перцепција за реалноста како целина. За време на транзитот на Црната месечина, кој ќе трае до јули 2024 година, се препорачува да го слушате мислењето на оние луѓе на кои целосно им верувате – ова ќе ви помогне да ја процените ситуацијата однадвор, а не низ призмата на стравови и сомнежи. Драга Девице, обидете се да се откажете од лошите навики и зависности – волјата го неутрализира влијанието на Црната месечина компензирајќи за нејзиното негативно влијание.
Годишен хороскоп за Јарец
Плутон влегува во вашиот финансиски и енергетски сектор, а оваа планета е позната по тоа што е бестрашна и сака да урива сè што е застарено. Финтата е што Плутон не гради ништо ново по себе оставајќи само пепел. Затоа, драги Јарци, ќе треба да вложите максимални напори за да се преродите самите – исто како феникс од пепелта. И ќе успеете во тоа. На крајот на годината, едноставно, ќе се преродите на сите полиња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Не доверувајте им се: три хороскопски знаци сигурно ќе ја откријат тајната
Довербата е многу кревка работа, а овие 3 хороскопски знаци не ја заслужуваат. Тоа не значи дека се лоши, тие се само многу зборливи и невнимателни, па сите ќе ги знаат вашите тајни во рекордно време.
Секој има пријател кој не е најмистериозната личност на светот. Како што поминува времето, ние стануваме повнимателни за тоа што им го доверуваме. Ако припаѓате на некој од овие знаци, можеби пријателите од приказната сте токму вие. Бидејќи или не размислуваат доволно пред да зборуваат или уживаат да споделуваат лични информации, не само свои туку и туѓи, тие не се познати по нивната способност или желба да чуваат тајни.
Хороскопски знаци кои откриваат туѓи тајни
Лав
Сè додека има публика што го слуша, Лавот ги раскажува најлудите приказни и најневеројатните информации со кои располага. Ужива да биде во центарот на вниманието и ќе направи се за да го добие, дури и ако тоа значи да сподели сè за неговиот личен живот – или, уште полошо, животите на другите. Се чини дека нема филтер помеѓу неговите мисли и зборови.
Вага
Вистина е дека таа се судира со Близнаците во нејзината тенденција да споделува повеќе информации отколку што треба, но на крајот победува затоа што никогаш не престанува да го прави тоа. Ниту на состаноци со пријателите, ниту во групни муабети каде дење и ноќе не ја смета ниту една тема за премногу лична или наметлива. Ако ништо друго, ако сте фасцинирани од темни или сочни семејни и пријателски приказни, не барајте подалеку од Вагите, кои изгледаат како секогаш да ги имаат во џебот.
Стрелец
Тоа е знак толку екстровертен што заборава да биде дискретен или таинствен. Исто така, љубител на искреноста, тој често ќе попушти пред желбата да каже повеќе отколку што има право. Значи, ако има нешто на ум, не е важно дали сте вие двајца или дали стои на подиум: тој ќе го сподели со целиот свет, не ни размислувајќи какви би можеле да бидат последиците.
Забава
Бред Пит на премиерата на филмот во Лос Анџелес дојде со својата девојка Инес
Во Лос Анџелес се одржа премиерата на филмот „Волци“ со Бред Пит и Џорџ Клуни во главните улоги.
Бред Пит на премиерата дојде со 29 години помладата девојка Инес Де Рамон. Таа за оваа пригода избра светло-кафеав фустан, со кој искомбинира минималистички накит.
Ова беше второ појавување на Инес и Бред заедно на јавен настан откако станаа пар во 2022 година.
На овогодинешниот филмски фестивал во Венеција, парот за прв пат се појави заедно на црвениот тепих.
Забава
(Видео) Режисерот на „Паразит“ има нов филм: луѓето се воодушевени од првиот трејлер
„Ворнер Брос“ го објави првиот официјален трејлер за многу очекуваниот научно-фантастичен филм „Мики 17“. Трејлерот брзо стана вирален, со повеќе од 4 милиони прегледи на „Јутуб“ во моментот на пишувањето.
„Мики 17“ требаше да биде премиерно прикажан во март, но беше одложено до следната година бидејќи постпродукцијата на филмот не беше завршена.
Станува збор за најновиот филм на познатиот корејски режисер Бонг Џун-хо, кого повеќето луѓе го знаат по „Паразит“, филм кој освои четири Оскари и Златна палма во Кан. „Мики 17“ е адаптација на романот „Мики 7“ од Едвард Ештон.
Главната улога во претстојниот филм ја толкува Роберт Патинсон. Тој го прикажува Мики, вработен во компанија која се обидува да ја колонизира ледената планета Нифлхајм. Секој пат кога Мики умира, компанијата го клонира, а неговиот клон ги задржува повеќето негови спомени.
Заедно со Патинсон, во филмот играат и Стивен Јан, Наоми Еки, Тони Колет и Марк Рафало.
Љубителите на филмот кои едвај го чекаат новото дело на познатиот корејски режисер се воодушевени од трејлерот.
„Бонг Џун Хо е вистински визионер. Никогаш не мислев дека ова ќе биде толку смешно“, „Сега ми треба овој филм“, „Патинсон е веќе познат како еден од најдобрите актери на помладата генерација, а ова изгледа неверојатно“, „Едвај чекам“, се само некои од коментарите на „Икс“.
Филмот „Мики 17“ својата премиера ќе ја има на 28 јануари следната година во Јужна Кореја, а во остатокот од светот ќе дојде на 31 јануари.