Свет
Ѕвездата на популарната серија на „Нетфликс“, „Фауда“, тешко ранет во Газа
![](https://makfax.com.mk/wp-content/uploads/2024/01/Idan-Amedi.jpg)
Идан Амеди, израелскиот пејач и ѕвезда на ТВ-серијата „Фауда“ на „Нетфликс“, е ранет во Газа, соопшти неговото семејство.
Според неофицијални извештаи на социјалните мрежи, Амеди наводно бил тешко повреден додека се борел на страната на ИДФ.
Порталот „Тајмс оф Израел“ пишува дека актерот со хеликоптер бил префрлен во медицинскиот центар „Шеба“ во Тел Хашомер, каде што у била извршена итна, сериозна и долготрајна операција. Моментно е под седација и постојан лекарски надзор.
We would like to share with everyone that Idan has been injured in action in Gaza. Idan is one of the kindest, warmest, and most passionate people, loved by all of us. His love of music is a very special part of our set. Together let us pray for his full and speedy recovery. pic.twitter.com/jYVF4zSX3I
— Fauda Official (@FaudaOfficial) January 8, 2024
Татко му потврдил дека Идан е повреден, но рекол дека неговиот живот не е во опасност.
По нападот на Хамас врз Израел, Идан отиде да се бори во Газа како резервист.
Во видеопораката што ја сними минатата недела Амеди повика да се стави крај на внатрешните несогласувања меѓу Израелците.
„По 90 дена борби, продолжуваме да ги уништуваме локациите за ракети со краток дострел, локациите за лансирање и командните објекти на терористичката организација Хамас. Им се придружувам на моите браќа резервисти во повикувањето на политичарите, медиумите и сите други – ако немате нешто добро да кажете, молчете. Израелскиот народ живее“, порача тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Бајден: Не одам никаде, ќе го победам Трамп
![](https://makfax.com.mk/wp-content/uploads/2024/06/bajden-italija.jpg)
Американскиот претседател, Џо Бајден, изјави во интервју дека ќе остане кандидат на Демократската партија на претседателските избори на 5 ноември, додавајќи дека е убеден дека тоа сè уште го сакаат гласачите.
„Не одам никаде“, изјави Бајден.
Тој ги повика сите што сакаат да излезе да го предизвикаат на конвенцијата на демократите во август.
Интервјуто е уште еден обид на Бајден да се опорави од лошиот настап во дебатата на 27 јуни против републиканецот Доналд Трамп, по што неговите ментални способности беа доведени во прашање. Бајден изрази фрустрација од, како што ги нарече, напорите на „елитите“ да го истуркаат од претседателската трка против Трамп, кого го победи во 2020 година.
Кога ко-водителот на емисијата ги наведе главните медиумски организации и експерти кои го повикаа да се повлече, Бајден рече: „Не ми е гајле што мислат тие големи имиња“. „Поентата е дека не одам никаде. Не одам никаде. Не би се кандидирал ако апсолутно не верував дека сум најдобриот кандидат што може да го победи Доналд Трамп во 2024 година“, истакна тој. .
Сè поголем број демократски членови на Конгресот изразуваат загриженост дека ниската јавна поддршка на Бајден и неизвесноста во однос на неговата возраст може да и наштетат на партијата. Потпретседателката Камала Харис се смета за најверојатниот наследник доколку Бајден се повлече.
Анкетата на Ројтерс/Ипсос минатата недела покажа дека секој трет демократски гласач верува дека Бајден треба да се откаже од трката, а 59 отсто од испитаниците од партијата на претседателот рекле дека е премногу стар за да ја води земјата.
Во писмото до демократите, Бајден рече дека е свесен за нивната загриженост, но дека сега е време да се стави крај на тоа прашање.
„Прашањето како да се оди напред кружи веќе една недела. Време е да заврши. Имаме една работа. Тоа е да го победиме Доналд Трамп“, им напиша Бајден на сопартијците.
Свет
ИДФ издаде нова наредба за жителите на Газа: Евакуирајте се
![](https://makfax.com.mk/wp-content/uploads/2024/05/gaza1.jpg)
Израелската армија издаде нова наредба за евакуација на Палестинците кои живеат во Појасот Газа.
Наредбата се однесува на жителите на населбите Сабра, Тел ал Хава, Римал и Дарај, пренесе „Ал Џезира“.
На жителите им беше наредено да се упатат кон хуманитарната зона лоцирана во Ал Малави, област на јужниот крај на Појасот Газа, која претходно беше нападната од израелската армија.
Последната наредба за евакуација доаѓа откако израелските вооружени сили ги засилуваат нападите врз Газа.
Утринава израелската армија почна нови напади во јужните и западните делови на градот Газа, додека продолжи да врши притисок врз источниот кварт Шуџаеи.
Свет
Бројот на загинати во рускиот напад се искачи на 31 лице
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Бројот на загинати во денешните руски напади се искачи на 31, а повеќе од 150 лица се повредени, соопштија украинските власти.
Последните извештаи говорат дека 17 лица се убиени во главниот град Киев, од кои две во детска болница, а уште 11 на неколку места во регионот Дњепропетровск.
Руското Министерство за одбрана денеска ги отфрли наводите на Киев за намерен напад на руските сили врз цивилни цели нагласувајќи дека групниот напад врз воени цели во Украина е одговор на обидот на Киев да ги оштети руските енергетски и економски капацитети.