Македонија
Ковачевски – Азески: Новата програма на СДСМ има мерки за економски раст, стабилна бизнис клима, нови и добро платени работни места
Претседателот на СДСМ, Димитар Ковачевски денеска оствари средба со Бранко Азески, претседател на Стопанската комора на Северна Македонија.
Како што известуваат од СДСМ, на средбата се разговарало за економскиот амбиент во државата, за заштита на интересите на бизнис заедницата како и поддршка на приватниот сектор.
Ковачевски на средбата истакна дека изминатите години, Владата и бизнис заедницата во земјата интензивно работеа на конципирање на барањата на стопанството и голем дел од нивните предлози и барања беа вметнати во владини мерки, како и во законски регулативи.
Соговорниците истакнаа дека изминатиов период континуирано се соочуваме со кризи, светсктата економско енергетска криза, пред тоа пандемијата, но со правилни економски политики, економијата се одржа ликвидна, стопанството е активно, се отвораат нови работни места, растат платите, пензиите, има инвестиции и во услови на криза, соопштуваат од СДСМ.
Политичката стабилност, е предуслов за економска стабилност и раст и во време на најголема криза, истакна Ковачевски на средбата. Над 2 милијарди евра само во изминатите 3 години се насочија кон граѓаните и компаниите, толку голема финансиска поддршка од државата никогаш досега немало.
Ковачевски на средбата истакна дека СДСМ, за престојните парламентарни избори е во завршна фаза на новата Програма, за мандатот 2024-2028 година, која предвидува многу нови мерки и политики, стабилен и предвидлив економски амбиент, економски раст, повеќе инвестиции, отворање нови и добро платени работни места како и унапредување на севкупните економски односи во државата, се додава во соопштението на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здравство треба да го санира урнатиот ѕид кај Детската клиника, а Град Скопје и Општина Центар да најдат решение за подземните води
Санацијата на Полуурнатиот ѕид кај Детската клиника е во надлежност на Министерството за здравство, а решението за подземните води треба да биде изнајдено на ниво на Град Скопје и Општина Центар. Ваков е заклучокот од заедничката координативна средба во ЦУК на која беше разгледано прашањето за потпорниот ѕид и подземните води на улицата „Белградска“.
На состанокот присуствуваа претставниците од Центарот за управување со кризи (ЦУК), Градот Скопје, Општина Центар и МВР, додека Министерството за здравство било покането, но не исптатило претставник на состанокот, информираа од ЦУК.
На средбата беше истакнато дека долгорочното решавање на проблемот со водите може да трае со години, па дури и цела деценија, а краткорочното решение може да се заврши до крајот на летото. Проблемот е сериозен, а во врска со тоа колку ќе чини целата контрукција неопходно е да биде направена поголема студија од страна на стручните служби.
„Акутно и веднаш може да се направи поправка на оградата на потпорниот ѕид што е во надлежност на Министерството за здравство. Проблемот со подземните води е сериозен, особено кога станува збор за целосно зафаќање на подземните води од Водно, зашто дел од канализациската мрежа која е изградена во 50-тите години од минатиот век е уништена или затрупана, а дел се одржува. Значи, потребна е реконструкција и целосно нова изградба на нов систем, што е долгорочно решение кое може да трае со години или цела деценија. Но, тоа е државен проблем кој ќе се решава во иднина“, изјави државниот советник за организација и функционирање на Системот за управување со кризи Драги Тарчуговски, додавајќи дека треба да се направи каптирање на таа вода на улицата и нејзино внесување во атмосферската канализација.
„Очекуваме во наредниот период да се одржи координативна средба меѓу Општина Центар и Градот Скопје и да се види што може да се направи за итно решавање на овој проблем“, рече Тарчуговски.
Градоначалничката на Град Скопје, Данела Арсовска, изјави дека на претстјниот состанок со претставници од Општината Центар, треба да се види со каква документација се располага и какви финансиски импликации ќе имаат. Арсовска рече дека проблемот е многу сериозен, а такви средства нема ниту има Општината, ниту Градот. Тоа е стратешка инвестиција, вели Арсовска, што треба да се направи.
„Водостопанство како акционерско друштво од државна сопственост веќе извршило студија во минатата година. Таа е сериозен, голем, стратешки проект којшто ги опфаќа сите места каде што потенцијално има канали кои во овој момент се уништени и би требало да се ревидираат“, изјави Арсовска.
Откако минатата недела се урна дел ѕидот кај Клиниката за детски болести, институциите си ја префрлаа одговорноста за тоа под чија надлежност е ѕидот.
Македонија
(Видео) Мицкоски: Подавам рака на СДСМ за суштинските прашања од важност за Македонија, но тоа не значи амнестирање од одговорноста за криминалите
Претседателот на ВМРО-ДПМНЕ Христијан Мицкоски на денешната свеченост по повод 34 години од формирањето на ВМРО-ДПМНЕ насловена „34 години ВМРО-ДПМНЕ, 131 година ВМРО, завет, слобода, иднина, продолжуваме“ истакна дека подава рака кон СДСМ за дијалог за сите крупни прашања за државата.
„Тие од мене, како претседател на партија која посакува и работи за македонско национално единство имаат подадена рака за дијалог за сите крупни прашања за државата и од важност на граѓаните“, посочи Мицкоски.
Претседателот Мицкоски повика на македонско национално единство за сите важни прашања за државата, но истакна дека тоа никако не треба да е разбрано за амнестирање од одговорноста за криминалите.
„Им подавам рака за македонско национално единство за сите важни прашања за државата. Посакувам да ги надминат огромните проблеми и да седнеме на маса да разговараме за иднината на нашата татковина. Секако ова никако не треба да го сфатат како амнестирање од одговорноста за криминалите, но значи дека во нив ќе гледам партнер со кого имаме одговорност поради сегашните и идните генерации да работиме на создавање на единствени државни позиции кога станува збор за суштинските прашања од важност за Македонија“, дециден е Мицкоски.
Македонија
(Видео) Мицкоски: Повративме 3/4 од тоа што СДС го имаше кон ДУИ, додека сите работат за Македонија, ќе бидеме еднакви партнери во владата
За неколку дена Македонија ќе ја добие новата влада предводена од ВМРО-ДПМНЕ. Во изминатиот период кога се договораше оваа влада внимателно ги следев оние пораки од одредени политички центри од новата опозиција дека премногу им се дало на коалицијата Вреди што е ноторна измислица, замислете тие кои коленичеа во Речица кои 7 години беа главни измеќари на ДУИ нам кои повративме најмалку три четвртини од позициите кои ги изгубија ни велат дека сме дале премногу. Нека биде и така, рече претседателот Христијан Мицкоски на денешната прослава на 34 роденден на партијата.
Мицкоски укажа „сакам да кажам дека ние не даваме, ниту земаме, затоа што Македонија е заедничка држава и се додека албанските и другите коалициони партнери работат по закон и во интерес на државата ќе бидеме еднакви партнери во Владата“.
Според Мицкоски ако било кој застрани со криминални или други агенди ќе биде веднаш санкциониран кој и да е, вклучително и од ВМРО-ДПМНЕ и ќе биде повикан на одговорност додавајќи дека нема да дозволи ВМРО – ДПМНЕ да стане тоа што беше и е СДСМ.
„Ниту па ќе дозволам Вреди да стане тоа што беше ДУИ. Ќе има работа, но и одговорност. И тука никој не треба да има дилеми. И колку и да се обидуваат поразените конкуренти да го одвлекуваат вниманието од вистинските теми, да прават диверзии, чудно да откажуваат кислородните компресори во хируршките сали и да нема операции, да снемува документи по институции, да се измислуваат медицински факултети по приватни фирми на кадри на ДУИ преку ноќ, треба да знаат дека ќе ги решаваме сите проблеми, со голема посветеност“, кажа Мицкоски.
Мицкоски додаде дека „додека тие се однесуваат како разгалено дете кое мисли дека го има природното право на фотелјата дадена од народот, додека не бираат зборови и навреди да го омаловажат секој наш чекор, јас одбирам да не се занимавам со нивните валканици, туку да го реализираме она што го ветувавме пред изборите“.