Македонија
Џафери: Зацртаната политика на досегашната влада нема да се менува

Мандатарот за состав на преодната Влада, Талат Џафери пред пратениците денеска на седница на Собранието, во своето експозе, нагласи дека нема да се менува зацртанта политика на досегашната Влада, како на внатрешен, така и на надворешен план. Вети одговорна и професионална транспарентна Влада и нагласи дека нема да се дозволи нарушување на изборниот процес. Џафери говореше на албански јазик, а во еден дел и на македонски јазик.
Џафери рече дека составот на техничката влада го предлага согласно законот и роковите за изборите нагласувајќи дека и пред претседателот Стево Пендаровски соопштил дека ќе работи одговорно и согласно законите.
„Не е битно дали се работи за техничка влада со рок од еден или 100 дена работа, ќе работам наполно професионално и нема дозволам какви било манипулации во однос на демократскиот процес. Јас и владата што ќе ја предводам ќе работиме на спроведување на успешните досегашни политики, како и согалсно стратешките определби за интеграција на земјата во ЕУ до 2030 година“, рече Џафери.
Тој додаде дека не помалку ќе се залага и за спроведување на економските, здравствени, образовавни и социјални потреби на граѓаните и за економски раст.
Џафери вети отворен дијалог со политичките партии, со институциите и граѓаните и транспарентност во работењето.
„Не помалку важно е да споменам дека доследно ќе се залагам за етничка усогласеност и слога меѓу заедниците“, рече мандатарот.
Особено тој ги нагласи реформите во јавната администрација и продолжување на заложбите и преговорите за кластерите од преговарачкиот процес со ЕУ.
На македонски јазик тој продолжи во делот на заложбите за Планот на економски раст на ЕК во што е склучена Македонија во рамки на Западен Балкан.
„Со заокружување на политиките за раст на минималната плата и на пензиите, ќе се залагам и за ценовна стабилизација, како и за финансиска дисциплина и исполнување на целите со Буџетот за годинава. Зацртаниот план на досегашната влада нема да се менува во ниту еден дел“, рече Џафери.
Тој говореше и за другите сектори од идната Влада, а во не многу долгото обраќање на крајот се заблагодри на лидерот на ДУИ, Али Ахмети за довербата, како и на претседателот Стево Пендаровски, досегашниот премиер Димитар Ковачевски и на пратениците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За три дена, 109 повредени од Кочани доставиле барања и предлози на телефонската линија на Владата

109 граѓани за три дена од пуштање на телефонската линија за повредените лица и нивните семејства, која е во директна комуникација со Канцеларијата на Ппретседателот на Владата, ја искористиле можноста и доставиле свои барања и предлози, соопштија од Владата.
Од таму велат дека тоа покажува дека оваа телефонска линија дава резултат и дека Владата е отворена за секаква сугестија и идеја.
„Како Влада преку низа на мерки помагаме за помош на повредените и нивните семејства. Ова е заедничка борба и нема да отстапиме од неа, бидејќи секој граѓанин има право на соодветна здравствена заштита и медицинска нега, токму поради тоа како Влада донесовме одлука за рехабилитација во Пониква на повредените лица кои се во стабилна здравствена состојба, но им е потребна дополнителна медицинска услуга. Тим на лекари од 10 јуни до 20 август во рехабилитацискиот центар Пониква на сите лица ќе им пружат дополнителна медицинска грижа, но и психолошка поддршка“, велат од Владата.
Од таму ги повикуваат и ги охрабруваат сите повредени лица кои се засегнати да се јават на телефонскиот број 070/355-526 и да ги изразат своите барања и потреби.
Македонија
Сончево време, попладне локален дожд

Времето денеска ќе биде сончево со мала до умерена облачност. Попладне ќе има услови за локален развој на нестабилна облачност со пороен дожд и грмежи. Ќе дува слаб ветер од променлив правец. Минималната температура ќе биде во интервал од 12 до 20, а максималната ќе достигне од 26 до 35 степени.
Во Скопје, сончево со мала до умерена облачност. Ќе дува слаб ветер од северен правец. Минималната температура ќе се спушти до 17, а максималната ќе достигне до 34 степени.
Од денеска следува период на стабилно и сончево време со мала до умерена локална облачност. Дневните температури ќе бидат без значителни промени.
Македонија
Мурал од балкански рис исцртан на фасадата на Театар Комедија

Со мурал од балкански рис и мала прослава, Македонското еколошко друштво вчера го прослави Светскиот ден на рисот.
„Конечно најдовме дом за муралот, најдовме и артист кој го нацрта, и најдовме човек кој има визија и кој е отворен за соработка, а тоа е директорот на Театар Комедија – Дарко Спасов. Целта ни е со овој мурал да ја подигнеме јавната свест, не само на рурално туку и на урбано ниво. Кога работите ќе згуснат ни треба секаква поддршка, од секоја популација“, изјави раководителот на Програмата за закрепнување на балканскиот рис, Диме Меловски.
Тој се заблагодари на поддршката од Театар Комедија и директорот Дарко Спасов.
„Велат исти птици во исто јато летаат“, вели директорот Спасов, кој го изрази своето задоволство од соработката со Македонското еколошко друштво.
Освен муралот на фасадата на Театар Комедија, пред објектот поставена е и инфо табла со основните податоци за рисот, како и QR код кој води до новата интернет страница посветена на балканскиот рис: balkanlynx.com.
По поздравните обраќања, присутните членови и соработници на МЕД, се упатија кон Бистро Комедија каде што во неформална атмосфера имаа прилика да поразговараат за досегашните постигнувања, но и да разменат идеи и предлози за идни активности.