Македонија
Оставка од тројцата судии од Врховен што ја донеле одлуката за одземање на Работничкиот дом, побара ССМ

Претседателот на ССМ, Слободан Трендафилов, на денешната прес-конференција побара оставка од судиите Шпенд Деваја, Исамедин Лимани и Наке Георгиев од Врховниот суд, кои ја донеле пресудата за одземање на имотот на Синдикатот.
„Како што знаете, излезе пресудата од Врховниот суд. Шпенд Деваја како претседател на советот, потпишан на пресудата, Исамедин Лимани и Наке Георгиев се луѓето што го чинат судството во Македонија, да го сметаат за корумпирано и дека работи под влијание. Овие тројца луѓе од советот на пет судии, вклучително и Елица Крстевска и Анета Бошковска, кои гласале против ваквата одлука, ја донеле одлуката со нивно слободно убедување, без никакви аргументи, со користење закон што не е во правна сила“, рече Трендафилов на денешната прес-конференција.
Врховните судии, како што објасни Трендафилов, на девет страници донеле пресуда со образложение во кое само во еден пасус се повикуваат на еден закон од 1998 годин, а кој не е во сила затоа што во 2010 година е донесен нов закон, во кој е наведено дека со стапувањето во сила на новиот закон претставува да важи законот од 1998 година.
„Многу ми е жал што овие врховни судии не знаат дека од 2010 година има нов закон за здруженија и фондации, во кој во членот 2 се наведува дека одредбите од овој закон не се однесуваат на политички партии, цркви, верски заедници, религиозни групи, синдикати, комори и други видови здружување утврдени со посебни закони“, рече Трендафилов.
„Шестар-системот во судството, да ги бодат законите и да избираат кој ќе го применуваат за временски период што ним им одговара е катастрофа и погубно за судството и е погазување на честа на сите оние судии што совесно си ја извршуваат работата и токму поради ваквите судии довербата во судството е два процента“, рече претседателот на ССМ.
„Истите врховни судии, кои разбравме дека гласале да се одземе Работничкиот дом на еден ваков криминален начин, не ја почитувале ниту одлуката на Уставниот суд од 1992 година, во чие образложение е укината одлуката за определување на рокот за преземање на средствата на општествени и политички организации. Не ја почитувале ниту пресудата на Врховниот суд од 24.11.2004 година, во која се одбива како неосновано барањето за одземање на имотот на ССМ“, посочи Трендафилов.
Тој рече дека се сомневаат на корупција од највисоки размери, на политичко влијание и притисок за носењето на ваквата одлука за да се одземе Работничкиот дом од работниците.
„Најмалку што може сега да направат судиите е да донесат нова пресуда, со која ќе ја исправат својата грешка“, додаде Трендафилов.
Тој рече дека ССМ се обратил до нивните братски синдикати од европската и светската конфедерација на синдикатите.
„Целокупното светско синдикално лидерство ќе дојде во Македонија токму во текот на изборите кога ќе им гори на политичките партии и кога тие ќе треба да поведат одговорност за овие судии“, рече Трендафилов.
Доколку овие судии не си дадат оставка до петок, во текот на наредната недела почнуваме постапка пред Републичкиот судски совет за нивно разрешување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.