Црна хроника
Приведени двајца дилери на кокаин во Струмица, поднесена кривична пријава, изведени пред надлежен суд
![](https://makfax.com.mk/wp-content/uploads/2023/12/kokain3.jpg)
Денеска Секторот за внатрешни работи Струмица до Основното јавно обвинителство Струмица поднесе кривична пријава против 30-годишниот Р.Р. од село Трпејца, општина Охрид и 39-годишниот Г.А. од Радовиш, поради постоење на сомнение дека сториле кривично дело „неовластено производство и пуштање во промет на наркотични дроги, психотропни супстанци и прекурзори“, по член 215 од Кривичниот закон, извести МВР.
„На 15.01.2024 година во 23.50 часот во дворно место на хотел во Струмица од страна на полициски службеници од СВР Струмица бил извршен преглед над осомничените, при што кај Р.Р. биле пронајдени две, а кај Г.А. едно ќесе со кокаин. Лицата биле лишени од слобода и задржани во Полициската станица Струмица, а за настанот бил запознаен Јавен обвинител од Основното јавно обвинителство Струмица“, соопшти МВР.
Денеска полициски службеници од Одделението за внатрешни работи Радовиш, постапувајќи по судска наредба, извршиле претрес во домот во кој престојува Р.Р. во Радовиш, при што била пронајдена дигитална вага со остатоци од бела прашкаста материја, додаваат од МВР.
Лицата се изведени пред Судија на претходна постапка од Основен суд Струмица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
18-годишник од Штип тешко повреден во сообраќајна незгода
![](https://makfax.com.mk/wp-content/uploads/2023/02/soobrakajka.jpg)
Денеска во 01.50 часот во СВР Штип било пријавено дека на улицата „Лески“ во Штип патничко возило „цитроен ц3“ со штипски регистарски ознаки, управувано од 18-годишниот Г.С. од Штип, излетало од коловозот и удрило во заштитна ограда, па во паркирано патничко возило „волво“ со штипски регистарски ознаки, сопственост на правно лице, извести МВР.
Во несреќата со тешки телесни повреди се здобил сопатникот Б.Д., 18-годишник од Штип, констатирани во Клиничката болница Штип, соопшти МВР.
Извршен бил увид од увидна екипа од СВР Штип.
Топ
Тешка сообраќајна несреќа кај граничниот премин „Богородица“, загина 35-годишник
![](https://makfax.com.mk/wp-content/uploads/2021/09/soobrakajka-1.png)
Денеска во 00.30 часот во Полициската станица Гевгелија било пријавено дека на автопатот од клучка Гевгелија кон Граничниот премин Богородица се случила сообраќајна несреќа помеѓу товарно возило „ман“ со велешки регистарски ознаки, управувано од 35-годишниот Б.Ј. од село Селемли, општина Богданци и товарно возило „ивеко“ со гевгелиски регистарски ознаки, управувано од 26-годишниот С.А. од село Стојаково, општина Богданци, извести МВР.
Во несреќата со тешки телесни повреди се здобил Б.Ј., кој на пат кон Комплекс клиники „Мајка Тереза“ им подлегнал на повредите, а лекар констатирал смрт, соопшри МВР.
С.А. се здобил со телесни повреди, констатирани во Општата болница Гевгелија. Извршен бил увид од увидна екипа од ОВР Гевгелија.
Црна хроника
Претрес во Тетовско, пронајдена дрога, приведен дилер
![](https://makfax.com.mk/wp-content/uploads/2021/06/kokain.jpeg)
Денеска, полициски службеници од СВР Тетово го лишиле од слобода Х. Х. (33) од тетовски Порој.
Имено, во периодот од 7.30 до 8.30 часот, по претходно добиена судска наредба, бил извршен претрес во домот и помошните простории на Х. Х., при што биле пронајдени и одземени кокаин, марихуана и хашиш.
Х. Х. е приведен и задржан во полициска станица и против него ќе следува соодветен поднесок, соопшти полицијата.