Свет
35.000 луѓе излегоа на улиците на Франкфурт: „Да ја одбраниме демократијата“

Десетици илјади луѓе излегоа денеска на улиците на Франкфурт за да протестираат против екстремно десничарската партија Алтернатива за Германија (AfD) и нејзината се поголема поддршка. Набргу по почетокот на протестите одржани во центарот на Франкфурт под слоганот Да ја одбраниме демократијата, полицијата процени дека на нив учествувале околу 35.000 луѓе.
Портпаролот на полицијата рече дека станува збор за мирни протести. На толпата се очекува да се обрати градоначалникот на Франкфурт, Мајк Јозеф. Протестите, кои траат со денови, добија поддршка и од германскиот канцелар Олаф Шолц. Сличен протест се одржа претходно во саботата во Лимбург, град северозападно од Франкфурт. Таму се собраа 2.800 луѓе, значително повеќе од очекуваното.
Протестите ширум земјата беа поттикнати од извештајот на медиумот Correctiv кој откри дека политичарите на АФД одржале состанок со екстремно десничарските екстремисти во Потсдам во ноември за да разговараат за плановите за депортација на милиони мигранти од Германија.
На состанокот во Потсдам, членовите на екстремната десница разговараа за теми како „ремиграција“, термин кој често се користи во крајнодесничарските кругови како еуфемизам за протерување на имигрантите и малцинствата. Во вчерашната изјава, Шолц ја нарече ремиграцијата „напад врз демократијата“ и ја поздрави организацијата и одржувањето на протестите планирани за време на викендот.
„Го кажувам гласно и јасно: десничарските екстремисти ја напаѓаат нашата демократија“, рече тој. Десетици илјади германски жители се очекува да се приклучат на протестите против АфД низ целата земја овој викенд.
Масовната средба одржана во петокот вечерта во Хамбург мораше да биде прекината од безбедносни причини. Имено, таму се собраа повеќе луѓе отколку што очекуваа организаторите. Полицијата проценила дека имало 50.000 луѓе, а организаторите дека имало дури 80.000 демонстранти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Напад во кривичниот суд во Њујорк, има повредени

Тројца судски службеници денес биле нападнати со нож и повредени во зградата на Кривичниот суд на Менхетен, потврдија два извори од њујоршката полиција кои се запознаени со нападот.
„Осомничениот напаѓач е приведен по нападот врз службениците во зградата на судот на Централната улица во Њујорк. Нападот се случил близу фоајето“, изјавил неименуван полициски извор за NBC.
Еден судски службеник се здобил со посекотини на лицето, друг на вратот, а третиот бил повреден кога осомничениот го фрлил на подот обидувајќи се да побегне, се наведува во извештајот на американската телевизиска мрежа.
Сите тројца повредени се медицински згрижени и се чувствуваат добро, а истрагата е во тек, иако засега не е јасно што бил мотивот за нападот.
Свет
„Ерусалим пост“: Трамп ќе му даде на Иран последна шанса

Американскиот претседател, Доналд Трамп, планира да му упати на Иран последна шанса за договор, објави „Ерусалим пост“, повикувајќи се на американски и европски претставници.
Според неофицијални информации, новата понуда би можела да биде уште поповолна од онаа од пред недела и половина, но сепак би се базирала на американското барање за нулта толеранција за збогатување ураниум.
Според истиот извор, Иран се обидел да посредува со американската администрација преку Оман и Катар со цел да ги запре израелските напади и да ги обнови преговорите за нуклеарната програма. Саудиска Арабија наводно дејствува преку посебен канал со иста цел – постигнување прекин на огнот.
Свет
Претседателот на Иран: Не сакаме ширење на војната

Иранскиот претседател Масуд Пезешкијан изјави дека Иран не сака да ја прошири војната со Израел, но ќе одговори пропорционално на секој напад, пренесува државната иранска новинска агенција.
Пезешкијан ова го рекол за време на телефонскиот разговор со турскиот претседател Реџеп Таип Ердоган.
„Иранските научни, воени и цивилни објекти беа под израелска агресија, при што беа убиени цивили, научници и воени водачи“, рече Пезешкијан.
„Иран не ја започна оваа војна, но ќе одговори според нивото на напад“, изјави.
Тој додаде дека учеството на Иран во нуклеарните преговори со САД зависи исклучиво од прекинот на нападите на ционистичкиот режим врз земјите во регионот.
Турскиот претседател Ердоган, според турската државна агенција, му рекол на Пезешкијан дека Турција е подготвена да игра улога на посредник за да помогне во деескалацијата на конфликтот и да го поддржи враќањето на преговорите за нуклеарната програма.