Свет
Бројот на жртви се искачи на 51: Чиле во пламен, шумските пожари се шират кон урбаните средини
Бројот на жртвите од шумските пожари кои продолжуваат да беснеат во централниот дел на Чиле се искачи на 51 лице.
Површината зафатена со шумски пожар се зголеми од 30.000 на 43.000 хектари.
Службите за итни случаи се обидуваат да го задржат огнот кој ги загрозува и урбаните средини.
Црн чад извира над многу делови од регионот Валпараисо во централно Чиле, дом на речиси милион жители, а пожарникарите користеа хеликоптери за гаснење на пожарот, пренесува Ројтерс.
Областите околу крајбрежниот туристички град Вина дел Мар се меѓу најтешко погодените, а спасувачките тимови се борат да стигнат до сите погодени области. Министерката за внатрешни работи Каролина Тоха рече дека земјата се соочува со најголемата катастрофа од земјотресот во 2010 година, кога загинаа околу 500 луѓе.
Таа потенцира дека властите најмногу ги загрижува фактот што некои од активните пожари се развиваат многу блиску до урбаните средини „со многу висок потенцијал да загрозат луѓе, куќи и други предмети“.
„Ситуацијата е навистина многу тешка“, рече чилеанскиот претседател Габриел Бориќ за време на неговото обраќање до нацијата.
Шумските пожари не се невообичаени во Чиле во текот на летните месеци, а минатата година рекордниот топлотен бран уби околу 27 луѓе и уништи повеќе од 400.000 хектари земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Столтенберг им порачува на европските лидери да не се плашат од Трамп, туку да соработуваат со него
Шефот на НАТО во заминување Јенс Столтенберг им порача на европските лидери да не се плашат од републиканскиот претседателски кандидат Доналд Трамп, туку да соработуваат со него.
Во интервју за Политико, ден пред заминувањето од функцијата, генералниот секретар на Алијансата рече дека скептичните европски влади „треба да направат сè што можат“ за да го убедат Трамп да ја продолжи американската поддршка за Украина, доколку победи на изборите во ноември.
„Кој и да победи на претседателските избори во САД во ноември, мислам дека е важно европските сојузници да се ангажираат за да обезбедат САД да продолжат да ја поддржуваат Украина“, рече Столтенберг.
Свет
Трамп: Јас сум единствениот американски лидер за време на чиј мандат Русија не ги нападна соседите
Поранешниот претседател на САД и кандидат на републиканците на претстојните претседателски избори, Доналд Трамп изјави дека тој е единствениот американски лидер во последните години за време на чиј мандат Русија не ги нападна своите „соседи“, вклучително и Украина.
Во интервју за „Вашингтон пост“, Трамп изјави дека рускиот претседател Владимир Путин никогаш немаше да започне војна против Украина додека е тој на власт.
„Ние би разговарале за тоа, тоа би било негов сон, но тој никогаш не би го направил тоа со мене на власт“, истакна тој.
Свет
Путин го унапреди својот поранешен телохранител во член на Советот за безбедност на Русија
Рускиот претседател Владимир Путин денеска го унапреди Алексеј Дјумин, неговиот поранешен телохранител, во член на рускиот Совет за безбедност.
„Да се вклучат следните лица како членови на Советот за безбедност на Руската Федерација: А. Г. Дјумин – помошник на претседателот, А. Л. Линка – шеф на ГУСП, Д. В. Мантурова – прв заменик претседател, В. И. Скворцова, шеф на ФМБА“, наведено е во декретот на претседателот на Русија, објави РИА Новости.
Путин го исклучи од Советот за безбедност вршителот на должноста секретар на Генералниот совет на Единствена Русија, Владимир Јакушев, кој минатата недела премина во Советот на Федерацијата.