Свет
Масовниот убиец Брејвик се расплака на суд: „Секој ден во затвор е ноќна мора, се каам!“
Брејвик ја тужи државата во обид да стави крај на неговата изолација и ограничување на комуникацијата со надворешниот свет
Андерс Беринг Брејвик, екстремно десничарскиот терорист кој уби 77 луѓе во Норвешка во 2011 година, во вторникот пред судот изјави дека му е жал за она што го направил и се скрши во солзи, велејќи дека животот во самица е ноќна мора за него и дека секој ден размислува за самоубиство.
Во 2011 година, масовниот убиец прво уби осум лица со автомобил-бомба, а потоа уби 69 учесници на собирот на млади лабуристи на островот Утоја. Оттогаш тој е во целосна изолација.
Брејвик ја тужи државата во обид да стави крај на неговата изолација и ограничување на комуникацијата со надворешниот свет, тврдејќи дека му се кршат човековите права.
“Не верувам дека можам да преживеам подолго без кохерентни човечки односи. Сè уште сум личност и постои граница што човек може да ја поднесе. Секој ден е ноќна мора, секој ден размислувам за самоубиство”, рекол Брејвик.
Рочиштето се одржа во спортската сала на затворот со максимално обезбедување.
На прашањето на државниот правобранител Андреас Хјетланд како сега гледа на настаните во Утоја, тој одговори: „Се каам што направив, подготвен сум да се откажам од политика“.
Брејвик е сместен во строго обезбедуваниот затвор Рингерик, кој се наоѓа на околу 70 километри северозападно од Осло. Тоа е трет затвор во кој престојува.
Неговиот случај е тест за земја која сè уште е погодена од неговиот чин, но во исто време се гордее со правосудниот систем кој ја нагласува рехабилитацијата на затворениците.
Адвокатите кои го застапуваат Министерството за правда тврдат дека Брејвик мора да остане во изолација бидејќи и понатаму претставува безбедносна закана.
Неговата изолација е наречена „релативна“ затоа што комуницира со чувари, свештеник, здравствени работници и до неодамна со волонтер кој повеќе не сака да го гледа. Покрај тоа, Брејвик се дружи со двајца затвореници по еден час секоја втора недела.
Неговите адвокати тврдат дека Норвешка ја прекршува Европската повелба за човекови права, во која се вели дека „никој не треба да биде подложен на тортура или на нечовечко или понижувачко постапување“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Активистите го обвинија папата Франциско дека не направил доволно за да се искорени сексуалното насилство
Папата Франциско не направи доволно за да се искорени сексуалната злоупотреба од страна на свештенството и прикривањето на овие злосторства, изјавија активисти и жртви на митингот во Рим.
Римокатоличката црква долго време се соочува со обвинувања за сексуална злоупотреба, а овој протест беше организиран пред утрешниот фестивал на Светскиот ден на детето во Ватикан, пренесува Ројтерс.
„Сакаме да ги заштитиме младите луѓе кои присуствуваат на фестивалот“, изјавија дел од организаторите.
Свет
Русите денеска 15 пати го нападнаа Харков, убиени 6 лица
Гувернерот на областа Харков во Украина, Олег Синегубов соопшти дека во напад на руската армија врз тој регион загинале шест лица, а 16 се ранети.
Руската армија употреби ракетни системи С-300 во овие напади, напиша Синегубов на платформата Телеграм како што пренесува Униан, Харков денеска бил цел на 15 пати.
Украинскиот претседател Володимир Зеленски напиша на платформата X дека руските сили го искористуваат недостатокот на украински системи за воздушна одбрана и нејзината способност да уништува ракетни фрлачи во близина на границата.
Зеленски додаде дека тоа не е слабост на Украина, туку на меѓународната заедница „која три години не се осмели да се справи со терористите на начин на кој тие заслужуваат“.
Свет
Песков: Како наследник на СССР, Русија ја задржува својата позиција за независна Палестина
Русија, како наследник на СССР, останува на ставот дека ја признава независноста на Палестина, изјави денеска портпаролот на Кремљ, Дмитриј Песков.
„Гледаме во контекст дека Палестина беше призната како независна држава уште во времето на Советскиот Сојуз. Русија, како наследник на Советскиот Сојуз, ја задржува оваа позиција“, истакна Песков, пренесува ТАСС.
До денес, Палестина е призната од девет земји-членки на ЕУ.
Осум земји – Бугарија, Кипар, Чешка, Унгарија, Малта, Полска, Романија и Словачка – го презедоа овој чекор во 1988 година, пред да влезат во ЕУ, а Шведска во 2014 година.