Свет
Расте бројот на загинати и повредени во последниот руски напад врз Украина
Руските комбинирани напади, почнати денеска врз неколку градови во Украина, оставија најмалку десет мртви и десетици повредени, а бројот се очекува да се зголеми додека продолжуваат операциите за помош, соопштија украинските власти.
15-ина лица се повредени. Четворица загинаа во областа Днепропетровск, изјави нејзиниот гувернер Сергиј Лисак, а локалните власти пријавија два смртни случаја во Киев, двајца во Одеса, една смрт во Харков (североисточно), друга во Лавов (запад).
Украинскиот претседател Володимир Зеленски објави дека, според процените, Русија денеска лансирала околу 110 проектили во најголемиот воздушен напад врз Украина и дека повеќето од нив биле соборени.
Локалните власти соопштија дека во рускиот напад врз градот Днипро загинале четири лица. Регионалниот лидер Серхиј Лисак рече дека меѓу десетината повредени во нападите има и загинати. Тој додаде дека пожарот избувнал во трговскиот центар, а оштетени се родилиштето и шесткатницата.
Украинското Министерство за здравство соопшти дека неидентификувана медицинска установа во градот е тешко оштетена, но дека сите пациенти и персоналот успеале да најдат засолниште. Две лица загинаа, а најмалку 15 се повредени кога проектил погодил станбени згради во јужниот град Одеса, изјави регионалниот гувернер.
Во Лавов руските воздушни напади врз станбена зграда убиле едно лице, а три други биле повредени, според локалните власти. Последните руски напади покажуваат дека на Украина ѝ треба повеќе помош, изјави советникот на украинскиот претседател, пренесува АФП.
Бранот комбинирани руски напади врз неколку украински градови покажува дека на земјата ѝ е потребна „повеќе меѓународна помош“, изјави Андриј Јермак, началникот на кабинетот на украинскиот претседател.
„Правиме сè што е во наша моќ да ја зајакнеме противвоздушната одбрана. Но, светот мора да види дека ни треба повеќе помош и повеќе ресурси за да го запреме овој терор“, напиша Јермак на социјалната мрежа „Телеграм“.
Украина денеска беше погодена од комбиниран воздушен напад со проектили и беспилотни летала, соопшти украинската армија.
Неколку градови во Украина беа цел на рускиот напад, вклучувајќи ги Киев, Лавов, Харков и Одеса.
Претходно, беше соопштено дека едно лице загинало, осум се повредени во Харков, а уште седум се повредени во Киев при масовни руски ракетни напади.
Оштетена е зградата на метро-станицата во главниот град на Украина, која се користеше како засолниште, изјави градоначалникот Виталиј Кличко на апликацијата за пораки „Телеграм“.
Во Харков се регистрирани 22 руски напади, во кои беа оштетени болница, станбени згради и индустриска фабрика, изјави градоначалникот Ихор Терехов.
Засега нема коментари од Русија за воздушните напади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Хамас: Во израелските напади врз Газа загинаа 32 лица, главно жени и деца
Во израелските воздушни напади врз Појасот Газа загинаа најмалку 32 лица, меѓу кои повеќе од десетина жени и деца, соопшти Министерството за здравство на Хамас, пишува АП.
Израел го прекина примирјето со Хамас минатиот месец и зазеде територија за да изврши притисок врз милитантната група да прифати нов договор за примирје и да ги ослободи преостанатите заложници. Повеќе од еден месец го блокираше увозот на храна, гориво и други потреби во оваа крајбрежна енклава, која е во голема мера зависна од странска помош.
Доцна вчера, израелската војска им нареди на Палестинците да евакуираат неколку населби во централна Газа, Деир ал-Балах, набргу откако беа истрелани околу 10 ракети од Газа – најголем број од обновувањето на војната. Војската соопшти дека биле пресретнати пет проектили, додека военото крило на Хамас ја презело одговорноста.
The apocalypse in Khan Younis Now 💔 pic.twitter.com/3LvqXr4xA9
— Emelia (@vikingwarior20) April 5, 2025
Во текот на ноќта израелски напади погодија шатор и куќа во јужниот град Кан Јунис, при што загинаа пет мажи, пет жени и пет деца, според болницата Насер, која ги прими телата.
Во израелското гранатирање загинаа најмалку четири лица во бегалскиот камп Џабалија во северниот дел на Газа, според Министерството за здравство на Хамас. Телата на седум лица, меѓу кои едно дете и три жени, пристигнале во болницата Ал Акса во Деир ал Балах, јавува репортерот на Асошиетед прес кој бил таму.
Во нападот во градот Газа беа погодени луѓе кои чекаа пред пекара и загинаа најмалку шест лица, меѓу кои три деца, според цивилната заштита управувана од Хамас.
Нетанјаху денеска ќе се сретне со Трамп по втор пат откако Трамп го започна својот последен мандат на функцијата во јануари. Премиерот на Израел рече дека ќе разговара за војната и за новата царина од 17 отсто наметната на Израел како дел од сеопфатната глобална одлука на САД.
Свет
(Видео) Најмалку 20 луѓе загинаа во невремето во САД
Во невремето и поплавите кои зафатија делови од САД загинаа најмалку 20 луѓе.
Гувернерот на Џорџија, Брајан Кемп, синоќа изрази сочувство до семејствата на двете жртви кои починале откако врз нив паднало дрво на терен за голф.
Одделот за управување со вонредни ситуации во Арканзас потврди дека првата жртва на бурата било петгодишно момче пронајдено во куќа во југозападниот дел на Литл Рок, без да даде детали за причината за неговата смрт.
Според извештајот на противпожарната команда во Мисури, 16-годишен пожарникар загинал во сообраќајна несреќа. Десет жртви од бурата биле пријавени во Тенеси, три во Мисури, две во Кентаки и по една во Индијана и Арканзас.
Severe weather continues to devastate the U.S., with 17 dead and over 90 tornadoes reported across 10 states. Flash floods and tornado threats remain, impacting areas from Tennessee to Georgia. Stay safe and stay informed. 🌧️🌪️ #SevereWeather #Tornadoes #FlashFloods #Flooding… pic.twitter.com/ExWVG0nLy5
— BitLogicX-TrendInfo (@bytecoderman) April 6, 2025
Предупредувањата за поплави вчера беа во сила од Луизијана до западна Пенсилванија, а денеска се проширија за северна Флорида, Џорџија и Јужна Каролина.
Од вчераутро повеќе од 90 торнада биле пријавени во најмалку 10 држави, од Канзас до Охајо, според ABC News.
Свет
Трамп: Царините се прекрасна работа
Во услови на потоп на берзите ширум светот, американскиот претседател Доналд Трамп рече дека царините се „прекрасна работа“.
„Имаме огромни финансиски дефицити со Кина, Европската унија и многу други. Единствениот начин на кој овој проблем може да се излечи е со царините, кои сега носат десетици милијарди долари во САД. Тие се веќе во сила и тие се прекрасна работа да се видат.
Дефицитот со овие земји растеше за време на „претседателството“ на заспаниот Џо Бајден. Ќе го свртиме, и тоа брзо. Еден ден луѓето ќе сфатат дека царините се прекрасна работа за Соединетите Американски Држави“, напиша Трамп на социјалната мрежа Truth Social.
Азиските берзи денеска остро паднаа, продлабочувајќи ја глобалната берзанска криза предизвикана од наметнувањето царини од страна на Трамп за речиси целиот свет, при што тргувањето на јужнокорејската берза беше запрено на пет минути, бидејќи беше активиран прекинувачот за тргување дизајниран да спречи панично продавање.
Партијата Левица: На Локалните избори во конечна пресметка со десничарскиот режим
Партијата Левица ја одржа 28-та редовна сесија на Централниот комитет на која беа донесени стратешки одлуки во пресрет на претстојните...
Милијардер близок до Трамп: Не е тоа за што гласавме
Менаџерот на Хеџ Фонд, Бил Акман предупреди дека царините на Трамп би можеле да го доведат светот во „економска нуклеарна...
Шефот на НАТО за мировниот договор: Топката е јасно на теренот на Русија
Русија веројатно нема да може да им диктира услови на САД за прекин на огнот во војната во Украина, но...
(Видео) Хамас го ракетираше југот на Израел
Палестинската милитантна група Хамас соопшти дека истрелала ракети врз градовите во јужен Израел како одговор на „израелскиот масакр на цивили“...
(Видео) Трамп: Не можам да ви кажам што ќе се случи со пазарите, понекогаш треба да пиете лекови
Американскиот претседател Доналд Трамп рече „понекогаш мора да земете лекови“ на прашањето на новинарите за турбуленциите на светските пазари на...
(Видео) Филипче: Понеспособна влада сме немале никогаш досега, ќе се бориме за доброто на државата
СДСМ ќе ја врати државата на победничката патека, за доброто на Македонија, за доброто на сите граѓани, кажа вечерва на...
ЦУК: Планинар од Скопје поради лошите временски услови изгубил ориентација на Кожуф, за брзо е пронајден
Ефикасно и брзо е пронајдено залутано лице кај Мрежичко на Кожуф, информираат од Центарот за управување со кризи. Во 13:15...
Таравари бара отворање на истрагите за Дурмо Турс, Беса Транс и модуларна, но и целосна истрага за Кочани без влијанија
Алијанса за Албанците на Арбен Таравари, на денешниот партиски состанок донесе резолуција со која повика на независна и транспарентна истрага...
Уште денес очекувам убави вести за македонските граѓани, рече Мицкоски за царините на Трамп
Премиерот Христијан Мицкоски очекува уште денес убави вести за македонските граѓани и економијата, во врска со царината од 33 отсто...
ВМРО-ДПМНЕ го повика Обвинителството да оформи предмет против градоначалникот на Крива Паланка
Владејачката ВМРО-ДПМНЕ го повика Обвинителството да оформи предмет против градоначалникот на Крива Паланка од редовите на СДСМ, Сашко Митовски, за...
(Видео) Приведен прилепчaнец поради видеото со пукањето од балкон, се трага по уште едно лице
Приведен е 51-годишен прилепчанец од селото Црнилиште Општина Долнени поврзан со видеото со пукањето споделено на „Фејсбук“. МВР трага и по...
(Видео) Киев под руски напад
Најмалку три лица се повредени, а неколку пожари избувнаа во Киев рано утринава по руски ракетен напад, соопштија градоначалникот и...
Во САД протести против Трамп: „Рацете подалеку од нашата демократија“
Во делови од САД вчера беа одржани околу 1.200 протести под името “Hands Off!” во знак на спротивставување со политиката...
(Видео) Директорката на клиниката за пластична хирургија низ солзи им се заблагодари на странските доктори за помошта по трагедијата во Кочани
Д-р Јасмина Ѓоргиевска Павловска, директорката на Универзитетска клиника за пластична и реконструктивна хирургија низ солзи се заблагодари на докторите од...
Притвор за 15-годишно дете кое неколкупати силувало 5-годишно девојче
Основното јавно обвинителство Гостивар до судијата за деца во гостиварскиот суд поднесе барање за поведување подготвителна постапка и предлог за...
Мицкоски: Потребен е механизам за спречување блокади на билатерална основа
Да се воведат механизми кои нема да дозволат билатерални спорови да се пречка за остварување на заедничка цел, порача премиерот...
Министерство за здравство: 69 пациенти се на лекување во странство и нема промена во нивната состојба
Министерството за здравство информира дека во моментов 69 пациенти се на лекување во странство и нема промена во нивната состојба,...
(Видео) Спасовски: Градоначалникот на Крива Паланка лажеше дека има цијанид 100-тици пати над дозволеното
Градоначалникот на Крива Паланка лажеше дека во водата во Крива Паланка има цијанид 100-тици пати над дозволеното, за да шири...
(Видео) Кузеска: Со Тошковски на чело, МВР е во хаос – бодигарди аздисуваат на улиците како на див запад
Со Панче Тошковски на чело на МВР хаос се случува по македонските улици, безбедноста е загрозена, нема никаков ред и...
(Видео) Манасиевски: Левица и Апасиев во директен договор со Извршител и банка купиле конфискуван имот за 3 пати пониска цена
Левица и Апасиев во директен договор со Извршител и банка купиле конфискуван имот за 3 пати пониска цена, кажа денеска...
