Свет
Бајден побара од Конгресот да ѝ продаде авиони „ф-16“ на Турција без одлагање

Американскиот претседател Џо Бајден во средата испрати писмо до лидерите на клучните одбори на Капитол Хил, во кое ги информира за неговата намера да почне формален процес за продажба на авиони „локхид мартин ф-16“ на Турција откога Анкара ќе го заврши процесот за пристапување на Шведска во НАТО, објави „Ројтерс“.
Во писмото до највисоките републиканци и демократи во одборот за надворешни работи на Сенатот и Претставничкиот дом, Бајден побарал продажбата да биде одобрена без одлагање, рече американскиот функционер.
Белата куќа испрати писмо до членовите на Конгресот во средата, во кое бара одобрение за продажба на авиони „ф-16“ и опрема за модернизација на Турција, изјавија за „Ројтерс“ четири извори запознаени со писмото.
Турскиот парламент во вторникот ја ратификува кандидатурата на Шведска за членство во НАТО отстранувајќи ја големата пречка за проширувањето на западната воена алијанса по 20-месечно одложување.
Доцнењето на Турција со одобрувањето на ратификацијата беше главна пречка за добивање одобрение од Конгресот за договорот за борбени авиони. Пратениците рекоа дека чекаат одобрение од Турција за членството на Шведска во НАТО – вклучително и потписот на претседателот Таип Ердоган – пред да одлучат дали да ја одобрат продажбата.
Белата куќа не одговори на барањето за коментар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.