Свет
Објавени над 600 страници од судењето за Епштајн, жртвата откри: „Имав секс и со друг принц, Клинтон двапати го посети островот“
Сведоштвата на Џефри Епштајн, Вирџинија Џуфре, Гислајн Максвел и жртвата Сара Ренсом беа објавени денеска во последната рунда незапечатени судски досиеја. Во изјавата објавена од судот денес, жената која го обвини принцот Ендрју, Вирџинија Џуфре, тврди дека имала секс со член на друго кралско семејство на југот на Франција кога имала 17 години, но не го знаела неговото име.
Џуфре во своето сведочење тврдеше дека двапати го видела Бил Клинтон на карипскиот остров на Џефри Епштајн. Други гости на островот биле Ал Гор и Хајди Клум, сведочела Џуфре.
Во својот исказ во 2016 година, Џуфре, која излезе во јавноста со нејзините обвинувања против принцот Ендру во 2011 година, рече дека тој не е единствениот член на кралско семејство кому му била нудена. Таа тврди дека Епштајн ја запознал и со друг принц, но дека таа не го знаела неговото име.
Исто така тврдеше дека имала секс со милијардерот на Викторија Сикрет Лес Векснер повеќе пати во Ново Мексико и Њујорк. Векснер беше близок пријател на Епштајн и влезна врата во њујоршкото општество, давајќи му работа во раните 1990-ти, па дури и му ги даваше клучевите од неговата вила во Њујорк.
Денеска беа објавени над 600 станици, што е последно во низата досиеја за осудениот педофил, кои почнаа да се објавуваат минатата недела.
Во својот исказ во септември 2016 година, Епштајн се повика на Петтиот амандман, одбивајќи да одговори на какви било прашања од страв да не се инкриминира.
Само сведочењето на Сара Ренсом е на повеќе од 400 страници. Таа претходно во мејловите тврдеше дека нејзина пријателка спиела со Бил Клинтон, Доналд Трамп и Ричард Бренсон и дека Епштајн ги снимал тие средби.
Сите мажи ги негираа нејзините тврдења, кои подоцна ги повлече поради страв за својата безбедност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.