Регион
Двајца напаѓачи отвориле оган врз верници во католичка црква во Истанбул, едно лице е убиено
Во католичката црквата Света Марија во Истанбул двајца напаѓачи отвориле оган кон верниците, а според првите информации на турските медиуми едно лице е убиено.
Според добиените информации, пукањето се случи за време на неделната богослужба кога две маскирани лица отвориле оган во дворот на црквата.
„За време на пукањето, во црквата владееше голема паника. Во областа се испратени многу полициски и медицински тимови. Напаѓачите побегнаа од местото на злосторството пеш“, пишува „Џумхуриет“.
За нападот зборуваше и турскиот министер за внатрешни работи Али Јерликаја.
„Околу 11:40 часот во кругот на црквата Санта Марија, две лица ги нападнаа верниците во црквата. Тие носеа фантомки. Едно лице за жал почина. Започна енергична истрага за ова прашање. Најостро го осудуваме овој подол напад. Потрагата по напаѓачите е во тек“, потенцираше министерот.
Нападот е осуден и од градоначалникот на Истанбул, Екрем Имамоглу.
„Го осудувам вооружениот напад за време на неделната богослужба во црквата Света Марија. Посакувам Божја милост за човекот кој го загуби животот и брзо закрепнување на повредените. Никогаш нема да дозволиме да го уништат нашето единство и мир“, потенцираше градоначалникот на Истанбул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вулин: Голема Албанија може да ја спречат само Србите и српскиот свет, но и Грците
Вицепремиерот на Република Србија, Александар Вулин, реагира на собирот на албанската имиграција одржан во Атина, на која говореше албанскиот премиер Еди Рама и покрај противењето на грчките власти, пренесуваат српските медиуми.
„Следниот пат кога владата на Грција ќе размислува за признавање на таканареченото Косово, нека се сетат како изгледа пречекот на Еди Рама среде Атина“, напиша Вулин.
Според него, она што Рама не можеше да го доживее во Тирана – го доживеа во Атина.
„Признавањето на таканареченото Косово од грчките власти, а исто така и приемот на Приштина во Советот на Европа, би бил немерлив придонес на владата на Грција и Дора Бакојани за создавање голема Албанија. Само Србите и српскиот свет може да ја запрат голема Албанија, но и Грците, драги наши Грци, мислете на тоа“, рече Вулин.
Регион
Земјотрес ја погоди Албанија: се стресе во близина на границата со Црна Гора
Земјотрес со јачина од 3,4 степени според Рихтеровата скала синоќа ја погоди Албанија.
Земјотресот се случил во 2.20 часот по локално време.
Епицентарот на земјотресот бил на 28 километри од Скадар.
Со оглед на тоа што земјотресот бил со помал интензитет, се претпоставува дека нема повредени и поголема материјална штета.
Регион
Земјотрес ја погоди Хрватска, се стресе кај Петриња: „Нѐ разбуди, куќата ми се стресе кратко и силно“
Послаб земјотрес со јачина од 1,7 степен според Рихтеровата скала е почувствуван во 4.35 часот во Хрватска.
Епицентарот на земјотресот бил на 31 километар од Загреб и 20 километри од Велика Горица на длабочина од осум километри.
Според сведоштвата на граѓаните, земјотресот бил почувствуван на подрачјето на Петриња и Сисак, пишува „24сата.хр“.
„Куќата ми се затресе силно и кратко, како гром. Повторно се будам со познатиот звук и чкрипењето на куќата“, напиша сведок од Петриња на веб-страницата на Европско-медитеранскиот сеизмолошки центар (EMSC).
„Тежок тресок, гадно будење“, „Истовремен татнеж и тресок“, „Ова беше за будење. Кратко траеше. Како да е под куќата“, „Звук и краток силен удар“, пишуваат сведоци.