Македонија
(Видео) Во локали во Тетово и Охрид затекнати 99 девојки од Украина, Русија, Колумбија, полицијата нашла и дрога и оружје
Полицијата, вчера, изврши претреси во три угостителски објекти, од кои два на подрачјето на СВР Тетово и еден на подрачјето на Охрид, при што затекна 99 женски лица, дрога и пиштол.
„При спроведените полициски и истражни дејства во трите угостителски објекти биле најдени вкупно 99 женски лица по потекло од Украина, Русија, Белорусија, Албанија, Косово, Колумбија, Србија, Аргентина, Бугарија, Казахстан и од Република Северна Македонија, кои престојувале спротивно на целта, а пронајдени се и една кеса со прашеста материја и еден пиштол „гамо“ во калибар од 4,5 мм“, велат од МВР.
Во угостителскиот објект, сопственост на И. И. (26), биле затекнати 50 девојки од Украина, Русија, Белорусија, Албанија и од Косово, како и кеса со дрога, а исто така биле легитимирани 80 гости. Во угостителскиот објект, сопственост на А. Џ. (26), беа затекнати 36 девојки од Украина, Русија, Белорусија, Албанија, Колумбија, Србија, Аргентина, Бугарија и од Северна Македонија, пронајден е и пиштол, а легитимирани биле 95 гости во објектот. При претресот извршен во угостителскиот објект во Охрид, сопственост на Х. А. (34), биле затекнати 13 девојки од Украина, Русија, Белорусија, Казахстан и од Северна Македонија, а затекнати и легитимирани биле 47 гости во објектот.
Во однос на затекнатите женски лица, кои престојувале спротивно на целта, ќе се почне со прекршочна постапка пред надлежен суд, а против сопствениците ќе бидат поднесени соодветни поднесоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претежно сончево и топло со слаб ветер од јужен правец
Времето денеска ќе биде претежно сончево и топло со слаб ветер од јужен правец. Минималната температура ќе биде во интервал од 8 до 17, а максималната ќе достигне од 27 до 33 степени.
Во Скопје ќе биде сончево и топло со слаб ветер од југоисточен правец. Минималната температура ќе се спушти до 13, а максималната ќе достигне до 32 степена.
Во недела под влијание на влажна и постудена воздушна маса од север ќе настапи позначителна промена на времето. Ќе има повремени врнежи од дожд со локална појава на грмежи и силен ветер. Во понеделник времето ќе биде променливо облачно со сончеви периоди, ќе дува засилен северен ветер, а дневната температура значително ќе се намали (за 8 до 10 степени). Потоа во следните два дена времето ќе биде сончево со ниски утрински температури, а дневните ќе бидат во постепен пораст.
Македонија
Нормализиран сообраќајот на патниот правец Охрид – Ресен
Сообраќајот на патниот правец Охрид – Ресен е нормализиран, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Македонија
Јаневска – Рокас: соработката со Европската унија е од суштинско значење за реализација на планираните образовни промени
Министерката за образование и наука Весна Јаневска денеска оствари средба со новоакредитираниот амбасадор на Делегацијата на Европската унија, Михалис Рокас.
Посакувајќи му успешен мандат, Јаневска се заблагодари на амбасадорот Рокас за континуираната поддршка на ЕУ во процесот на реформирање на националниот образовен систем.
На средбата, таа ги претстави тековните активности и планот за поквалитетно образование на сите нивоа.
„Стремежот за полноправно членство во Европската Унија продолжува да биде важен општествен стимул и значаен фактор на кохезија за македонските граѓани, кои пак, од нас како Влада очекуваат современо и модерно образование. Истрајни сме во определбата да ги реализираме промените кои ги претставивме на почетокот на нашиот мандат. Оптимизам и решителност постои, а соработката со Европската унија е од суштинско значење за остварување на зацртаната цел, рече Јаневска на средбата.
Евроамбасадорот укажа на подготвеноста на ЕУ и понатаму да биде посветен партнер на државата во градењето современ образовен систем, кој ќе образува европски граѓани.