Свет
Тајван: Забележавме шест кинески балони, еден го прелета островот

Тајванското министерство за одбрана соопшти дека вчера открило уште шест кинески балони кои летаат над Тајванскиот теснец, од кои еден го прелетал островот, последен во низата такви случаи во изминатиот месец и половина.
Во силно формулирана изјава претходно овој месец, тајванското министерство ја обвини Кина дека ја загрозува безбедноста со воздушните балони и води психолошка војна против Тајванците, неколку дена пред изборите во Тајван на 13 јануари.
Кинеското Министерство за одбрана, кое минатиот месец одби да коментира за балоните, не одговори веднаш на барањето за коментар. Кина тврди дека Тајван е нејзина територија, и покрај силното противење на владата во Тајпеј.
Можноста Кина да користи балони за шпионирање стана глобален проблем минатиот февруари кога Соединетите Држави соборија, како што рекоа, кинески балон за надзор. Кина соопшти дека балонот бил цивилно леталол кое случајно залутало.
Во последниот инцидент, кој тајванското министерство го откри во понеделникот во својот дневен извештај за кинеските воени активности во изминатите 24 часа, се вели дека шест балони прелетале над чувствителната централна линија на теснецот во неделата.
Сепак, само еден го преминал тајванскиот остров, на неговиот јужен врв, според мапата обезбедена од министерството.
Останатите пет балони полетаа на северот на Тајван, но не го прелетаа копното, соопшти Министерството. Сите балони се упатија кон исток пред да исчезнат, се додава.
Централната линија на Тајванскиот теснец порано служеше како неофицијална линија на поделба меѓу Тајван и Кина, но кинески борбени авиони, беспилотни летала и сега балони редовно летаат над него. Кина вели дека не го признава постоењето на централната линија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Иран: Не го нападнавме Израел, но одмаздата ќе дојде во блиска иднина

Иранската новинска агенција Фарс, повикувајќи се на безбедносни извори, ги негираше израелските извештаи дека Техеран лансирал дронови кон Израел, додавајќи дека иранската одмазда „ќе се случи во блиска иднина“.
Израелските медиуми објавија дека сите дронови лансирани од Иран како одмазда за израелските ноќни напади врз иранските нуклеарни постројки и елиминацијата на членовите на иранското воено раководство и научниците кои работат на нуклеарната програма биле соборени.
„Иран лансираше околу 100 дронови кон израелска територија како одмазда, што Израел се обидува да ги пресретне“, изјави претходно портпаролот на израелската војска, бригаден генерал Ефи Дефрин, изјава што иранските медиуми сега ја негираат.
Во меѓувреме, американскиот претседател Доналд Трамп изјави дека му дал на Иран ултиматум од 60 дена да постигне нуклеарен договор, но дека сега можеби имаат нова можност да го променат тоа.
„Пред два месеци му дадов на Иран ултиматум од 60 дена да склучи договор. Требаше да го направат тоа! Денес е 61-виот ден. Им кажав што да прават, но тие едноставно не го направија тоа. Сега можеби имаат втора шанса!“, објави Трамп на Truth Social.
Трамп сака да преговара за нов нуклеарен договор со Иран за да го ограничи збогатувањето на ураниум и се закани дека ќе го бомбардира ако не постигнат договор. Но, Иран постојано повторува дека нема да се откаже од својата програма за збогатување на ураниум и негираше дека се обидува да развие нуклеарно оружје.
Државниот секретар на САД, Марко Рубио, денеска кратко по нападите изјави дека САД не биле вклучени во израелските напади и го повика Техеран да не ги таргетира американските интереси или персонал во регионот.
Свет
Авионот на Нетанјаху полета за Атина, поради стравувања од одмазда

Авионот на премиерот на Израел, Бенјамин Нетанјаху, „Wing of Zion“ полета од аеродромот „Бен-Гурион“ во Тел Авив рано наутро, кога Израел започна напад врз иранските нуклеарни постројки, објавија израелските медиуми.
Wing of Zion, Israel’s version of Air Force One, took off from Ben-Gurion Airport on Friday morning just before IDF spokesperson Brig.-Gen. Effie Defrin announced that Iran launched over 100 attack drones.https://t.co/ThnG9oZN4u
— The Jerusalem Post (@Jerusalem_Post) June 13, 2025
Авионот, официјален превоз за премиерот Бенјамин Нетанјаху и претседателот Исак Херцог за време на нивните меѓународни патувања, се упати кон Атина поради страв од можен ирански одмазднички напад, објави „Џерусалем пост“.
Кратко откако државничкиот авион се упатил кон Грција, портпаролката на Израелските одбранбени сили (ИДФ), бригаден генерал Ефи Дефрин, изјави дека Иран лансирал повеќе од 100 дронови кон Израел.
Израел синоќа изврши масовен воздушен напад врз повеќе од 100 цели во Иран, вклучувајќи го и нуклеарниот комплекс Натанз, централниот објект за збогатување ураниум на Иран.
Нападот е дел од воена операција за која израелскиот премиер Бенјамин Нетанјаху рече дека имала за цел „неутрализирање на егзистенцијалната закана“ што ја претставува нуклеарната програма на Иран.
Свет
Израел го уби командантот на воздухопловните сили на Револуционерната гарда на Иран

Израелските одбранбени сили (ИДФ) и официјалната иранска новинска агенција ИРНА потврдија дека бригадниот генерал Амир Али Хаџизаде, командант на воздухопловните сили на Иранската револуционерна гарда (ИРГЦ), е убиен.
Хаџизаде беше назначен на оваа позиција од страна на иранскиот врховен лидер Али Хамнеи во октомври 2009 година.
Роден е во Техеран 1962 година и ѝ се приклучил на Револуционерната гарда во 1980 година набргу по избувнувањето на војната Иран – Ирак (1980 – 1988) за време на која учествувал во неколку операции како снајперист.
По војната, им се приклучил на воздухопловните сили на ИРГЦ и се вклучил во програмата за развој на ракетно оружје.
Во 2006 година тој беше назначен за командант на воздушната одбрана на Револуционерната гарда.
Министерството за финансии на САД го стави на списокот за санкции заедно со други команданти на Револуционерната гарда откога Иран собори американски дрон за надзор во близина на Ормутската Теснина во јуни 2019 година.
Во јануари 2020 година, кога ракета на иранската Револуционерна гарда собори украински патнички авион во близина на Техеран, при што загинаа сите 176 лица на бродот, Хаџизаде го опиша инцидентот како несреќа, ја презеде целосната одговорност и изјави дека ќе ја прифати секоја казна што му ја изрекуваат иранските власти.