Свет
(Видео) Први реакции на Иран и Хезболах по нападот врз Јемен, Русија бара итна средба

Соединетите Американски Држави и Велика Британија извршија напади врз цели поврзани со Хутите во Јемен.
Ова е првпат да се извршат напади врз групата поддржана од Иран откако таа почна да цели на меѓународни бродови во Црвеното Море на крајот на минатата година. Хутите, кои контролираат голем дел од Јемен, ги таргетираат бродските рути во Црвеното Море за да покажат поддршка за Хамас, палестинската исламистичка група. Во исто време, нападите ја прекинаа меѓународната трговија на клучната рута меѓу Европа и Азија, која сочинува околу 15 отсто од светскиот бродски сообраќај.
Се верува дека ова се првите напади што Соединетите Американски Држави ги извршија врз Хутите во Јемен од 2016 година, забележа „Ројтерс“. Официјалните лица, кои зборуваа под услов да останат анонимни, рекоа дека набргу се очекува официјално соопштение со детали за нападите.
Но тие открија дека нападите биле извршени со авиони, бродови и подморници, дека Австралија, Канада, Бахреин и Холандија дале поддршка за операцијата и дека повеќе од десетина локации биле цел. Главниот град Сана, како и градовите Саада и Замар и провинцијата Ал-Худаида, се само дел од целите на нападите, потврди претставник на Хутите нарекувајќи ги тие напади „американско-ционистичко-британска агресија“.
Jemen. První záběry náletu – místní média
Pentagon mezitím oficiálně potvrdil údery na Jemen. pic.twitter.com/8ySrYqoQzD
— Lazz Lazz (@Lazikkkk) January 12, 2024
Очевидци изјавија за „Ројтерс“ дека нападите биле насочени кон воена база во близина на аеродромот во главниот град, воена локација во близина на градскиот аеродром „Таиз“, поморска база во Ал-Худаида, и воени локации во провинцијата Хаџа. Претходно, во четвртокот, водачот на Хутите рече дека секој американски напад врз групата нема да остане без одговор.
Хутите, кои зазедоа голем дел од Јемен во граѓанска војна, ветија дека ќе ги нападнат бродовите поврзани со Израел или оние што пловат кон израелските пристаништа. Сепак, многу од нападнатите бродови немаа врска со Израел. Американската војска во четвртокот соопшти дека Хутите лансирале противбродска балистичка ракета на меѓународните бродски патеки во Аденскиот Залив, што е 27. напад на групата од 19 ноември.
Пристигнаа реакциите на Русија, Иран, Хезболах…
Русија побара итен состанок на Советот за безбедност на Обединетите нации за да разговара за нападите.
Портпаролот на иранското Министерство за надворешни работи, Насер Канаани, издаде изјава, во која се наведува дека земјата најостро го осудува американско-британскиот напад врз јеменските Хути, пренесува „Ноурњуз“.
„Силно ги осудуваме воените напади извршени утринава од страна на САД и Обединетото Кралство врз неколку градови во Јемен… Сметаме дека ова е јасно кршење на суверенитетот и територијалниот интегритет на Јемен и кршење на меѓународните закони, прописи и правата“.
Акцијата ја осуди и милитантната група Хезболах во Либан. Групата, која е една од неколкуте во регионот што се усогласуваат со Иран, рече: „Агресијата на САД уште еднаш потврдува дека САД се целосен партнер во трагедиите и масакрите извршени од ционистичкиот непријател во Газа и во регионот“.
Саудиска Арабија повика на воздржаност и избегнување на ескалација, а Министерството за надворешни работи соопшти дека внимателно ја следи ситуацијата со голема загриженост. Во последните месеци беше вклучена во мировни преговори со Хутите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Макрон: Гренланд не е на продажба, ниту пак Антарктикот

Францускиот претседател Емануел Макрон денес изјави дека Гренланд не е на продажба, ниту пак Антарктикот.
„Гренланд не е на продажба, ниту Антарктикот, ниту длабокото море не се на продажба“, рече Макрон за време на својот воведен говор во францускиот крајбрежен град Ница на конференцијата на Обединетите нации за заштита на океаните, со што индиректно ги осуди континуираните закани на американскиот претседател Доналд Трамп за анексија на островот, објави BFM TV.
Во недела, Макрон ќе го посети Гренланд, каде што ќе разговара со премиерот на таа автономна територија што е дел од Данска, Јенс-Фредерик Нилсен, и премиерката на Данска, Мета Фредериксен, за безбедноста на Северниот Атлантик и Арктикот, за климатските промени, енергијата и критичните минерали, објави кабинетот на францускиот претседател.
Откако се врати во Белата куќа, американскиот претседател Доналд Трамп постојано ја изразува својата желба да го контролира овој стратешки позициониран остров богат со минерали. Шест месеци откако САД по втор пат под водство на Трамп го напуштија Парискиот договор за климата, чија цел беше намалување на емисиите на стакленички гасови, францускиот претседател силно го бранеше мултилатерализмот, пренесува Танјуг.
„За да ја добиеме битката за океаните, мора да го оживееме мултилатерализмот“, рече Макрон.
Европа
Ракот на кралот Чарлс е неизлечив, но под контрола, според новинарка на „Дејли телеграф“

Бакингемската палата на почетокот на минатата година објави дека кралот Чарлс има рак. Според новинарката и уредничка на „Дејли телеграф“, Камила Томини, неговиот рак не е излечив, но може да се контролира.
Ракот на кралот Чарлс (76) е ставен под контрола со ригорозен третман, но не е целосно излечив, рече Томини. Таа додаде дека ова веројатно значи дека кралот ќе умре со ракот, но не од него. Палатата официјално не го коментираше извештајот, што би можело дополнително да ги поттикне шпекулациите за здравјето на кралот.
Новинарот понатаму наведува дека кралот морал да направи одредени промени во животот откако му била поставена дијагнозата, од кои една е одлуката никогаш да не се пресели во Бакингемската палата, што е преседан во британското кралско семејство.
Исто така, постојат шпекулации дека поради болеста, но и влијанието на кавгата врз неговиот углед, тој може да се смири со принцот Хари. Се очекува наводното помирување да се случи на игрите „Инвиктус“ во 2027 година, а децата на Хари, Лилибет и Арчи, кои кралот Чарлс не ги видел три години, исто така би можеле да играат улога во настанот.
Самиот Хари зборуваше за можно помирување во неодамнешно интервју за Би-би-си, нагласувајќи дека не знае колку време му останува со татко му.
Кралот минатиот месец за прв пат отворено зборуваше за својата борба со ракот, истакнувајќи ја виталната улога на здравствените работници и волонтерите во грижата за засегнатите. За време на приемот за групите за поддршка на ракот во Бакингемската палата, кралот им подари на гостите брошура со лична порака во која се детално опишани неговото сопствено искуство со дијагнозата и третманот.
„Секоја дијагноза, секој нов случај, е застрашувачко и предизвикувачко искуство за засегнатото лице и неговите најблиски“, напиша 76-годишниот монарх, кој во февруари 2024 година откри пред јавноста дека има рак. „Но, како некој што самиот бил меѓу тие статистики, можам да потврдам дека искуството исто така фрла моќна светлина врз најдоброто кај луѓето.“
Свет
Русите го поправаат оштетениот севернокорејски воен брод: објавени сателитски снимки

Северна Кореја го премести новиот воен брод што беше оштетен за време на неуспешното лансирање во пристаништето Раџин, во близина на границата со Русија. Аналитичарите велат дека овој потег би можел да укаже на можна улога на Москва во неговите поправки.
Сателитските снимки направени во неделата од „Максар Технолоџис“ го покажаа разорувачот од 5.000 тони, сè уште неименуван, во сув док во пристаништето Раџин. Тој е дел од Специјалната економска зона Расон на крајниот североисток од Северна Кореја, во близина на нејзината кратка граница со Русија.
Иако Раџин не е големо бродоградилиште како она во градот Чонгџин, каде што се случи несреќата со лансирањето, постојат капацитети за помали поправки и одржување, рече Ју Џихун, директор за меѓународна соработка и истражувач во Корејскиот институт за анализа на одбраната. „Близината на Русија го прави Раџин клучна точка во напорите на Северна Кореја да ги продлабочи економските и потенцијално воените врски со Москва“, рече Ју.
Satellite imagery captured today shows North Korea’s new Choe Hyon-class destroyer in a dry dock at the Rajin repair facility, a little over two weeks after it was damaged during a failed launch. Third pic shows the partially capsized ship on May 23.
📸: @Maxar pic.twitter.com/VQ1nA3l13X
— Jake Epstein (@byjepstein) June 8, 2025
Според извештајот од 2024 година објавен од Институтот за модерна војна при Воената академија на САД во Вест Поинт, економската зона Расон беше опишана како „значајна точка на соработка меѓу Северна Кореја и Русија“ и неодамна беше поврзана со испораките на оружје од Северна Кореја во Русија за употреба во Украина.
Разурнувачот беше оштетен на 21 мај кога, за време на лансирањето, дел заврши во водата, но предниот дел остана заглавен на суво, што предизвика бродот да се преврти на страна.
Севернокорејскиот лидер Ким Џонг-ун присуствуваше на церемонијата на лансирање и бесно отпушти голем број воени лица и нареди бродот да се поправи на време за пленарната седница на Работничката партија закажана за крајот на јуни. Државните медиуми минатата недела објавија дека поправките во Раџин треба да траат од седум до десет дена, што се совпаѓа со рокот на Ким.